Անտառային (լիճ)
| Անտառային | |
|---|---|
 | |
| Տեսակ | լիճ |
| Երկիր | .svg){kind=small} Կանադա[1][2] և  ԱՄՆ[3] |
| Վարչատարածք | Լեյք օֆ դը Վուդս շրջան (Մինեսոտա), Ռոսո շրջան (Մինեսոտա), Division No. 1, Manitoba?, Dawson?[4], Unorganized Rainy River District?[4], Lake of the Woods?[4], Sioux Narrows-Nestor Falls?[4], Unorganized Kenora District?[4], Kenora?[4], Մանիթոբա և Օնտարիո |
| Երկարություն | 110 կմ |
| Լայնություն | 95 կմ |
| ԲԾՄ | 322 մետր և 320 մետր |
| Խորություն | 64 մետր |
| Մակերես | 4350 կմ² |
| Հյուսիսային կետ | 49°23′04″ հս․. լ. 95°09′12″ ամ. ե.HGЯO |
| Ջրահավաքի տարածք | Lake Winnipeg basin? |
| Ավազանի երկիր | Կանադա[1][2] և ԱՄՆ |
| Լիճ հոսող գետ | Ռայն (Անձրևոտ) գետ[1] |
| Լճից հոսող գետ | Վինիպեգ գետ[1] |
| Անվանված է | անտառ |
 | |
 | |
Անտառային (անգլ.՝ Lake of the Woods), լիճ Հյուսիսային Ամերիկայում։ Գտնվում է Մեծ Լճերից արևմուտք՝ Կանադայի (Մանիտոբա և Օնտարիո նահանգներ) և ԱՄՆ (Մինեսոտա) նահանգների սահմանին։ ԱՄՆ լճերի շարքում տարածքով 7-րդ տեղն է զբաղեցնում։ Լճի ջրերն առանձնացնում են Մինեսոտան Հյուսիսարևմտյան Անկյունից, որը Կանադային հարող մի փոքր տարածք է և ցամաքային նահանգների ամենահյուսիսային կետն է։
Լճի մակերեսը 4350 կմ² է (որից 3149 կմ² կանադական ջրերն են), ծովի մակարդակից բարձր է 323 մետր[5]։ Ափագիծը խիստ կտրված է, ափագծի երկարությունը հասնում է 105 000 կմ և համարվում է ամենամեծը Կանադայի լճերի շրջանում։ Լիճն ունի ավելի քան 14 հազար կղզիներ, որոնցից նշանավոր են Մեծ կղզին, Բիգսբին և Բազեն։ Օլնոյի մեծ թերակղզին լճի մեջ է մխրճվում արևելյան ափից՝ բաժանելով այն հյուսիսային և հարավային մասերի։ Լճի ավազոտ, ցածր և հարթ հարավային ափը կտրուկ հակադրվում է գրանիտի հյուսիսային ափին, որը կտրված է անհամար ծովածոցներով, հարուստ ջրհոսներով, թերակղզիներով և կղզիներով։ Լճի հյուսիսային ափին գտնվում է Կենորա քաղաքը։
Լիճը հիմնականում սնվում է հարավից՝ Ռայն (Անձրևոտ) գետից, ինչպես նաև արևմուտքից՝ Կակագի լճից, Դրայբերիից և շատ ուրիշներից։ Լիճը հյուսիսից Վինիպեգ գետով դեպի հյուսիս-արևմուտք հոսք ունի համանուն լիճ։
Երկրաբանական տեսանկյունից Ագասիզ մեծ սառցադաշտային լճի մնացորդ է[6]։ Հարավ-արևելքում գտնվում է Մեծ լճերի համակարգի Վերին լիճը, բայց նրանց միջով է անցնում Ատլանտյան և Արկտիկական ավազանների ջրբաժանը։
Լճի ափին բնադրում են այնպիսի թռչուններ, ինչպիսիք են շեփորահողը (անգլ.՝ Charadrius melodus)՝ քարադրը և ամերիկյան սպիտակ հավալուսնը։ Լճի տարածքում բնադրում են նաև սպիտակագլուխ ծովարծիվների մի քանի հարյուր զույգեր։ Զարգանում է շիղաձկների, հյուսիսային գայլաձկների, խոշոր բերանով և փոքր բերանով թառի սիրողական ձկնորսությունը։ Որսում են նաև լճի իշխան և դեղին թառ[7]։
-
Անտառային լիճը տիեզերքից -
Կանադա
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Canadian Geographical Names Data Base, base de données toponymiques du Canada, Canadian Geographical Names Database — Natural Resources Canada.
- ↑ 2,0 2,1 Toporama
- ↑ Geographic Names Information System
- ↑ 4,0 4,1 4,2 4,3 4,4 4,5 Ontario Geographic Names Map Viewer
- ↑ «Lake of the Woods | The Canadian Encyclopedia». www.thecanadianencyclopedia.ca. Վերցված է 2020 թ․ ապրիլի 30-ին.
- ↑ Лесное озеро // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ «Canada Fishing Online. Ontario Fishing». www.canadafishingonline.net. Արխիվացված է օրիգինալից 2011 թ․ օգոստոսի 10-ին. Վերցված է 2011 թ․ օգոստոսի 10-ին.
 | Վիքիպահեստն ունի նյութեր, որոնք վերաբերում են «Անտառային (լիճ)» հոդվածին։ |
| ||||||||||
