Սեյլան

Սեյլան
Ծնվել է	հունվարի 24, 1861(1861-01-24)
Ծննդավայր	Ախալքալաք, Թիֆլիսի նահանգ, Կովկասի փոխարքայություն, Ռուսական կայսրություն
Մահացել է	մարտի 29, 1934(1934-03-29) (73 տարեկան)
Մահվան վայր	Ախալքալաք, Վրացական ԽՍՀ, ԱԽՖՍՀ, ԽՍՀՄ
Կրթություն	Ներսիսյան դպրոց և Կեդրոնական վարժարան
Մասնագիտություն	գրող, պատմաբան և ուսուցիչ

Սեյլան (Արշակ Գևորգի Մադոյան, հունվարի 24, 1861(1861-01-24), Ախալքալաք, Թիֆլիսի նահանգ, Կովկասի փոխարքայություն, Ռուսական կայսրություն - մարտի 29, 1934(1934-03-29), Ախալքալաք, Վրացական ԽՍՀ, ԱԽՖՍՀ, ԽՍՀՄ), մանկավարժ, գրող, պատմաբան։

Կենսագրություն

Ավարտել է Թիֆլիսի Ներսիսյան դպրոցը, սովորել է Վենետիկում։ Կ. Պոլսի Կեդրոնական վարժարանից ստացել է առաջին կարգի ուսուցչի վկայագիր։ 1886 թվականից եղել է Սասունում, հիմնել նոր տիպի ուսումնարաններ, պաշտոնավարել է Զմյուռնիայում, Կարինում, Տրապիզոնում։ 1910 թվականին եվրոպացի մի խումբ գիտնականների հետ բարձրացել է Մասիսի գագաթը։ 1920-1924 թվականներին ուսուցչություն է արել Ջավախքում, Ծալկայում, Մանգլիսում։ Ղեկավարել է Ախալքալաքի գավառի հնագիտական կայանի աշխատանքները։ Սեյլանը գրի է առել ժողովրդական ավանդություններ և տպագրել մամուլում՝ Ալևույթ, Սիլվան ստորագրություններով։ Հեղինակ է «Բախտի մէկ խաղը» (1890), «Խան-Միրան» (1892), «Հայթաֆիրատ» (1904), «Լեոն կայսր» (1904) գրքերի։ Կորած երկերից է «Ֆերիտեն», որը ազգային կուսակցությունների կազմավորման ու պայքարի առաջին տարիների պատմությունն էր։

Երկեր

• Սասուն. պատմաազգագրական ակնարկ, Երևան, 1990 (գրադարանների առցանց քարտարանի գրանցումը)։[1]
• Նշմարներ, Երևան, 1999։
• Լէօն-Կայսր, Աղէքսանդրապօլ (ամբողջական pdf), 1904
• Հայթա-Ֆիրատ, Թիֆլիս (ամբողջական pdf), 1904
• Խան-Միրան, Թիֆլիս (ամբողջական pdf), 1892
• Բախտի մէկ խաղը, Պօլիս, (ամբողջական pdf) 1890