Ազազ

Վիքիպեդիայից՝ ազատ հանրագիտարանից
(Վերահղված է Աազազից)
Քաղաք
Աազազ
արաբ․՝ أعزاز‎‎
Mosque in A'zaz.jpg
36°35′20″ հս. լ. 37°02′39″ ավ. ե. / 36.588889° հս. լ. 37.044167° աե. ե.
Երկիր Սիրիա Սիրիա
Մարզ Հալեպ
Գավառ Ազազի գավառ
Շրջան Ազազի շրջան
Բնակչություն 66138 մարդ (2008)
Ժամային գոտի UTC+2
##Ազազ (Սիրիա)
Red pog.png

Աազազ (Ազազ; արաբ․՝ أعزاز‎‎), քաղաք Սիրիայի Արաբական Հանրապետության հյուսիսարևմտյան մասում, Հալեպի մարզի Ազազի գավառում։ Համանուն շրջանի կենտրոնն է։

Տեղանքը հայտնի է նրանով, որ 1125 թվականի հունիսի 11-ին այստեղ տեղի է ունեցել հանրահայտ Ազազի ճակատամարտը, որը ընթացել է սելջուկների և խաչակիրների միջև։

Աշխարհագրություն[խմբագրել]

Քաղաքը գտնվում է Հալեպից 50 կմ արևմուտք՝ թուրքական սահմանից 7 կմ հեռավորության վրա[1]։ Բարձրությունը ծովի մակարդակից 573մ է[2]։

Պատմություն[խմբագրել]

2012 թվականի հուլիսի 19-ին Սիրիայի ազատագրական բանակի ներկայացուցիչները հայտարարել են քաղաքի գրավման մասին, որն իրագործել են երեք շաբաթ տևած ճակատամարտերից հետո[3]։

2013 թվականի սեպտեմբերի 18 լույս 19-ի գիշերը չորս ժամ տևած կռիվներից հետո քաղաքը գրավվել է Իրաքի և Լևանտի իսլամական պետության զորքերի կողմից, որոնք դուրս են վտարել ազատագրական բանակի զինվորներին և գլխատել հարյուրավոր գերիների[4]։

Բնակչություն[խմբագրել]

2004 թվականի պաշտոնական մարդահամարի տվյալներով` քաղաքի բնակչությունը կազմում է 66 138 մարդ[5]։

Տրանսպորտ[խմբագրել]

Ամենամոտ քաղաքացիական օդանավակայանը Հալեպի միջազգային օդանավակայանն (Aleppo International Airport) է, որը գտնվում է Հալեպ քաղաքում։

Ծանոթագրություններ[խմբագրել]