Զմրուխտե քառասալիկ

Վիքիպեդիայից՝ ազատ հանրագիտարանից

Զմրուխտե քառասալիկ (լատ.՝ tabula smaragdina), փաստաթուղթ, որն ավանդույթի համաձայն գրվավել է Հերմես Եռամեծի կողմից զմրուխտե թիթեղի վրա և պահվում էր եգիպտական մի տաճարի գաղտապահոցներում, կամ գտնվել է Հերմեսի դամբարանի վրա Ապոլլոնիոս Թիանցու /մ.թ.ա. 1-մ.թ. 97/ կողմից։

Զմրուխտե քառասալիկի պատկերը զետեղված Geheime Figuren der Rosenkreuzer (1785)և Trismosin, La Toyson d'or (1613) ժողովածուներում

Զմրուխտե քառասալիկի տեքստը[խմբագրել]

Ճշմարիտ եմ ասում՝

Այն ինչ ներքևում է, նման է նրան, ինչ վերևում է, իսկ այն, ինչ վերևում է նման է նրան, ինչ ներքևում է։

Եվ այդ ամենը միայն նրա համար է, որ իրականանա մեկ ամբողջական գոյի հրաշագործությունը։

Եվ այսպես բոլոր գոյերն առաջացան այդ Մեկից Կատարյալի միջոցով՝ այդպես բոլոր գոյերն առաջացան այդ միակ էությունից հարմարման միջոցով։

Նրա հայրը Արևն է, իսկ մայրը՝ Լուսինը։ Քամին նրան իր ընկերքում է կրել։ Նրա ստնտուն Երկիրն է։

Այդ էությունը ամենայն կատարելության հայրն է ամբողջ տիեզերքում։

Նրա ուն ամբողջական է մնում, երբ նա հող է դառնում։

Դու կբաժանես հողը կրակից, կոպիտը նուրբից հմտորեն ու մեծ արվեստով։

Այդ էությունը ելնում է երկրից դեպի երկինք և կրկին վերադառնում է երկրի վրա՝ ընկալելով աշխարհի ստորին և վերին մասերի ուժը։ Այդպես դու ամբողջ աշխարհի փռք ձեռք կբերես։ Այդ պատճառով քեզանից կհեռանա ամեն տեսակի խավարը։

Այդ էությունը բոլոր ուժերի ուժն է, քանզի այն հաղթում է ամենանուրբ գոյը և թափանցում ամենակարծր գոյի մեջ։

Այդպես է արարված աշխարհը։

Այստեղից են առաջանում բոլոր հարմարվողությունները։

Այդ պատճառով ես կոչվեցի Եռամեծ, քանզի տիրապետում եմ տիեզերական Փիլիսոփայության երեք մասերին։

Սակայն լռում եմ, վերջացնելով այն, ինչ ուզում էի ասել Արևի գործունեության մասին։

Գրականություն[խմբագրել]

  • Гермес Трисмегист и герметическая традиция востока и запада. К.։Ирис. М.։ Алетейа. 1998.