Եղիշե Վարդանյան

Վիքիպեդիայում կան հոդվածներ Վարդանյան ազգանունով այլ մարդկանց մասին։

Եղիշե Վարդանյան
Ծնվել է	մայիսի 9, 1905
Ծննդավայր	Արևմտյան Հայաստան
Մահացել է	օգոստոսի 11, 1958
Մահվան վայր	Երևան, Հայկական ԽՍՀ, ԽՍՀՄ
Մասնագիտություն	քաղաքական գործիչ
Զբաղեցրած պաշտոններ	Երևանի քաղաքապետ
Կուսակցություն	ԽՄԿԿ
Պարգևներ և մրցանակներ	և
Երեխաներ	Մնացական Վարդանյան, Լևոն Վարդանյան, Հրաչիկ Վարդանյան, Ռազմիկ Վարդանյան

Եղիշե Գևորգի Վարդանյան (մայիսի 9, 1905, գ. Խոշգյալդի, Բիթլիսի վիլայեթի Բուլանըխ գավառ (Արևմտյան Հայաստան) - օգոստոսի 11, 1958, Քաջարան), խորհրդային կուսակցական և պետական աշխատող։ ԽՄԿԿ անդամ 1927 թվականից։

Կենսագրություն

Ավարտել է Հայաստանի կոմունիստական գյուղատնտեսական բարձրագույն դպրոցը (1937) և ԽՄԿԿ Կենտկոմին կից բարձրագույն կուսակցական դպրոցի հեռակա բաժինը (1950)։ Եղել է ՀԿԿ Կենտկոմի հրահանգիչ (1937-1938), 1938 թվականից՝ ՀՍՍՀ Նոյեմբերյանի շըրջսովետի գործկոմի նախագահ, ապա՝ ՀԿԿ Նոյեմբերյանի շրջկոմի առաջին քարտուղար, 1940 թվականից՝ ՀԿԿ Երևանի կազմակերպության Ստալինյան շրջկոմի առաջին քարտուղար։ 1947 թվականից եղել է Երևանի քաղսովետի գործկոմի նախագահ, 1952 թվականից՝ ՀԽՍՀ շինանյութերի արդյունաբերության նախարար, 1955 թվականից՝ «Քաջարանշին» տրեստի կառավարիչը։ Եղել է ԽՍՀՄ III, ՀԽՍՀ II գումարումների Գերագույն խորհրդի պատգամավոր, ՀԿԿ ԿԿ-ի (1939-1954), ՀԿԿ ԿԿ-ի բյուրոյի (1948-1952), ՀԽՍՀ Գերագույն խորհրդի Նախագահության (1947-1951) անդամ։

Հիշատակ

• Երևանի Թումանյան փողոցի 32 շենքի պատին, որտեղ բնակվել է Եղիշե Վարդանյանը, 1999 թվականին տեղադրվել է հուշատախտակ։

Պարգևներ

• Կարմիր աստղի շքանշան,
• «Պատվո նշան» շքանշան,
• «Աշխատանքային արիության համար» մեդա,
• «Կովկասի պաշտպանության համար» մեդալ,
• «Հայրենական մեծ պատերազմի ժամանակ կատարած անձնվեր աշխատանքի համար» մեդալ։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 319)։