Սաֆի

Սաֆի
Մարզկենտրոն
	Սաֆի
	արաբ․՝ آسفي‎‎‎
	Զինանշան
	Սաֆիի թաղամասերից մեկը
Երկիր	Մարոկկո
Նահանգ	Սաֆի
Համայնք	Safi Province?
Քաղաքապետ	Մոհամեդ Քարիմ
Այլ անվանումներ	Ասֆի
ԲԾՄ	500 մ
Պաշտոնական լեզու	Արաբերեն
Բնակչություն	▲ 485 798 մարդ (2008)
Խտություն	5 060 մարդ/կմ²
Ազգային կազմ	Արաբներ
Կրոնական կազմ	մուսուլմաններ
Փոստային ինդեքս	46000
Փոստային դասիչ	46000
Ավտոմոբիլային կոդ	54
	Սաֆի (Մարոկկո)
	Սաֆի (Մարոկկո)
	Սաֆի Վիքիպահեստում

Սաֆի (արաբ․՝ آسفي‎‎‎‎, արտասանվում է Ասֆի, բայց ամենուրեք ընդունված է անվան ֆրանսիական տարբերակը՝ Safi), քաղաք Մարոկկոյում, համանուն նահանգի վարչական կենտրոնը։

Պատմություն

Հին դարերում Սաֆիի տեղում բնակավայր է ստեղծվել քանանացիների կողմից, ապա այնտեղ գաղութ են հիմնել կարթագենացիները, որոնք և անվանել են բնակավայրը «Ասֆի»։ Հետագայում այն բնակեցրել են հռոմեացիները, գոթերը, մինչև մուսուլմանների ներխուժումը, որոնք վերջնականապես տիրեցին Սաֆիին XI դարում։ Պատմիչ Իբն Խալդունը հիշատակում է Սաֆին որպես XIII դարի ռիբաթ - «անհավատների» դեմ պատերազմելու (ջիհադի) նպատակով կառուցված ամրոց։ Պորտուգալացիները զավթեցին քաղաքը 16-րդ դարում և կառուցեցին մեկ այլ ամրոց։ Սաֆին իր պատմա-մշակութային գագաթնակետին հասավ 16-17-րդ դարերում, Սաադի սուլթանների իշխանության ժամանակաշրջանում։

Ճարտարապետություն

Ձգվելով Ատլանտյան օվկիանոսի ափի երկայնքով և տարածվելով մերձափնյա բարձունքները, Սաֆին միջնադարյան և ժամանակակից ճարտարապետության խառնուրդ է։ Լավ վիճակում պահպանվել են պորտուգալական ամրոցը, միջնադարյան միջնաբերդը և Ղասբան՝ 18-րդ դարի բերդաքաղաքը։

Տնտեսություն

Սաֆիի տնտեսությունը հիմնականում հենվում է նավահանգստի գործունեության վրա։ Նրա նավահանգիստը ծառայում է երկրի ներսում գտնվող Մարակեշ քաղաքի կարիքներին՝ արտահանելով և ներմուծելով զանազան ապրանքներ։ Նավահանգիստը նաև կարևոր հանգույց է Սաֆի նահանգի խորքում գտնվող Յուսուֆիայից ֆոսֆատների արտահանման համար։ Քաղաքի տնտեսության կարևոր մասն է կազմում նաև սարդինի ձկնորսությունը և սարդինաձկների պահածոների գործարանները։ Սաֆին նաև հայտնի է իր կավե ամանեղենի արհեստանոցներով։

Բնակչություն

Բնակչությունը միատարր է, բաղկացած է տեղացի արաբականացված էթնոսից։ Կրոնը՝ սուննի իսլամ։

Աղբյուրներ

Encyclopaedia Britannica, Micropaedia, 15-th edition, Vol. VIII, Page 764

Վիքիպահեստն ունի նյութեր, որոնք վերաբերում են «Սաֆի» հոդվածին։