Ծրագրավորման լեզու

Վիքիպեդիայից՝ ազատ հանրագիտարանից

Ծրագրավորման լեզուն նշանների համակարգ է, որը նախատեսված է համակարգչային ծրագրեր գրելու համար։ Ծրագրավորման լեզուն մեզ տալիս է որոշակի բառապաշար և քերականական կանոններ, որոնցից ելնելով ծրագրավորողը գրում է իր ծրագիրը։

Առաջին ԷՀՄ-ների ստեղծումից ի վեր ստեղծվել է ավելի քան 2500 տարբեր ծրագրավորման լեզուներ[1], և ամեն տարի դրանց թիվն ավելի է մեծանում։ Որոշ լեզուներից օգտվել կարողանում են միայն դրանք ստեղծողները, իսկ մյուսները հանրահայտ են դառնում միլիոնավոր մարդկանց։ Պրոֆեսիոնալ ծրագրավորողները իրենց աշխատանքում օգտագործում են նույնիսկ 10-ից ավելի ծրագրավորման լեզուներ։
Ծրագրավորման լեզվի նկարագրությունը սովորաբար կազմված է լինում երկու բաղկացուցիչներից՝ շարահյուսություն և իմաստաբանություն։ Որոշ ծրագրեր բացատրվում են մասնագրային փաստաթղթերով, օրինակ՝ C ծրագրավորման լեզուն մասնագիտացված է ISO ստանդարտով։ Perl 5-ը և այլ վաղ լեզուներ դոմինանտ իրականացում, ինչի շնորհիվ կիրառվում են որպես տեղեկագրություն։

Ծրագրավորման լեզուն կարող է ներկայացվել մասնագրերի մի այնպիսի համակարգի տեսքով, որոնցով բութագրվում են նրա շարահյուսությունն ու իմաստաբանությունը։

Տվյալների տիպերը[խմբագրել]

Ժամանակակից թվային համակարգիչներն աշխատում են երկուական համակարգով և տվյալները պահպանում են երկնշան կոդերի մեջ։ Այդ տվյալները ցուցադրում են իրական աշխարհին պատկանող տեղեկություններ՝ անուններ, բանկային հաշիվներ, չափեր և այլն։
Ծրագրավորման լեզուն օժտված է լինում «տիպերի համակարգով», որով կազմակերպվում են տվյալները։ Լեզուները լինում են «ստատիկ տիպականացումով» և «դինամիկ տիպականացումով», ինչպես նաև լինում են «տիպ չունեցող լեզուներ», որոնցից է, օրինակ՝ ծրագրավորման Forth լեզուն։

Տվյալների կառուցվածքները[խմբագրել]

Բարձրամակարդակ լեզուների տիպերի համակարգերը թույլ են տալիս որոշել բաղադրյալ տիպերը, այսպես կոչված՝ տվյալների կառուցվածքները։ Տվյալների կառուցվածքային տիպերը ձևավորվում են որպես բազային (ատոմաչափային) բաղադրյալ տիպերի դեկարտային ստեղծագործություն։
Բարձրամակարդակ լեզուներում տվյալների (ցանկեր, հերթեր, աղյուսակներ, երկնշանային ծառեր և զույգեր) հիմնական կառուցվածքները հաճախ ներկայացվում են հատուկ շարահյուսական կոնստրուկցիաների միջոցով։ Այդպիսի տվյալները ձևավորվում են ինքնաբերաբար։

Ծրագրավորման լեզուների իմաստաբանությունը[խմբագրել]

Տարածված են ծրագրավորման լեզվի իմաստաբանությունը բնութագրող տարատեսակների երեք խումբ՝ օպերացիոն, դերիվացիոն (աքսիոմատիկ) և դենոտացիոն (մաթեմատիկական)։

  • «օպերացիոն» մոտեցման շրջանակներում իմաստաբանությունը նկարագրելու ժամանակ սովորաբար ծրագրավորման լեզվի կառուցվածքների կատարումը մեկնաբանվում է ինչ-որ մի երևակայական ԷՀՄ-ի օգնությամբ։
  • «դերիվացիոն» իմաստաբանությունը նկարագրում է տրամաբանության լեզվի ու նախա- և ետպայմաններ առաջադրելու օգնությամբ լեզվի կառուցվածքների կատարման հետևանքները։
  • «դենոտացիոն» իմաստաբանությունը կատարում է այնպիսի պատկերացումներով գործողություններ, որոնք բնորոշ են մաթեմատիկային՝ բազմություններ, համապատասխանություններ, նաև՝ դատողություններ, պնդումներ և այլն։

Տես նաև[խմբագրել]

Ծանոթագրություն[խմբագրել]

  1. «Ծրագրավորման լեզուների ցանկը»։ ???։ ???։ Արխիվացված օրիգինալից 2011-08-22-ին։ http://www.webcitation.org/6171oHmhT։ Վերցված է ???։ 

Հղումներ[խմբագրել]