Ռևարի
| Բնակավայր | ||
|---|---|---|
| Ռևարի | ||
 | ||
| Երկիր |  Հնդկաստան | |
| Համայնք | Rewari district? և Գուրգաոն | |
| Մակերես | 24,93 կմ² | |
| ԲԾՄ | 245±1 մետր | |
| Ժամային գոտի | UTC+5:30 | |
| Հեռախոսային կոդ | 1274 | |
| Փոստային դասիչ | 123401 | |
| ||
Ռևարի ( հինդի՝ रेवाडी,անգլ.՝ Rewari), քաղաք Հնդկաստանի Հարյանա նահանգում։ Նույնանուն շրջանի վարչական կենտրոնը։
Աշխարհագրություն և կլիմա
[խմբագրել | խմբագրել կոդը]Գտնվում է Դելիից մոտավորապես 82 կմ, Գուրգաոնից 51 կմ դեպի հարավ-արևմուտք, ծովի մակարդակից 244 մ բարձրության վրա[1]։ Քաղաքի միջով հոսում է չորացող Սահիբի գետը, որն սկիզբ է առնում Ռաջաստանից և Դելիում թափվում Նաջաֆգար լիճը։
Ռևարիին բնորոշ է կիսաչորայինից չորային կլիման։ Հունվարի միջին նվազագույնը 6 °C է, իսկ մայիսի և հունիսի առավելագույնը՝ 41 °C։ Օդի ջերմաստիճանը հաճախ ամռանը հասնում է 46 °C-ի, իսկ ձմռանը կարող է իջնել մինչև 2 °C[2]։ 2012 թվականի հունվարի 12-ին և 31-ին ջերմաստիճանն իջել է մինչև 0 °C[3]։ Միջին տարեկան տեղումների քանակը՝ 553 մմ։ Քաղաքի կլիմայի վրա ազդում է Առավալի լեռնաշղթան, ինչպես նաև շրջակայքում տարածված ավազաթմբերը[2]։
Բնակչություն
[խմբագրել | խմբագրել կոդը]2011 թվականի մարդահամարի տվյալներով քաղաքի բնակչության թվաքանակը եղել է 140 864։ Բնակչության 53%-ը տղամարդիկ են, 47%-ը՝ կանայք։ Գրագիտության մակարդակը կազմում է 78% (83% տղամարդկանց և 73% կանանց շրջանում), որը բարձր է միջին հանրապետականից՝ 64,3%։ Մինչև 6 տարեկան երեխաների մասնաբաժինը կազմում է 11,3%։
2001 թվականի մարդահամարի տվյալներով Ռևարին ուներ 100 946 բնակիչ[4]
Տրանսպորտ
[խմբագրել | խմբագրել կոդը]Դելիի միջազգային օդանավակայանը գտնվում է Ռևարիից մոտավորապես 75 կմ հեռավորության վրա։
1873 թվականին Ռևարին կապվել է Դելիի հետ մետրաչափ երկաթուղով[5]։ 1995 թվականին, որպես երկրի երկաթուղիների միասնականացման նախագծի մի մաս, չափը վերածվել է ստանդարտ հնդկականի (1676 մմ) ; 2007 թվականին վերամշակվել է նաև այս երկու քաղաքների միջև եղած երկրորդ երկաթգիծը[6]։ Rewari-ն երկաթուղային խոշոր հանգույց է և ուղիղ երթուղիներով կապված է Հնդկաստանի շատ քաղաքների հետ։ Նախատեսված է Դելի-Ռևարի երկաթուղին էլեկտրաֆիկացնել[7]։
Թիվ 8 ազգային ավտոմայրուղով Ռևարինկ ապովածէ Դելիի և Մումբայի թիվ 71 -ով՝ ալանդհարի, Ռոհտակի և Ջաջարի հետ։
Պատկերասրահ
[խմբագրել | խմբագրել կոդը]-
Դելի դարպասը Ռևարիում -
Երկաթուղու թանգարանը -
Երկաթուղային կայարանը
Ծանոթագրություններ
[խմբագրել | խմբագրել կոդը]- ↑ «Rewari, India Page» (անգլերեն). Fallingrain Global Gazetteer. Արխիվացված օրիգինալից 2013 թ․ սեպտեմբերի 27-ին. Վերցված է 2013 թ․ սեպտեմբերի 13-ին.
- ↑ 2,0 2,1 «Архивированная копия» (PDF). Արխիվացված (PDF) օրիգինալից 2012 թ․ մայիսի 17-ին. Վերցված է 2013 թ․ սեպտեմբերի 13-ին.
- ↑ «संशो-आगे के लिए : फिर 'शून्य' पर पहुचा पारा». Արխիվացված օրիգինալից 2012 թ․ սեպտեմբերի 4-ին. Վերցված է 2013 թ․ սեպտեմբերի 13-ին.
- ↑ «Census of India 2001: Data from the 2001 Census, including cities, villages and towns. (Provisional)». Census Commission of India. Արխիվացված է օրիգինալից 2004 թ․ հունիսի 16-ին. Վերցված է 2007 թ․ սեպտեմբերի 3-ին.
- ↑ «World's first commercial MG service runs from Delhi to Rewari». Արխիվացված օրիգինալից 2016 թ․ հուլիսի 26-ին. Վերցված է 2013 թ․ սեպտեմբերի 13-ին.
- ↑ «Press Information Bureau English Releases». Արխիվացված օրիգինալից 2014 թ․ հուլիսի 28-ին. Վերցված է 2013 թ․ սեպտեմբերի 13-ին.
- ↑ «Архивированная копия» (PDF). Արխիվացված (PDF) օրիգինալից 2012 թ․ հուլիսի 10-ին. Վերցված է 2013 թ․ սեպտեմբերի 13-ին.
 | Վիքիպահեստն ունի նյութեր, որոնք վերաբերում են «Ռևարի» հոդվածին։ |
| ||||||
