Վարշամ Հայրապետյան
Վարշամ Հայրապետյան | |
---|---|
Ծնվել է | 1921 |
Ծննդավայր | Ոստան, Հայաստան |
Քաղաքացիություն | ԽՍՀՄ |
Մասնագիտություն | մանկավարժ |
Պարգևներ և մրցանակներ |
Վարշամ Բարսեղի Հայրապետյան (1921, Ոստան, Հայաստան), հայ մանկավարժ, ԽՄԿԿ անդամ (1942), Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։
Կենսագրություն[խմբագրել | խմբագրել կոդը]
Վարշամ Հայրապետյանը ծնվել է 1921 թվականին, Արտաշատի շրջանի Ոստան գյուղում։ 1940 թվականին ավարտել է Երևանի № 17 միջնակարգ դպրոցը։ Կարճ ժամանակ դպրոցում աշխատելուց հետո 1941 թվականի աշնանը զորակոչվել է կարմիր բանակ[1]։
1941 թվականին մասնակցել է Մոսկվայի հերոսական պաշտպանությանը։ 1942 թվականի սկզբներին 21-րդ հատուկ հարվածային բրիգադի կազմում տեղափոխվել է Կալինինի ռազմաճակատ, փետրվարին սովորել է ռազմաճակատին կից կրտսեր լեյտենանտների դասընթացներում, որն ավարտել է մայիսին և մեկնել առաջին գիծ։ Ծառայել է 599-րդ հրաձգային գնդում, մասնակցել Սմոլենսկի մարզում ֆաշիստական զորքերի դեմ մղված մարտերին։ 1942 թվականի սեպտեմբերի 25-ին վիրավորվել և բուժվելուց հետո վերադարձել է մարտական շարք։ Այդ օրերին ընդունվել է կուսակցության շարքերը, ծառայել 43-րդ բանակի 145-րդ հրաձգային դիվիզիայում, 1943 թվականին ուղարկվել է վերապատրաստման դասընթացներին։ 1944 թվականի հունվարին կապիտանի կոչումով նշանակվել է 204-րդ հրաձգային դիվիզիայի 730-րդ գնդում՝ վաշտի հրամանատար։ Մասնակցել է Վիտեբսկի շրջանում, Կուռլանդիայում թշնամու զորքերի շրջապատմանը և ջախջախմանը, Մերձբալթիկայի մի շարք քաղաքների և գյուղերի ազատագրմանը։ 1946 թվականին զորացրվել է բանակից։
Պարգևատրվել է Կարմիր դրոշի, Կարմիր աստղի շքանշաններով, Մոսկվայի պաշտպանության համար, Գերմանիայի դեմ տարած հաղթանակի համար և այլ մեդալներով[1]։
Հետպատերազմյան տարիներին Հայրապետյանը ստացել է մանկավարժական բարձրագույն կրթություն, որպես ուսուցիչ աշխատել է Արտաշատի շրջանի դպրոցներում։ 1958 թվականին եղել է Բարձրաշենի միջնակարգ դպրոցի տնօրեն[1]։
Պարգևներ[խմբագրել | խմբագրել կոդը]
- Կարմիր դրոշի շքանշան
- Կարմիր աստղի շքանշան
- Մոսկվայի պաշտպանության համար մեդալ
- Գերմանիայի դեմ տարած հաղթանակի համար մեդալ
Ծանոթագրություններ[խմբագրել | խմբագրել կոդը]
- 1921 ծնունդներ
- Ապրող անձինք
- Ոստան գյուղում ծնվածներ
- Կարմիր դրոշի շքանշանի ասպետներ
- Կարմիր աստղի շքանշանի ասպետներ
- Անձինք այբբենական կարգով
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալակիրներ
- ԽՄԿԿ անդամներ
- ՀՊՄՀ շրջանավարտներ
- Հայ մանկավարժներ
- Հայրենական մեծ պատերազմի հայ մասնակիցներ