Ալան Գատագով

Ալան Գատագով
Անձնական տվյալներ
Քաղաքացիությունը	Ռուսաստան
Ծննդյան ամսաթիվ	հունվարի 23, 1991 (33 տարեկան)
Ծննդավայր	Վլադիկավկազ, ՌԽՖՍՀ, ԽՍՀՄ
Հասակ	180 սանտիմետր
Քաշ	71 կիլոգրամ
Դիրք	կիսապաշտպան
Ակումբային տեղեկություններ
Ներկա ակումբ	ավարտել է կարիերան
Պատանեկան կարիերա
1997-2003	Ալանիա
2003-2008	Լոկոմոտիվ ՌՖՄՄ
2008-2009	Լոկոմոտիվ (Մոսկվա)
Մասնագիտական կարիերա*
Ազգային հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Ալան Մարատովիչ Գատագով (օսերեն՝ Гæтæгты Мараты фырт Алан, հունվարի 23, 1991(1991-01-23)^[1]^[2], Վլադիկավկազ, ՌԽՖՍՀ, ԽՍՀՄ), ռուս ֆուտբոլիստ, կիսապաշտպան։

Ակումբային կարիերա[խմբագրել | խմբագրել կոդը]

Ֆուտբոլով սկսել է զբաղվել 3 տարեկանում՝ իր հայրենի Վլադիկավկազում։ Սկզբում ցանկացել է դառնալ դարպասապահ, որովհետև երկրպագել է Վլադիկավկազի «Ալանիայի» դարպասապահ Զաուր Խապովին։ Սակայն հետո որոշել է դեմ չգնալ հոր կամքին և դարձել է դաշտի խաղացող։ Վեց տարեկանում մարզվել է Վլադիկավկազի «Ալանիայի» դպրոցում և միաժամանակ հաճախել է մարմնամարզության խմբակ։ 12 տարեկանում ընտանիքի հետ միասին տեղափոխվել է Մոսկվա և հայտնվել է «Լոկո» ֆուտբոլային դպրոցում։ Գատագովի առաջին մարզիչը «Լոկոմոտիվում» եղել է բրազիլացի մասնագետ Պաուլո Նանին։

Դպրոցում անցկացրած տարիներին խաղացել է մի քանի դիրքերում՝ պաշտպանության կենտրոնում, որպես եզրային կիսապաշտպան, հենակետային կիսապաշտպան, խաղացել է նաև հարձակման գծում։

2008 թվականին «Լոկոմոտիվի» երիտասարդական կազմում մեկնարկային խաղերում հաջող ելույթներից հետո թիմի գլխավոր մարզիչ Ռաշիդ Ռախիմովը Գատագովին ընդգրկել է մասնակցելու հիմնական կազմի մարզումներին։ Նույն թվականի գարնանը ակումբի հետ կնքել է երկարաժամկետ պայմանագիր։ Նորամուտը «Լոկոմոտիվի» հիմնական կազմում նշել է 2009 թվականի մայիսի 16-ին «Թերեք» ակումբի դեմ խաղում (4:0)։ 2009 թվականի օգոստոսի 9-ին «Կռիլյա Սովետով» ակումբի դեմ խաղում կատարել է գոլային փոխանցում Դմիտրի Սիչովին և խփել իր առաջին գոլը Ռուսաստանի Պրեմիեր լիգայում։

2010 մրցաշրջանի սկզբում ժամանակի մեծ մասն անցկացրել է պահեստայինների նստարանին, բայց մրցաշրջանի ավարտին կարողացել է տեղ գրավել հիմնական կազմում՝ գոլ խփելով «Տոմ» ակումբի և Ֆրանսիայի հավաքականի դեմ Ռուսաստանի երիտասարդական հավաքականի խաղերում։ Մրցաշրջանի լավագույն երիտասարդ ֆուտբոլիստների ցանկում զբաղեցրել է երկրորդ տեղը^[3]։ Նրա օգտին քվեարկել է Ռուսաստանի հավաքականի գլխավոր մարզիչ Դիկ Ադվոկատը^[4]։ 2011 թվականի սկզբին երկարաձգել է պայմանագիրը մինչև 2013 թվականը։ 2011 թվականի օգոստոսի 25-ին դարձել է Մոսկվայի «Դինամո» ակումբի խաղացող։ Պայմանագիրը նախատեսվել է 3 տարով։ «Դինամոյի» կազմում հանդես է եկել 17 համարի մարզաշապիկով։ 2012 թվականի փետրվարի 21-ին վարձավճարային հիմունքներով տեղափոխվել է «Տոմ» ակումբ։

2013 թվականին 4 ամիս անցկացրել է «Անժիի» կազմում վարձավճարային հիմունքներով։ Մախաչկալայի ակումբում ելույթների ընթացքում աչքի է ընկել մեկ գոլով և երկու գոլային փոխանցմամբ^[5]։

