Ամհարերեն

Ամհարերեն (նաև` Ամհարիկ, Ամհարա) — սեմական լեզվաընտանիքի հարավային խմբին պատկանող լեզու, Եթովպիայի պետական լեզուն։

Հստակ տարբերակում է միայն բայը, անունը և եղանակավորող բառ-մասնիկները, չկա գոյականի և ածականի որոշակի տարբերակում (նույնը և նախդիրի և շաղկապի միջև)։ Ունի թույլ շեշտ։

Գրությունը

Ամհարական գիրը եթովպիական գիրն է` լրացուցիչ նշաններով հանդերձ։ Ամհարերեն գրելու և տպելու համար պահանջվում է շուրջ 296 նշան։ Գրավոր հիշատակարանները սկիզբ են առնում 14-15-րդ դարերից։

Աղբյուրներ

• Հ. Զ. Պետրոսյան, Ս. Ա. Գալստյան, Թ. Ա. Ղարագյուլյան, Լեզվաբանական բառարան, Երևան, ՀՍՍՀ ԳԱ հրատարակչություն, 1975, էջ 10։