Սուրբ Երրորդություն եկեղեցի (Կիրանց)

Սուրբ Երրորդություն եկեղեցի;
Հիմնական տվյալներ
Տեսակ	եկեղեցի
Երկիր	Հայաստան
Տեղագրություն	Կիրանց, Տավուշի մարզ, ՀՀ
Դավանանք	Հայ Առաքելական Եկեղեցի
Թեմ	Տավուշի թեմ
Մասն է	Կիրանց վանք
Ժառանգության կարգավիճակ	մշակութային հուշարձան Հայաստանում
Անվանված	Երրորդություն
Ճարտարապետական ոճ	հայկական ճարտարապետություն

Անվան այլ կիրառումների համար տե՛ս՝ Սուրբ Երրորդություն եկեղեցի (այլ կիրառումներ)

Սուրբ Երրորդություն եկեղեցի, Հայ Առաքելական եկեղեցու տաճար Հայաստանի Հանրապետության Տավուշի մարզի Կիրանց գյուղում^[2]։

Պատմություն

Սուրբ Երրորդությունը բազիլիկ տիպի եկեղեցի է, որը կառուցվել է 1888 թվականին։ Այն գործել է մինչև 1930-ական թվականների կեսերը: Խորհրդային իշխանությունների որոշմամբ՝ եկեղեցու շենքը պետք է ամբողջովին քանդվեր, սակայն այդ թվերին գյուղի ղեկավար Աբգար Նազարյանի ջանքերով շենքը պահպանվել է՝ վերածվելով ցորենի պահեստի^[3]։

Խորհրդային տարիներին լիովին ավերվել է եկեղեցու տանիքը, պատերի որոշակի հատվածներ ճաքել են, քանդվել է սալահատակը, որոշ տեղերում փակվել են եկեղեցու մուտքերը և պատուհանները^[3]։

Հայաստանի Հանրապետության կառավարության որոշմամբ Կրթության, գիտության, մշակույթի և սպորտի նախարարությանը 2024 թվականի պետական բյուջեով հատկացված միջոցների հաշվին կատարվել է վերաբաշխում՝ 66 մլն 127 հազար դրամ գումարի չափով: Գումարն ուղղվել է Տավուշի մարզի Կիրանց գյուղի Սուրբ Երրորդություն եկեղեցու վերականգնման աշխատանքներին^[4]։

Եկեղեցու վերականգնման աշխատանքները կավարտվեն 2024 թվականի դեկտեմբերի 10-ին^[5]։