Հրանտ Պետրոսյան

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Հրանտ Պետրոսյան
Ծնվել է	հունվարի 14, 1927(1927-01-14) Հաթերք, Ադրբեջան
Մահացել է	մարտի 16, 2001(2001-03-16) (74 տարեկան) Նյու Ջերսի, ԱՄՆ
Քաղաքացիություն	Հայկական ԽՍՀ
Մասնագիտություն	լեզվաբան
Հաստատություն(ներ)	Երևանի պետական համալսարան և ՀՀ ԳԱԱ Հրաչյա Աճառյանի անվան լեզվի ինստիտուտ
Ալմա մատեր	Արցախի պետական համալսարան (1946) և Երևանի պետական համալսարան (1951)
Գիտական աստիճան	բանասիրական գիտությունների դոկտոր (1973) և պրոֆեսոր (1978)
Տիրապետում է լեզուներին	հայերեն

Հրանտ Զինավորի Պետրոսյան (հունվարի 14, 1927(1927-01-14), Հաթերք, Ադրբեջան - մարտի 16, 2001(2001-03-16), Նյու Ջերսի, ԱՄՆ), հայ լեզվաբան, հայերենագետ, բանասիրական գիտությունների դոկտոր (1973), պրոֆեսոր (1978)։

Կենսագրություն

Հրանտ Պետրոսյանը ծնվել է 1927 թվականի հունվարի 14-ին Լեռնային Ղարաբաղի Մարտակերտի շրջանի Հաթերք գյուղում, որտեղ ավարտել է միջնակարգ դպրոցը։ 1946 թվականին ավարտել է Ստեփանակերտի ուսուցչական (երկամյա) ինստիտուտը, այնուհետև սովորել է ԵՊՀ բանասիրության ֆակուլտետում, որն ավարտել է 1951 թվականին։ 1954 թվականին պաշտպանել է թեկնածուական ատենախոսություն։ 1955-1956 թվականներին Հրանտ Պետրոսյանը՝ որպես խմբագիր, աշխատել է ԵՊՀ հրատարակչությունում։ 1957-1963 թվականներին եղել է ՀԽՍՀ ԳԱ Հրաչյա Աճառյանի անվան լեզվի ինստիտուտի գիտաշխատող։ 1963-1993 թվականներին դասախոսել է ԵՊՀ-ում։

1973 թվականին Հրանտ Պետրոսյանը պաշտպանել է դոկտորական ատենախոսություն։ 1978 թվականից նա եղել է համալսարանի ընդհանուր և համեմատական լեզվաբանության ամբիոնի պրոֆեսոր, իսկ 1993 թվականից՝ նույն ամբիոնի վարիչ։

Հրանտ Պետրոսյանը մահացել է 2001 թվականի մարտի 16-ին Նյու Ջերսիում (ԱՄՆ)։

Հրանտ Պետրոսյանն իր գիտական գործունեության շուրջ 30 տարիների ընթացքում հեղինակել է հայերենագիտույթանն ու ընդհանուր լեզվաբանությանը նվիրված բազմաթիվ հոդվածներ և մենագրական աշխատություններ։ Մասնակցել է «Լեզվաբանական բառարանի» (Երևան, 1975) ստեղծման աշխատանքներին։

Աշխատություններ

• Գոյականի առումները հայերենում, Երևան, 1960,
• Գոյականի թվի կարգը հայերենում, Երևան, 1972,
• Լեզվաբանական բառարան, 1975 (համահեղինակ)
• Ակնարկներ հայերենի պատմական ձևաբանության, Երևան, 1976,
• Հայերենագիտական բառարան, Երևան, 1987։

Աղբյուրներ

• Հ. Պետրոսյան, Հայերենագիտական բառարան, Երևան, 1987, էջ 528-529։
• Հրանտ Պետրոսյան Արխիվացված 2021-01-16 Wayback Machine

Վիքիդարանն ունի նյութեր, որոնք վերաբերում են «Հրանտ Պետրոսյան» հոդվածին։