Ալեքսեյ Շվեդ
| Ալեքսեյ Շվեդ | |
 |
|
| Ակումբ |  Մինեսոտա Թիմբերվուլվզ |
|---|---|
| Դիրքը | Հարձակվող պաշտպան/ խաղարկող |
| Համար | № 1 |
| Ի ծնե տրված անունը | Ալեքսեյ Շվեդ Алексей Швед |
| Ծննդյան ամսաթիվ | դեկտեմբերի 16, 1988 |
| Ծննդավայր |  Բելգորոդ, ՌԽՍՀ, ԽՍՀՄ |
| Հասակ | 1,98 մ |
| Քաշ | 83 կգ |
| Կարիերայի պատմություն |  ԲԿՄԱ Մոսկվա (2006–2012)Խիմկի (2007)Դինամո Մոսկվա (2009–2010)Մինեսոտա Թիմբերվուլվզ (2012-այժմ) |
| Մեդալներ | Օլիմպիական խաղեր Բրոնզե-Լոնդոն 2012ՖԻԲԱ-ի Եվրոպայի առաջնություն Բրոնզե-Լիտվա 2011 |
Ալեքսեյ Վիկտորովիչ Շվեդ (ռուս.` Алексей Викторович Швед, ծնվ.` դեկտեմբերի 16, 1988թ.), ռուս պրոֆեսիոնալ բասկետբոլիստ: Խաղում է հարձակվող պաշտպանի և խաղարկողի դիրքերում: Ներկա պահին հանդես է գալիս Բասկետբոլի ազգային ասոցիացիայի (NBA) «Մինեսոտա Թիմբերվուլվզ» ակումբում:
Բովանդակություն |
Պրոֆեսիոնալ կարիերան [խմբագրել]
2005-2006 թթ. հանդես գալով «ԲԿՄԱ Մոսկվա» ակումբի երիտասարդական հավաքականում` Շվեդը որպես պրոֆեսիոնալ բասկետբոլիստ սկսում է հանդես գալ 2006 թվականից:
2007 թվականի հունվարի 17-ին Շվեդը կատարում է իր նորամուտը Բասկետբոլի Եվրալիգայում` ընդդեմ լիտվական «Ժալգիրիսի»:[1] Նույն թվականի փետրվարին Շվեդը, վարձակալության սկզբունքով, «ԲԿՄԱ»-ից տեղափոխվում է «Խիմկի»: Մինչ 2007-08 մրցաշրջանի մեկնարկը Շվեդը վերադառնում է «ԲԿՄԱ»: 2008 թվականի դեկտեմբերին, կրկին վարձակալությամբ, Շվեդը տեղափոխվում է Մոսկավայի «Դինամո» և վերադառնում «ԲԿՄԱ»` մինչև 2010-11 խաղաշրջանի մեկնարկը:
2012 թվականի հուլիսի 23-ին, «ԲԿՄԱ» ակումբի ղեկավարությունը պաշտոնապես հայտարարում է Շվեդի հեռանալու և Բասկետբոլի ազգային ասոցիացիային միանալու մասին:[2] 2 օր անց Շվեդը 3 տարվա 10 միլիոն ԱՄՆ դոլարի պայմանագիր է կնքում «Մինեսոտա Թիմբերվուլվզի» հետ: «Թիմբերվուլվզին» է միանում նաև Շվեդի համերկրացի և «ԲԿՄԱ»-ի թիմակից Անդրեյ Կիրիլենկոն:[3]
Ազգային հավաքական [խմբագրել]
Շվեդը պատանի հասակում մի քանի անգամ հանդես է եկել Ռուսաստանի երիտասարդական հավաքականի կազմում. 2006 թվականին մասնակցել է ՖԻԲԱ-ի մինչև 18 տարեկանների և 2007 և 2008 թվականներին` մինչև 20 տարեկանների աշխարհի առաջնություններին:
Բացի այդ եղել է նաև ազգային հավաքականի անդամ, որի կազմում 2011 թվականին հաղթել է բրոնզե մեդալ ՖԻԲԱ-ի Եվրոպայի առաջնությունում, իսկ Լոնդոնի 2012 թվականի օլիմպիական խաղերում դարձել է բրոնզե մեդալակիր` Արգենտինայի դեմ խաղում իր հաշվին գրանցելով 25 միավոր և 81-77 հաշվով գրավելով երրորդ տեղը` զիջելով Միացյալ Նահանգներին և Իսպանիային:
Մրցանակներ և նվաճումներ [խմբագրել]
- II աստիճանի մեդալ «հայրենիքին կատարած ծառայությունների համար» (օգոստոսի 13, 2012թ.)
- ՌԴ սպորտի վաստակավոր վարպետ (օգոստոսի 20, 2012)
- 3 անգամ Ռուսաստանի չեմպիոն (2007-08, 2008-09, 2011-12)
- Եվրալիգայի հաղթող (2007-08)
- Եվրալիգայի երիտասարդական առաջնության հաղթող (2005-06)
- ԴՅԲԼ-ի արծաթե մեդալակիր (2005-06)
- «Զոլոտայա կորզինա» սպորտային մրցանակաբաշխության «Ռուսաստանի լավագույն երիտասարդ բասկետբոլիստ» անվանկարգի նոմինանտ (2008)
- Ալեքսանդր Գամելսկու անվան MVP (2008-09)
- Լոնդոն 2012-ի բրոնզե մեդալակիր
Արտաքին հղումներ [խմբագրել]
Աղբյուրներ [խմբագրել]
- ↑ Euroleague.net, կանոնավոր առաջնություն, խաղ 12 - Հունվարի 17, 2007թ. - «Յունիվերսալ Սպորտս»
- ↑ «Ալեքսեյ Շվեդը խաղալու է «Մինեսոտայում»»։ CSKABasket.com։ Հուլիսի 23, 2012։ http://www.cskabasket.com/news/?id=11384&lang=en։ Վերցված է 2012-07-23։
- ↑ ««Վուլվզը» պայմանագիր է կնքում ազատ գործակալ դարձած Ա;եքսեյ Շվեդի հետ»։ NBA.com։ Հուլիսի 25, 2012։ http://www.nba.com/timberwolves/news/wolves-sign-free-agent-alexey-shved։ Վերցված է 2012-07-26։
