Վերգինա
| Բնակավայր | ||
|---|---|---|
| Վերգինա | ||
| հուն․՝ Βεργίνα | ||
 | ||
| Երկիր |  Հունաստան | |
| Մակերես | 33,4 կմ² | |
| ԲԾՄ | 120 մետր | |
| Բնակչություն | ▼1096 մարդ (2021) | |
| ||
Վերգինա (հուն․՝ Βεργίνα), քաղաք Հունաստանում։ Տեղակայված է ծովի մակերևույթից 120 մետր բարձրության վրա, Վերիայից 13 կմ դեպի հարավ-արևելք և Սալոնիկից 80 կմ դեպի հարավ-արևմուտք։ Կենտրոնական Մակեդոնիայի ծայրամասում գտնվող Վերիա համայնքի պատմական կենտրոնն է։ 2011 թվականի մարդահամարի տվյալներով՝ բնակչության թիվը 1242 է։ Մակերեսը 33,4 քառակուսի կիլոմետր է։ Վերգինային համաշխարհային ճանաչում բերեց մակեդոնացի կայսր Փիլիպոս II Մակեդոնացու դամբարանը։
Պատմություն[խմբագրել | խմբագրել կոդը]
Ժամանակակից Վերգինան հիմնվել է 1926 թվականին (ΦΕΚ 401Α)` գոյությունը դադարեցրած Կուտլես (Κούτλες) և Բարբես(Mπάρμπες)[1] գյուղերի միավորմամբ, որոնք մինչ այդ պատկանում էին թուրքական բեյի։ Այս գյուղերում ապրում էր շուրջ 25 հունական ընտանիք։
Վերգինայում հնագիտական պեղումներն սկսվել են 1861 թվականին՝ ֆրանսիացի հնէաբան Լեոն Էզիի (Léon Heuzey) կողմից, ով եկավ այն եզրակացության, որ Վերգինայի տեղում ինչ-որ ժամանակ գտնվել է Վալլա (Βάλλα)[2] քաղաքը։ Պեղումները 1938-1940 թվականներին շարունակվեցին հույն հնէաբան Կ.Ռոմեոսի կողմից։ Հետպատերազմական տարիներին պեղումները շարունակեց Մանոլիս Անդրոնիկոսը։
1957 թվականին հույն հետազոտող-հնէաբան Ֆ. Պապազոգլուն եկավ այն եզրակացության, որ պեղված Եդեսիա քաղաքի նույնացումը մակեդոնացիների հնամենի մայրաքաղաքի՝ Էգիի (հին հունարեն՝ Αἰγαί) հետ, սխալական է. նրա կարծիքով՝ Էգին ավելի մոտ է տեղակայված Նաուսային։
Անգլիացի պատմաբան Նիկոլաս Քամմոնդը, աշխատելով «Մակեդոնիայի պատմության» առաջին հատորի վրա, եկավ այն եզրակացության, որ Եդեսիան և Էգին երկու տարբեր քաղաքներ են։ 1968 թվականին նա առաջին անգամ բարձրաձայնեց այն ենթադրությունը, որ Վերգինայի շրջանի պեղումներն իրականացվում են Էգիի[3] տարածքում։
1976 թվականին հույն հնէաբան Մանոլիս Անդրոնիկոսը վերսկսեց պեղումները, իսկ 1977 թվականին կայսերական հարուստ դամբարան հայտնաբերեց, որը, նրա կարծիքով, պատկանել է Փիլիպոս II-ին։ Բացի այդ՝ ճոխ զարդարված են երկու այլ գերեզմաններ, որոնցից մեկը՝ անհայտ աճյուններով, պայմանական անվանում են «Պերսեփոնեի գերեզման» (ըստ պահպանված որմնանկարի, որի վրա պատկերված է Պերսեփոնեի առևանգումը), իսկ մյուս գերեզմանը սովորաբար վերագրում են Ալեքսանդր IV-ին՝ մեծանուն Ալեքսանդր Մակեդոնացու որդուն։ Դրանք բացառիկ գտածոներ են, որոնք ցուցադրվում են Վերգինայի հնագիտական թագարանում (տեղակայված է անմիջապես գերեզմանաթմբի ներսում) և Վերգինային բերել են համաշխարհային ճանաչում։
Քանի որ Փիլիպոս II-ն սպանվել է Էգիում, Քամմոնդին հետևելով՝ Անդրոնիկոսն էլ էր կարծում, որ ներկայիս Վերգինան հենց հնամենի մակեդոնական մայրաքաղաքն է։
Բնակչություն[խմբագրել | խմբագրել կոդը]
| Տարեթիվ | Բնակչություն, մարդ |
|---|---|
| 1991 | 1198[4] |
| 2001 | 1197[4] |
| 2011 | 1242 |
Ծանոթագրություններ[խմբագրել | խմբագրել կոդը]
- ↑ «Μπάρμπες-Κούτλες (Θεσσαλονίκης)» (հունարեն). ΕΕΤΑΑ. Վերցված է 2018 թ․ հուլիսի 18-ին.
- ↑ Պլինիոս Ավագ. Իրական պատմություն. IV. 10.34
- ↑ Hammond N.G.L. A History of Macedonia. — Oxford, 1972. — Vol. 1: Historical geography and prehistory. — P. 156-158.
- ↑ 4,0 4,1 «Μόνιμος και Πραγματικός Πληθυσμός της Ελλάδος. Σύνολο Ελλάδος, νομοί, δήμοι/κοινότητες, δημοτικα/κοινοτικά διαμερίσμα και οικισμοί. Απογραφές πληθυσμού 2001 και 1991» (հունարեն). Ελληνική Στατιστική Αρχή. Արխիվացված է օրիգինալից 2006 թ․ հուլիսի 16-ին. Վերցված է 2017 թ․ հունիսի 22-ին.
Գրականություն[խմբագրել | խմբագրել կոդը]
- Մալոնիս Անդրոնիկոս Βεργίνα, οι βασιλικοί τάφοι. — Αθήνα, 1991. — ISBN 960-213-129-2
Արտաքին հղումներ[խմբագրել | խմբագրել կոդը]
- Մշակույթի նախարարության պաշտոնական կայք
- Թանգարանի մասին տեղեկություն
- http://www.macedonian-heritage.gr/Museums/Archaeological_and_Byzantine/Arx_Bas_Tafoi_Berginas.html Արխիվացված 2017-12-10 Wayback Machine
- https://web.archive.org/web/20031111192248/http://www.kzu.ch/fach/as/aktuell/2000/04_vergina/verg_09.htm
- https://web.archive.org/web/20031102053433/http://www.kzu.ch/fach/as/aktuell/2000/04_vergina/verg_04.htm
- https://web.archive.org/web/20051226072519/http://users.forthnet.gr/the/vangel/grepap.pdf
 | Վիքիպահեստն ունի նյութեր, որոնք վերաբերում են «Վերգինա» հոդվածին։ |
| ||||||||||
