Ֆրանսիսկո Գալյեգո

Ֆրանսիսկո Գալյեգո; իսպ.՝ Gallego
Քաղաքացիությունը	Իսպանիա
Մականուն	Gallego
Ծննդյան ամսաթիվ	մարտի 4, 1944 (80 տարեկան)
Ծննդավայր	Պուերտո Ռեալ, Կադիս, Անդալուզիա, Իսպանիա
Հասակ	1,77 մետր
Դիրք	պաշտպան

Ֆրանսիսկո Ֆերնանդես Ռոդրիգես (իսպ.՝ Francisco Fernández Rodríguez, մարտի 4, 1944(1944-03-04)^[1], Պուերտո Ռեալ, Կադիս, Անդալուզիա, Իսպանիա), հայտնի է նաև որպես Գալեգո, իսպանացի ֆուտբոլիստ, որը հանդես է եկել կենտրոնական պաշտպանի դիրքում։ 1964 թվականի Եվրոպայի չեմպիոն, Իսպանիայի հավաքականի կազմում 1966 թվականի աշխարհի առաջնության մասնակից։ Ֆրանցիսկո Գալեգոն «Սևիլյա» ֆուտբոլային ակումբի սան է, որտեղ սկսել և ավարտել է ֆուտբոլիստի կարիերան։ Սակայն առավել մեծ ճանաչում է ստացել «Բարսելոնայում» հանդես գալու շնորհիվ։ Նրա կազմում դարձել Է Իսպանիայի չեմպիոն, Իսպանիայի կրկնակի գավաթակիր, ինչպես նաև նվաճել Տոնավաճառների գավաթը։

Կենսագրություն

Ակումբային կարիերա

Ֆրանցիսկո Ֆերնանդես Ռոդրիգեսը 14 տարեկանում դարձել է «Սևիլյայի» երիտասարդական ակադեմիայի խաղացող։ «Սևիլյայի» հիմնական կազմում իր նորամուտը նշել է 17 տարեկանում՝ 1961 թվականի հոկտեմբերի 15-ին, «Օսասունայի» դեմ Պրիմերայի խաղում։ 1961/62 մրցաշրջանում չորս հանդիպում է անցկացրել Անդալուզիայի թիմի կազմում^[2]^[3]։ Իր մարզական կարիերայի համար Ֆրանցիսկոն ընտրել է Գալեգո կեղծանունը (թարգմանաբար՝ «Գալիսիացի»), քանի որ հենց այդ ազգանունով են հանդես եկել նրա հայրն ու պապը^[3]։ 1962 թվականին «Սևիլյայի» երիտասարդական թիմի հետ դարձել է Գեներալիսիմուսի գավաթակիր իր տարիքային խմբում՝ եզրափակչում 2:0 հաշվով հաղթելով «Աթլետիկ Բիլբաոյին» (Բիլբաո), որից հետո աստիճանաբար սկսել է ամրապնդվել իր ակումբի մեծահասակների կազմում^[3]։ 1965 թվականին Գալեգոյին 8 միլիոն պեսետայով ձեռք է բերել «Բարսելոնան», որտեղ 10 մրցաշրջանով դարձել է հիմնական կազմի խաղացող։ «Բարսելոնայի» հետ պաշտպանը 1968 և 1971 թվականներին նվաճել է Գեներալիսիմուսի գավաթը, իսկ 1974 թվականին կարիերայի ընթացքում միակ անգամ դարձել է Իսպանիայի չեմպիոն։ Բացի այդ, Գալեգոն օգնել է «կապտանռնագույններին» նվաճել երկու Եվրագավաթ։ 1965/66 մրցաշրջանում «Բարսելոնան» նվաճել է Տոնավաճառների գավաթը, իսկ 1971-ին հաղթել է տոնավաճառների գավաթի Սուպերֆինալում, որում հանդիպեցին այս գավաթի առաջին և վերջին հաղթողները՝ «Բարսելոնան» և «Լիդս Յունայթեդը»^[3]։ 1975 թվականին, երբ Գալեգոն դարձել է 31 տարեկան, վերադարձել է «Սևիլյա», որը նոր էր վերադարձել Պրիմերա։ Գալեգոն ևս չորս տարի տվել է հարազատ թիմին։ 1979 թվականի օգոստոսի 30-ին «Էստադիո Ռամոն Սանչես Պիսխուան» մարզադաշտում «Սևիլյան» և «Բարսելոնան» միմյանց հետ խաղացել են Պակո Գալյեգոյի հրաժեշտի խաղում։ Սակայն Միգել Մունյոսի խնդրանքով 1979/80 մրցաշրջանում Գալեգոն Իսպանիայի առաջնությունում ևս երեք հանդիպում է անցկացրել «Սևիլյայի» կազմում, որից հետո վերջնականապես ավարտել է պրոֆեսիոնալ ֆուտբոլիստի կարիերան^[4]։ Եվս մեկ մրցաշրջան Ֆրանցիսկո Գալեգոն խաղացել է երրորդ դիվիզիոնում «Ալկալայի» սիրողական թիմի կազմում^[4]։

