Տոնկե Դրախտ

Տոնկե Դրախտ; հոլ.՝ Tonke Dragt
	Տոնկե Դրախտ
Ծննդյան անուն	հոլ.՝ Antonia Johanna Willemina Dragt
Ծնվել է	1930 նոյեմբերի 12
Ծննդավայր	Բատավի, Նիդերլանդական Արևելահնդկաստան
Գրական անուն	Tonke Dragt
Մասնագիտություն	գրող, նկարազարդող
Ազգություն	հունգարացի
Քաղաքացիություն	Նիդերլանդների Թագավորություն
Ժանրեր	Մանկական գրականություն
Պարգևներ	Theo Thijsen Award? Nienke van Hichtum-prijs? Victorine Hefting Award? Kinderboek van het jaar? Staatsprijs voor kinder- en jeugdliteratuur? և Gouden Griffel?
Կայք	kinderboeken.nl/auteur/tonke-dragt/
	Tonke Dragt Վիքիպահեստում

Անտոնիա Տոնկե Յոհաննա Վիլեմինա Դրախտը( առավել հայտնի Տոնկե Դրախտ անվանումով) հոլանդացի հայտնի մանկագիր և մանկական գրքերի նկարազարդող է՝ ծնված 1930 թվականի նոյեմբերի 12-ին Բատավիում(հիմա՝ Ջակարտա, Ինդոնեզիայի մայրաքաղաքը)։ Տոնկեն ընտանիքում եղել է մեծը։ Ընտանիքի անդամները ևս հետաքրքրված են եղել գրականությամբ։ Տոնկեն ունեցել է երջանիկ մանկություն մինչև 1942 թվականը, երբ պատերազմի հետևենաքով քույրերի ու մոր հետ հայտնում է ճապոնական ճամբարում , իսկ հայրը՝ մեկ այլ –ճամբարում։ Անսահման սերը ընթերցանության նկատմամբ և գրքերի պակասը դրդում են Տոնկեին անձամբ գրքեր գրել այդ տարիներին․ թղթի պակասի պատճառով նա գրում էր հնարավոր ամեն բանի վրա։ [1] Պատերազմից հետո ազատություն ստանալով՝ ընտանիքը վերամիավորվում է և տեղափոխվում է Նիդերլանդներ։ Տոնկե Դրախտը այլևս երբեք չի վերադառնում հայրենի Ինդոնեզիա։ Տոնկեն սկսում է սովորել Հաագա քաղաքի Կերպարվեստի պետական ակադեմիայում, որից հետո աշխատանքի է անցնում Ռեյսվեյկի միջնակարգ դպրոցում։ [2] Դասավանդելու տարիներին Տոնկեն հասկանում է, որ պատմություններ պատմելով՝ երեխաներին կարելի է հանգստացնել։ Շուտով այդ պատմությունները տպագրվում են ամսագրերում։ 1961 թվականին լույս է տեսնում նրա առաջին գիրքը՝ «Պատմություններ երկվորյակ եղբայրների մասին»։ Իսկ հաջորդ տարի՝ 1962 թվականին, լույս է տեսնում նրա՝ «Նամակ թագավորին» գիրքը, որը հեղինակին բերում է մեծ հաջողություն։[3]