Անանդալեի խխունջ
Անանդալեի խխունջ | ||||||||
---|---|---|---|---|---|---|---|---|
Գիտական դասակարգում | ||||||||
|
||||||||
Լատիներեն անվանում | ||||||||
Odhneripisidium annandalei
|
Անանդալեի խխունջ (լատին․՝ Odhneripisidium annandalei), օրկուլիդների ընտանիքին պատկանող փափկամարմին կենդանի։ Գրանցված է Հայաստանի Հանրապետության Կարմիր գրքում։
Նկարագրություն[խմբագրել | խմբագրել կոդը]
2,6 մմ երկարությամբ և 1,8 մմ լայնությամբ կարճ ձվաձև, ուռուցիկ կամ մոխրագույն, փայլատ փոքր խեցին շատ նուրբ է և գրեթե կանոնաձև մանրագծված[1]։
Տարածվածություն[խմբագրել | խմբագրել կոդը]
Տարածված է Ադրբեջանում, Թուրքիայում, Սիրիայում, Իսրայելում, Իրանում, Աֆղանստանում։ Հայաստանում հայտնի է միայն Մեղրի քաղաքի շրջակայքում (Սյունիքի մարզ)[1]։
Էկոլոգիա[խմբագրել | խմբագրել կոդը]
Ապրում է աղբյուրից սնվող գետնամերձ ճահիճներում։
Կենսաբանական առանձնահատկությունները հայտնի չեն[1]։
Պահպանություն[խմբագրել | խմբագրել կոդը]
Ծայրահեղ սահմանափակ արեալով հազվագյուտ տեսակ է։ Բնության պահպանության միջազգային միության Կարմիր ցուցակի չափորոշիչներով ներկայումս գնահատվում է որպես կրիտիկական վիճակում գտնվող տեսակ։ Հայտնաբերված են քիչ քանակությամբ առանձնյակներ։
Վտանգման հիմնական գործոն է հանդիսանում ջրամբարի հիդրոլոգիական ռեժիմի խախտումը։
Պահպանվում է «Արևիկ» ազգային պարկում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.