Պոլ դը Լագարդ

Պոլ ԱՆտոն դը Լագարդ (գերմ.՝ Paul Anton de Lagarde, 1827, նոյեմբերի 2, Բեռլին — 1891, դեկտեմբերի 22, [[Գյոթինգեն]]), գերմանացի հայագետ։ Եղել է Գյոթինգենի համալսարանի արևելյան լեզուների դասախոս (1869—1891)։ 1850-ին հրատարակել է «Հայերենի և սանսկրիտի բաղաձայնների համեմատությունը» հոդվածը, կատարել 283 բառերի համեմատություն։ «Պարսկականք» (1851) ուսումնասիրության մեջ քննել է զենդերենը, աֆղաներենը, հայերենը, պարսկերենը են։ «Հայերի նախապատմության մասին» (1854) աշխատությամբ կատարել է հայերենի 1000 բառի քննություն, հանգել այն եզրակացության, որ հայերենի բառապաշարի ավելի քան 1/3-ը հնդեվրոպական ծագում ունի։ Իր հայագիտական գործերն ամփոփել է «Հայկական ուսումնասիրություններ» (1877) հատորում։