Ալեքսանդր Սուվորովի հուշարձան (Մոսկվա)

Ալեքսանդր Սուվորովի հուշարձան;
	Ալեքսանդր Սուվորովի հուշարձանը
Տեսակ	հուշարձան
Քանդակագործ	Օլեգ Կոմով
Ստեղծում	1980
Բացում	փետրվարի 17, 1982
Երկիր	Ռուսաստան
Բնակավայր	Մոսկվա
Շինության ձև	Քանդակ
Ներկա վիճակ	Կանգուն
	պատկերված են
	Suvorov statue in Moscow Վիքիպահեստում

Անվան այլ կիրառումների համար տե՛ս՝ Ալեքսանդր Սուվորովի հուշարձան (այլ կիրառումներ)

Ալեքսանդր Սուվորովի հուշարձան (ռուս.՝ Памятник Александру Суворову), հուշարձան Ռուսաստանի Դաշնության մայրաքաղաք Մոսկվայում, որը նվիրված է ռուս մեծանուն զորավար, գեներալիսիմուս Ալեքսանդր Սուվորովին։ Գտնվում է զորավարի անվան հրապարակում։

Պատմություն[խմբագրել | խմբագրել կոդը]

1977 թվականին ԽՍՀՄ նախարարների խորհուրդը որոշել է Մոսկվայում Ալեքսանդր Սուվորովի հուշարձանը կառուցելու մասին։ 1980 թվականին զորավարի 250-ամյակի առթիվ անցկացվեց լավագույն նախագծի մրցույթ, որը շահեցին քանդակագործ Օլեգ Կոմովը և ճարտարապետ Նեստերովը։ Հուշարձանի հանդիսավոր բացումը տեղի է ունեցել 1982 թվականի փետրվարի 17-ին։

Նկարագրություն[խմբագրել | խմբագրել կոդը]

Քանդակի հեղինակներն իրենց նախագծում հեռացել են հերոսական-էպիկական «մեծ զորավարի» կերպարից, որը Սուվորովին հաղորդել էր Միխայիլ Կոզլովսկու հեղինակած հայտնի հուշարձանը Սանկտ Պետերբուրգում։ Կոմովը որոշել է Սուվորովի կերպարը հաղորդել իրատեսորեն` հիմնվելով ֆելդմարշալի մասին ժամանակակիցների հիշողությունների վրա։ Բավական ճշգրիտ փոխանցվել է Սուվորովի կենդանի էությունը։ Նաև Կոմովն ուշադրություն է դարձրել փոքր մանրամասներին. նրա քանդակը «կրում է» Սուրբ Աննայի միայն մեկ շքանշան, միակը, որ զորավարը կրել է իրական կյանքում։

Սուվորովի հուշարձանը գտնվում է Մոսկվայում, Սուվորովի հրապարակում, Ռուսական բանակի թատրոնի մոտ, որտեղ Սուվորովի ժամանակներում գտնվել է ռազմական վետերանների հաշմանդամային տունը։

Պատկերասրահ[խմբագրել | խմբագրել կոդը]

Սուվորովի հրապարակը (կենտրոնում հուշարձանն է)
Ռուսական բանակի թատրոնի շենքը և Սուվորովի հուշարձանը հետևից

Աղբյուրներ[խմբագրել | խմբագրել կոդը]

Գրականություն[խմբագրել | խմբագրել կոդը]

Лебедянский М. С. О. К. Комов. Памятник А. В. Суворову в Москве. — Л.: Художник РСФСР, 1987. — Тираж 25 000 экз. — 24 с., ил. — (История создания одного произведения).