Ելույթներ ազգային հավաքականում

1964 թվականին Պակո Գալեգոն հրավիրվել է Իսպանիայի ազգային հավաքական՝ մասնակցելու Եվրոպայի առաջնությանը, որն ի վերջո նրա թիմը հաղթել է։ Գալեգոն մրցաշարում ոչ մի հանդիպում չի անցկացրել, բայց նաև համարվում է Եվրոպայի չեմպիոն։ Միայն երկու տարի անց իր նորամուտը նշել է «կարմիր ֆուրիայի» կազմում, և դա տեղի է ունեցել անմիջապես Անգլիայում կայացած աշխարհի առաջնությունում։ 1966 թվականի հուլիսի 13-ին Իսպանիան Բիրմինգհեմում 1:2 հաշվով պարտվել է Արգենտինային։ Արդյունքում իսպանացիները չեն կարողացել դուրս գալ խմբից, սակայն Գալեգոն անցկացրել է իր թիմի բոլոր երեք հանդիպումները։ Գալեգոն կարմիր խաղաշապիկով վերջին հանդիպումն անցկացրել է Մալագայում 1973 թվականի փետրվարի 21-ին։ 1974 թվականի աշխարհի առաջնության ընտրական մրցաշարի շրջանակներում Իսպանիայի հավաքականը 3:1 հաշվով հաղթել է Հունաստանին։ Ընդհանուր առմամբ, Պակո Գալեգոն ազգային հավաքականի կազմում անցկացրել է 36 հանդիպում, որոնցից 18-ում Իսպանիան հաղթել է, 8-ում պարտվել և 10 անգամ ոչ-ոքի խաղացել^[5]։ 1968 և 1973 թվականներին Ֆրանցիսկո Գալեգոն նաև երկու ընկերական հանդիպում է անցկացրել Կատալոնիայի հավաքականի կազմում^[6]։

Կոչումներ և նվաճումներ

Իսպանիայի չեմպիոն (1)՝ 1973/74
Իսպանիայի գավաթակիր (2)՝1967/68, 1970/71
Տոնավաճառների գավաթակիր (2)՝ 1965/66, 1971
Եվրոպայի չեմպիոն (1)՝ 1964

Գրականություն

Toni Closa; Josep Pablo, José Alberto Salas, Jordi Mas Gran diccionari de jugadors del Barça. — Editorial Base, 2015. — ISBN 978-84-16166-62-6

Ծանոթագրություններ

↑ ^1,0 ^1,1 Enciclopèdia de l'esport català (կատ.) — Grup Enciclopèdia, 2012.
↑ «Gallego» (իսպաներեն). andalupedia.es. 2020 թ․ հունիսի 13. Արխիվացված օրիգինալից 2020 թ․ հունիսի 13-ին. Վերցված է 2020 թ․ հունիսի 13-ին.
↑ ^3,0 ^3,1 ^3,2 ^3,3 Francisco Correal (2014 թ․ նոյեմբերի 30). «Serrat canta Rifé, Gallego, Eladio» (իսպաներեն). diariodesevilla.es. Արխիվացված օրիգինալից 2020 թ․ հունիսի 13-ին. Վերցված է 2020 թ․ հունիսի 13-ին.
↑ ^4,0 ^4,1 «Paco Gallego» (իսպաներեն). blaugranas.com. 2015 թ․ մարտի 21. Արխիվացված է օրիգինալից 2015 թ․ մարտի 21-ին. Վերցված է 2020 թ․ հունիսի 13-ին. {{cite web}}: Unknown parameter |deadurl= ignored (|url-status= suggested) (օգնություն)
↑ Emilio Pla Diaz (2002 թ․ դեկտեմբերի 7). «Francisco Fernández Rodríguez, 'Gallego' - International Appearances» (անգլերեն). Rec.Sport.Soccer Statistics Foundation. Արխիվացված օրիգինալից 2007 թ․ հուլիսի 8-ին. Վերցված է 2020 թ․ հունիսի 13-ին.
↑ Antoni Closa, Jaume Rius Selecció Catalana de Fútbol: nou dècades d'història. — Editorial Jaume Rius, 1999. — ISBN 8492294434

Արտաքին հղումներ

Статистика за национальную сборную(իսպ.)
Профиль игрока «Барселоны»Արխիվացված 2016-03-04 Wayback Machine(անգլ.)

Վիքիպահեստն ունի նյութեր, որոնք վերաբերում են «Ֆրանսիսկո Գալյեգո» հոդվածին։

[_41de1b9d7d8c8c66-1] 1,0 ^1,1 Enciclopèdia de l'esport català (կատ.) — Grup Enciclopèdia, 2012.

[2] «Gallego» (իսպաներեն). andalupedia.es. 2020 թ․ հունիսի 13. Արխիվացված օրիգինալից 2020 թ․ հունիսի 13-ին. Վերցված է 2020 թ․ հունիսի 13-ին.

[diariodesevilla-3] 3,0 ^3,1 ^3,2 ^3,3 Francisco Correal (2014 թ․ նոյեմբերի 30). «Serrat canta Rifé, Gallego, Eladio» (իսպաներեն). diariodesevilla.es. Արխիվացված օրիգինալից 2020 թ․ հունիսի 13-ին. Վերցված է 2020 թ․ հունիսի 13-ին.

[blaugranas-4] 4,0 ^4,1 «Paco Gallego» (իսպաներեն). blaugranas.com. 2015 թ․ մարտի 21. Արխիվացված է օրիգինալից 2015 թ․ մարտի 21-ին. Վերցված է 2020 թ․ հունիսի 13-ին. {{cite web}}: Unknown parameter |deadurl= ignored (|url-status= suggested) (օգնություն)

[5] Emilio Pla Diaz (2002 թ․ դեկտեմբերի 7). «Francisco Fernández Rodríguez, 'Gallego' - International Appearances» (անգլերեն). Rec.Sport.Soccer Statistics Foundation. Արխիվացված օրիգինալից 2007 թ․ հուլիսի 8-ին. Վերցված է 2020 թ․ հունիսի 13-ին.

[6] Antoni Closa, Jaume Rius Selecció Catalana de Fútbol: nou dècades d'història. — Editorial Jaume Rius, 1999. — ISBN 8492294434

[1]

[2]

[3]

[4]

[5]

[6]