Աշոտ Ղազարյան

Անվան այլ կիրառումների համար տե՛ս՝ Աշոտ Ղազարյան (այլ կիրառումներ)

Վիքիպեդիայում կան հոդվածներ Ղազարյան ազգանունով այլ մարդկանց մասին։

Աշոտ Ղազարյան
Ծնվել է	մայիսի 15, 1949(1949-05-15) (75 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասան և երգիչ
Ժանրեր	Կատակերգություն
Պարգևներ և մրցանակներ	Երևանի պատվավոր քաղաքացի և Հայաստանի ժողովրդական արտիստ

Աշոտ Սուրենի Ղազարյան (մայիսի 15, 1949(1949-05-15), Երևան, Հայկական ԽՍՀ, ԽՍՀՄ), հայ դերասան, հաղորդավար, կատակերգու և երգիչ։ ՀՀ ժողովրդական արտիստ (2014)։

Կրթություն

Ավարտել է Երևանի Չարենցի անվան միջնակարգ դպրոցը։ 1968-1973 թվականներին սովորել է Երևանի գեղարվեստա-թատերական ինստիտուտի դերասանական ֆակուլտետում՝ Վարդան Աճեմյանի արվեստանոցում։

Դերասանական գործունեություն

1967-1968 և 1975-1976 թվականներին աշխատել է Երևանի դրամատիկական թատրոնում՝ որպես դերասան։ 1973-1974 թվականներին աշխատել է Գաբրիել Սունդուկյանի անվան թատրոնում՝ որպես դերասան։ 1976 թվականին եղել է Հայպետէստրադա «Ուրախ ժամ» համույթի մենակատար, «Ուրարտու» համույթի հանդիսավար։ 1977-1978 թվականներին աշխատել է «Ուրարտու» համույթում՝ որպես երգիչ։ 1979 թվականին եղել է Հայհամերգ միավորումի բեմադրող ռեժիսոր, «Միայն ծիծաղ» խմբի և «Նաիրի» համույթի գեղարվեստական ղեկավար։ Նկարահանվել է «Հայֆիլմ» կինոստուդիայի և հայկական հեռուստատեսության մի շարք գեղարվեստական ֆիլմերում և հաղորդումներում։ 2006 թվականին ստեղծել է Աշոտ Ղազարյանի հումորի, ծիծաղի և խոսքի դպրոց-ստուդիան։

2019-2020 թվականներին նկարահանվել է է Դ. Գրիգորյանի բազմասերիանոց «Անհասցե Ծնվածները» հեռուստասերիալում։ 2019 թվականին նկարահանվել է «Վերջին Ուսուցիչը» հեռուստասերիալում։ Իսկ այժմ նկարահանվում է Դ. Գրիգորյանի բազմասերիանոց «Սարի Աղջիկ» հեռուստասերիալում։

Պարգևներ

• Մովսես Խորենացու մեդալ
• Հայաստանի վաստակավոր արտիստ, 2005
• ՀՀ ժողովրդական արտիստ (2014)
• «Երևան քաղաքի զինանշան»
• «Գարեգին Նժդեհ» մեդալ
• «Ֆրիտյոֆ Նանսեն» մեդալ