«Դինամոյի» հետ պայմանագրի ժամկետի ավարտից հետո Գատագովը միացել է իսրայելական Պետախ-Տիկվայի «Մակաբի» ակումբին^[6], որի կազմում չի անցկացրել առաջնության ոչ մի խաղի։

2015 թվականի հունվարին տեղափոխվել է Պավլոդարի «Իրտիշ» ակումբ^[7], որտեղ աչքի է ընկել գեղեցիկ գոլով առաջնության հենց առաջին խաղում^[8]։ 2015/16 մրցաշրջանն անցկացրել է «Տարազ» ակումբում՝ մասնակցելով 6 հանդիպման։ 2016 թվականի ապրիլին տեղափոխվել է Էստոնիայի «Լևադիա» ակումբ, որի կազմում անցկացրել է 21 խաղ և խփել երկու գոլ։ 2017 թվականի փետրվարին դարձել է ազատ գործակալ։

Վիճակագրություն ըստ մրցաշրջանների[խմբագրել | խմբագրել կոդը]

2016 թվականի մրցաշրջանի վերջի տվյալներով

Ակումբ	Մրցաշրջան	Լիգա		Գավաթներ		Եվրագավաթ		Ընդհանուր
Ակումբ	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Լոկոմոտիվ	2009	21	1	1	0	0	0	22	1
	2010	18	1	1	0	2	0	21	1
	2011/12	8	2	0	0	0	0	8	2
	Ընդհանուր	47	4	2	0	2	0	51	4
Դինամո	2011/12	0	0	0	0	0	0	0	0
	2012/13	2	1	1	0	0	0	3	1
	2013/14	1	0	0	0	0	0	1	0
	Ընդհանուր	3	1	1	0	0	0	4	1
→ Տոմ	2011/12	5	1	0	0	0	0	5	1
→ Տոմ	Ընդհանուր	5	1	0	0	0	0	5	1
→ Անժի	2013/14	7	1	1	0	4	0	12	1
→ Անժի	Ընդհանուր	7	1	1	0	4	0	12	1
Իրտիշ (Պավլոդար)	2015	17	1	0	0	0	0	17	1
Իրտիշ (Պավլոդար)	Ընդհանուր	17	1	0	0	0	0	17	1
Տարազ	2015	6	0	0	0	0	0	6	0
Տարազ	Ընդհանուր	6	0	0	0	0	0	6	0
Լևադիա	2016	21	2	0	0	2	0	23	2
Լևադիա	Ընդհանուր	21	2	0	0	2	0	23	2
Ընդհանուր կարիերայում		106	10	4	0	8	0	118	10

Ձեռքբերումներ[խմբագրել | խմբագրել կոդը]

Ռուսաստանի երկրորդ կազմերի առաջնության արծաթե մեդալակիր – 2008
Գրանատկինի հուշամրցաշարի հաղթող, Ռուսաստանի պատանեկան հավաքականի լավագույն խաղացող խմբային փուլի երկու խաղերում – 2009

Ծանոթագրություն[խմբագրել | խմբագրել կոդը]

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 As (իսպ.) — Madrid: Grupo Prisa, 1967. — ISSN 1888-6671
↑ Яковлев признан лучшим молодым игроком сезона
↑ Адвокат назвал Гатагова лучшим молодым игроком сезона
↑ ««Динамо» снова отдаст Гатагова в аренду». sportbox.ru. 2014 թ․ հունվարի 9. Վերցված է 2014 թ․ հունվարի 9-ին.
↑ Алан Гатагов дебютировал в «Маккаби» из Петах-Тиквы
↑ Алан Гатагов перешёл в павлодарский «Иртыш»
↑ Алан Гатагов стал автором первого гола «Иртыша» в новом сезоне

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ալան Գատագով» հոդվածին։

[_ddfe8f8207c18784-1] 1,0 ^1,1 Transfermarkt.com(բազմ․) — 2000.

[_84d126ebceae8a6e-2] 2,0 ^2,1 As (իսպ.) — Madrid: Grupo Prisa, 1967. — ISSN 1888-6671

[3] Яковлев признан лучшим молодым игроком сезона

[4] Адвокат назвал Гатагова лучшим молодым игроком сезона

[5] ««Динамо» снова отдаст Гатагова в аренду». sportbox.ru. 2014 թ․ հունվարի 9. Վերցված է 2014 թ․ հունվարի 9-ին.

[6] Алан Гатагов дебютировал в «Маккаби» из Петах-Тиквы

[7] Алан Гатагов перешёл в павлодарский «Иртыш»

[8] Алан Гатагов стал автором первого гола «Иртыша» в новом сезоне

[1]

[2]

[3]

[4]

[5]

[6]

[7]

[8]