Անդերս Լեոնարդ Ցորն

Անդերս Լեոնարդ Ցորն
(գրաֆիկ, գեղանկարիչ, քանդակագործ)
Բնագիր ԱԱՀ՝	Anders Leonard Zorn
Ծննդյան օր՝	փետրվարի 18 1860
Ծննդավայր՝	Մորա (Շվեդիա)
Վախճանի օր՝	օգոստոսի 22 1920
Վախճանի վայր՝	Մորա (Շվեդիա)

Անդերս Լեոնարդ Ցորն (շվեդ. Anders Leonard Zorn) (Փետրվարի 18, 1860 — Օգոստոսի 22, 1920) - շվեդացի գեղանկարիչ, գրաֆիկ, քանդակագործ։

Ստեղծագործական կյանքը

Սովորել է Ստոքհոլմի գեղարվեստաարդյունաբերական դպրոցում (1875-1877) և Գեղարվեստի ակադեմիայում (1877-1881)։ կրել է իմպրեսիոնիզմի ազդեցությունը։ Եղել է Եվրոպայի շատ երկրներում, Հյուսիսային Աֆրիկայում, Ամերիկայում։ 1896 թվականից ապրել և ստեղծագործել է Շվեդիայում։

Ստեղծել է կենսախինդ կերպարներ, համարձակորեն հաղորդել լուսավորության էֆեկտները, նկարել ազատ, ոչ սակավ էսքիզային եղանակով։ Նկարել է շվեդ գյուղացիների կյանքն արտացոլող ժանրային պատկերներ, իր արվեստանոցից պատկերներ, ֆիգուրներով բնապատկերներ (այդ թվում ՝ բազմաթիվ մերկ մարմիններ պլենէրում)։ Դիմանկարներում վարպետորեն է պատկերել բնորդի դիմախաղը, ժեստը։ Լույս ու ստվերի հարուստ խաղով աչքի են ընկնում Ցորնի օֆորտները։ Հանդես է եկել նաև որպես քանդակագործ։ Ստեղծել է ոճով Մայոլի գործերին մոտիկ բազմաթիվ բրոնզյա արձանիկներ։

Արտաքին հղումներ

• Անդերս Ցորն, նկարներն ու կենսագրությունը

Աղբյուրներ

Մեդիաֆայլեր այստեղ՝ Անդերս Լեոնարդ Ցորն