Եվրոպայի ինֆորմատիկայի պատանեկան օլիմպիադա (ԵվԻՊՕ) (անգլ.՝ (eJOI) European Junior Olympiad in Informatics), մինչև 15 տարեկան դպրոցականների միջև ամենամյա մրցույթ ինֆորմատիկա առարկայից։ ԵվԻՊՕ-ն առաջին անգամ անց է կացվել 2017 թվականին։
Մրցույթը անց է կացվում Ինֆորմատիկայի միջազգային օլիմպիադայի (ԻՄՕ) կանոնների համաձայն։ Մրցույթը բաղկացած է երկու օրից, որոնցում մասնակիցներին առաջարկվում է լուծել և գրել ալգորիթմական խնդիրների համար ծրագրեր՝ երեք խնդիր չորս ժամվա ընթացքում։ Մասնակիցները մրցում են անհատապես, յուրաքանչյուր երկրից կարող են մասնակցել ոչ ավել, քան չորս մասնակից։ Յուրաքանչյուր մասնակից լուծում է խնդիրները ինքնուրույն, օգտվելով մի համակարգչից։ Խնդիրները լուծելու համար անհրաժեշտ է գրել ծրագիր C, C++ կամ Pascal լեզուներով։ Մրցույթից հետո ծրագիրը գնահատվում է այն գաղտնի թեստերով անցկացնելու արդյունքում։ Երկու օրերի արդյունքում յուրաքանչյուր մասնակցի ստացված միավորները գումարվում են առանձին-առանձին։ Պարգևատրման արարողության ժամանակ մասնակիցները պարգևատրվում են ըստ վարկանիշի, որը ձևավորվում է հավաքված միավորների գումարի հիման վրա[1][2]։