Սաթիկ Սեյրանյան
| Սաթիկ Սեյրանյան | |
|---|---|
 | |
| Ծնվել է | փետրվարի 20, 1974 (50 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան |
| Մասնագիտություն | լրագրող և հաղորդավար |
| Պարգևներ և մրցանակներ |  |
 Savik Sevranyan Վիքիպահեստում | |
Սաթիկ Գերասիմի Սեյրանյան (փետրվարի 20, 1974, Երևան, Հայկական ԽՍՀ, ԽՍՀՄ), հայ լրագրող, հաղորդավար։ Հայաստանի ժուռնալիստների միության նախագահ (2017)[1]։
Կենսագրություն[խմբագրել | խմբագրել կոդը]
Սաթիկ Սեյրանյանը ծնվել է 1974 թվականին Երևանում։ Սովորել է Երևանի թիվ 10 հայագիտական թեքումով դպրոցում, ավարտել Երևանի պետական համալսարանի բանասիրության ֆակուլտետը։ 1989-1991 թվականներին եղել է «Պիոներ կանչ» թերթի «Շավիղ» պատանեկան խմբագրության անդամ և թերթի թղթակից։ 1994-1997 թվականներին աշխատել է «Շրջան», 1997 թվականից՝ «Հայկական ժամանակ» թերթերում, 2000 թվականից՝ «Ազատություն» ռադիոկայանում, 1997-2003 թվականներին՝ «Առավոտ» օրաթերթում։ Թղթակցել է «Գարուն», AIM, IN VITRO, մոսկովյան «S» ամսագրերին, ինչպես նաև սփյուռքում հրատարակվող տարբեր պարբերականների։ 2001-2002 թվականներին եղել է Հայաստանում իտալական «Renco» ընկերության տեղեկատվության և հասարակայնության հետ հարաբերությունների ղեկավար, 2003-2004 թվականներին եղել է «Արսօյլ» ընկերության տեղեկատվության և հասարակայնության հետ հարաբերությունների ղեկավար։ 2004 թվականին հիմնադրել է «Անկախ տեղեկատվական միջոցների աջակցության» հիմնադրամը[2], 2004 թվականին հիմնադրել և խմբագրում է «168 ժամ» թերթը և www.168.am կայքը, 2007 թվականին հիմնադրել է «3 միլիոն» ամսագիրը, 2008 թվականին ստեղծել է «Pressing» քաղաքական-հասարակական վերլուծական փակ ակումբը։ 2013-2018 թվականներին վարել է «Արմենիա» հեռուստաընկերության «Ռ-Էվոլյուցիա» հաղորդաշարը։ 2019 թվականից վարում է «Պրեսսինգ» հաղորդաշարը։
Մրցանակներ, պարգևներ[խմբագրել | խմբագրել կոդը]
- Տարվա լավագույն լրագրող, «Ար» հեռուստաընկերության մրցանակաբաշխություն, 1999
- Սեյրանյանի սցենարով պատրաստված «Ծարաված մարդը» հեռուստաֆիլմն արժանացել է «Շողակաթ» հեռուստաընկերության կողմից անցկացվող հոգևոր ֆիլմերի մրցանակի, 2000
- Հայաստանում ԱՄՆ դեսպանատան հատուկ մրցանակ «Առավոտ» օրաթերթում տպագրված հակակոռուպցիոն հոդվածաշարի համար, 2002։ Հոդվածաշարն արժանացել է նաև Երևանի մամուլի ակումբի «Լավագույն հրապարակում» մրցանակին
- Մովսես Խորենացու մեդալ, 2018[3]
Ընտանիք[խմբագրել | խմբագրել կոդը]
- Որդի՝ Արամ Շահինյան
Ծանոթագրություններ[խմբագրել | խմբագրել կոդը]
- ↑ Սաթիկ Սեյրանյանը ընտրվեց Ժուռնալիստների միության նախագահ
- ↑ «Սաթիկ Սեյրանյանի կենսագրությունը avproduction.am կայքում». Արխիվացված է օրիգինալից 2021 թ․ օգոստոսի 9-ին. Վերցված է 2018 թ․ մարտի 8-ին.
- ↑ Ս. Գ. ՍԵՅՐԱՆՅԱՆԻՆ ՄՈՎՍԵՍ ԽՈՐԵՆԱՑՈՒ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