Նվարդ Աբալյան

Նվարդ Աբալյան (1920 - ) - հայ դերասանուհի, ՀԽՍՀ վաստակավոր արտիստուհի։

Ծնվել է Բաքվում, որտեղ ստացել է նախնական կրթությունը, ապա սովորել է Բաքվի հայկական թատրոնի ստուդիայում։ 1937-ից խաղացել է Հայաստանի շրջանային թատրոններում՝ Դիլիջանում, Արթիկում, Կիրովականում (այժմ՝ Վանաձոր)։ Երկար տարիներ աշխատել է Լենինականի (այժմ՝ Գյումրի) թատրոնում։ 1960-ից տեղափոխվել է Երևան, խաղացել Երևանի Գ. Սունդուկյանի անվան պետական դրամատիկական թատրոնում։ Հաջողությամբ կատարել է մի քանի տասնյակ դերեր, ինչպես՝ Ջեմմա («Բոռ»), Օլիվիա («12-րդ գիշեր»), Լուիզա («Սեր և խարդավանք»), Վազգանուշ («Երկիր հայրենի»), Մարգո («Վերջին մեխակներ»), Սուսան («Նամուս»), Ռուզան (համանուն պիեսում)։