Փքաբլիթի ազգային օր
| Փքաբլիթի ազգային օր National Doughnut Day | |
|---|---|
 1920 թվականի հունիսի 4-ի տոնակատարությունը | |
| Տեսակ | տոն |
| Ամսաթիվ | հունիսի առաջին ուրբաթ |
| Տոնվում է |  ԱՄՆ, .svg){kind=small} Միացյալ Թագավորություն |
| Կապված | Առաջին համաշխարհային պատերազմի ժամանակ փքաբլիթների առաքիչների հետ |
Փքաբլիթի ազգային օր (անգլ.՝ National Doughnut Day կամ անգլ.՝ National Donut Day), տոն ԱՄՆ-ում, որը նշվում է հունիսի առաջին ուրբաթ օրը։ Տոնն ստեղծվել է Փրկության բանակի կողմից 1938 թվականին իր այն անդամների պատվին, որոնք Առաջին համաշխարհային պատերազմի ժամանակ զինվորներին փքաբլիթներ էին բաժանում[1]։
Պատմություն[խմբագրել | խմբագրել կոդը]
Շուտով ԱՄՆ-ի՝ Առաջին համաշխարհային պատերազմի մեջ մտնելուց հետո (1917 թվականին), Փրկության բանակն իր միսիան ուղարկեց Ֆրանսիա, որի գործառույթն էր ամերիկացի զինվորականների սոցիալական խնդիրները լուծելը։ Այսպիսի օգնության կետեր ձևավովեցին ամերիկյան բանակային ուսումնական կենտրոնների մոտ։ Առաջին միսիան կազմված էր 250 կամավորներից։ Նրանցից երկուսի՝ վառատար Մարգարեթ Շելդոնի և համհարզ Հելեն Փերվիանսի մտքով անցավ զինվորներին անվճար փքաբլիթներ բաժանել։ Շուտով կին կամավորները, որոնք այդ գործն էին անում, սկսեցին կոչվել «Փքաբլիթի աղջիկներ»։
1938 թվականից Չիկագոյի Փրկության բանակի անդամներն սկսեցին այդ օրը նշել որպես ազգային տոն։ Գաղափարի հիմնական նպատակը Մեծ ճգնաժամի ժամանակ կարիքավոր զինվորականներին՝ Առաջին համաշխարհային պատերազմի մասնակիցներին օգնելն էր։
Այդ ժամանակվանից տոնը դարձավ համազգային՝ հետապնդելով նոր նպատակ՝ դրամաշնորհների հավաքագրում սովյալների համար։ Այդ օրը սրճարաններում բարեգործական նամականիշեր են ցուցադրվում՝ 1 ԱՄՆ դոլար արժողությամբ, և յուրաքանչյուրը կարող է այն ավելացնել իր հաշվին։ Ներկայումս ԱՄՆ-ի շատ ցանցային փռերում անվճար փքաբլիթ են հյուրասիրում, մասնավորապես՝ դա արվում է Dunkin’ Donuts հայտնի ցանցում[2]։
Հետաքրքիր փաստեր[խմբագրել | խմբագրել կոդը]
- Երկրորդ համաշխարհային պատերազմի ժամանակ Կարմիր խաչի կամավորները ևս փքաբլիթներ էին բաժանում զինվորականներին։
- Փքաբլիթի ազգային տոնը սկսվեց նշվել նաև Մեծ Բրիտանիայում[2]։
Ծանոթագրություններ[խմբագրել | խմբագրել կոդը]
- ↑ Kevin Fagan A holey holiday – National Donut Day February 31, 2009 SF Chronicle (անգլ.)
- ↑ 2,0 2,1 Англичане готовятся к национальному дню пончика
Արտաքին հղումներ[խմբագրել | խմբագրել կոդը]
- Պաշտոնական կայք (անգլ.)
- National Doughnut Day (անգլ.)
- Today is National Donut Day: A funny POW story (անգլ.)
- Подборка - Американцы отмечают День пончика Արխիվացված 2016-04-03 Wayback Machine (ռուս.)