Զարմայր Արվանով

Զարմայր Արվանով
ապրիլի 15, 1915 - փետրվարի 1, 1997 (81 տարեկան)
Ծննդավայր	Թիֆլիս, Ռուսական կայսրություն
Մահվան վայր	Սանկտ Պետերբուրգ, Ռուսաստան
Գերեզման	Բոգոսլովսկոե գերեզմանատուն
Քաղաքացիություն	Ռուսական կայսրություն և ԽՍՀՄ
Զորատեսակ	Խորհրդային նավատորմ
Կոչում	կոնտր-ադմիրալ
Հրամանատարն էր	K-21?
Մարտեր/; պատերազմներ	Երկրորդ համաշխարհային պատերազմ
Կրթություն	Սանկտ Պետերբուրգի ռազմածովային ինստիտուտ (1938)
Պարգևներ	և

Զարմայր Մամիկոնի Արվանով (ապրիլի 15, 1915(1915-04-15)^[1], Թիֆլիս, Ռուսական կայսրություն^[1] - փետրվարի 1, 1997(1997-02-01)^[2], Սանկտ Պետերբուրգ, Ռուսաստան), խորհրդային բանակի ռազմածովային նավատորմի դերծովակալ (կոնտրադմիրալ) 1960 թվականից։ ԽՄԿԿ անդամ 1942 թվականից։

Կենսագրություն[խմբագրել | խմբագրել կոդը]

Զարմայր Արվանովը ծնվել է Թիֆլիսում, հայերի ընտանիքում։ Տոհմածառից հայտնի է միայն, որ նրա նախնիները Արցախից են։

1933 թվականին ընդունվել է և 1938 թվականին ավարտել է Լենինգրադի Ֆրունզեի անվան ռազմածովային բարձրագույն ուսումնարանը՝ ստանալով լեյտենանտի կոչում։ Արվանովը նշանակվում է սուզանավերի բրիգադի «С-1» սուզանավի խմբի հրամանատար։

Հյուսիսային նավատորմի կազմում մասնակցել է Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողություններին, 1942 թվականի հուլիսի 19-ին նշանակվել է «К-21» սուզանավի հրամանատար։ Հենց առաջին մարտական արշավի ժամանակ նրա սուզանավը ոչնչացրել է հակառակորդի պահակային երեք նավ։

Որպես Կարմիր դրոշի շքանշանակիր «К-21» հռչակավոր սուզանավի սկզբում հրամանատարի ավագ օգնական, այնուհետև՝ հրամանատար մասնակցել է յոթ մարտական արշավի։

Հետպատերազմյան տարիներին եղել է Լենինգրադի Ձերժինսկու անվան ռազմածովային բարձրագույն ճարատարագիտական ուսումնարանի պետի տեղակալ։

1960 թվականի մայիսին Զարմայր Արվանովին շնորհվել է Խորհրդային Միության դերծովակալի կոչում։

1963 թվականին առողջական խնդիրների պատճառով Արվանովը զորացրվել է^[3]։

Մահացել է 1997 թվականին Սանկտ Պետերբուրգում՝ կյանքի 82-րդ տարում^[4]։

Պարգևներ[խմբագրել | խմբագրել կոդը]

Պարգևատրվել է Կարմիր դրոշի 2, Կարմիր աստղի 2, Հայրենական պատերազմի 1-ին և Նախիմովի 2-րդ աստիճանի շքանշաններով։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,0 ^2,1 ^2,2 http://am.hayazg.info/index.php?curid=14492
↑ «Ով ով է. հայեր», կենս. հանրագիտ., հատոր 1, Երևան, 2005
↑ Помним: Арванов Зармайр Мамиконович

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 115)։

[_5e5775e65518eefb-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 ^1,8 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_188220651d78b57b-2] 2,0 ^2,1 ^2,2 http://am.hayazg.info/index.php?curid=14492

[3] «Ով ով է. հայեր», կենս. հանրագիտ., հատոր 1, Երևան, 2005

[4] Помним: Арванов Зармайр Мамиконович

[1]

[2]

[3]

[4]