Սուրբ Հակոբ եկեղեցի (Մրգավան)

Սուրբ Հակոբ եկեղեցի;
Հիմնական տվյալներ
Տեսակ	եկեղեցի
Երկիր	Հայաստան
Տեղագրություն	Հայաստան Արարատի մարզ, Մրգավան
Դավանանք	Հայ Առաքելական Եկեղեցի
Թեմ	Արարատյան Հայրապետական թեմ
Հոգևոր կարգավիճակ	Գործող
Հիմնական ամսաթվերը	1905
Ներկա վիճակ	Կանգուն
Ժառանգության կարգավիճակ	մշակութային հուշարձան Հայաստանում
Ճարտարապետական ոճ	հայկական ճարտարապետություն
Կառուցման ավարտ	1902-1905
Հիմնադրված	1905
	St Hakob Church, Mrgavan Վիքիպահեստում

Անվան այլ կիրառումների համար տե՛ս՝ Սուրբ Հակոբ եկեղեցի (այլ կիրառումներ)

Սուրբ Հակոբ եկեղեցի, Հայ Առաքելական եկեղեցի Արարատի մարզի Մրգավան գյուղում։ Ընդգրկված է Մրգավանի պատմության և մշակույթի անշարժ հուշարձանների ցանկում։

Պատմություն

Սուրբ Հակոբ եկեղեցին կառուցվել է 1902-1905 թվականներին Տեր Խորեն արքեպիսկոպոս Մուրադբեկյանի կողմից՝ հայ բնակչության խնդրանքով։ Եկեղեցին պատկանում է գմբեթավոր դահլիճների տիպին, բաժանված է երեք նավի։ Բեմն առանց հարդարանքի է։ Եկեղեցու գմբեթը ներքուստ կլոր է, արտաքուստ՝ բազմանիստ թմբուկով և վեղարով։ Պատուհանները կորագիծ են, պարզ, կամարակապ աղեղներով։ Եկեղեցին ունի երկու մուտք՝ արևմուտքում և հարավային մասում, որոնք առանց դռների են։ Արևմտյան շքամուտքին կից զանգակատունն է։ Տարածքը ցանկապատված է։ Եկեղեցին վերականգնվել է 1981 թվականին, Վազգեն Ա Ամենայն Հայոց կաթողիկոսի անմիջական աջակցությամբ (ճարտարապետ՝ Արծրունի Գալիկյան)^[2]։