Ռոբերտ Բեգլարյան

	Ռոբերտ Բեգլարյան
Կրթություն՝	Սպահանի համալսարան
Մասնագիտություն՝	քաղաքական գործիչ և տնտեսագետ
Ծննդյան օր	դեկտեմբերի 19, 1961 (62 տարեկան)
Ծննդավայր	Թեհրան, Իրան
Քաղաքացիություն	Իրան
Robert Beglarian

Վիքիպեդիայում կան հոդվածներ Բեգլարյան ազգանունով այլ մարդկանց մասին։

Ռոբերտ Բեգլարյան (պարս.՝ روبرت بگلریان, դեկտեմբերի 19, 1961(1961-12-19), Թեհրան, Իրան), իրանահայ քաղաքական գործիչ, տնտեսագետ, Իրանի Իսլամական Հանրապետության խորհրդարանի պատգամավոր^[1]։

Կենսագրություն

Ռոբերտ Բեգլարյանը ծնվել է 1961 թվականին Թեհրանում։ Ֆիզիկա-մաթեմատիկական ուղղությամբ կրթություն է ստացել Թեհրանում և Սպահանում։ Մեծ աշխատանք է կատարել Նոր Ջուղայի հասարակական կյանքում, անդամակցել է մշակութային և քաղաքական հանձնաժողովներին։ 1989 թվականին ընդունվել է Սպահանի համալսարանի տնտեսագիտական ֆակուլտետ, 1993 թվականին ուսումը շարունակել է նույն համալսարանի մագիտստրատուրայում՝ տնտեսագիտության գծով^[2]։

1993 թվականից աշխատել է Իրանի աշխատանքի և սոցիալական հարցերի նախարարության Սպահանի գրասենյակում։ Երկու տարի համալսարանում դասավանդել է շուկայագիտություն։ 2000 թվականից տեղափոխվել է Թեհրան և աշխատել Սոցիալական հարցերի նախարարությունում, 2002-2004 թվականներին եղել է «Պայման» ամսաթերթի խմբագրակազմի անդամ^[2]։

2004 խորհրդարանական ընտրություններ

2004 թվականին Ռոբերտ Բեգլարյանն ընտրվել է Իրանի Իսլամական Հանրապետության խորհրդարանի անդամ։ Անդամակցել է տնտեսական և Իրան-Հայաստան հարաբերությունների հանձնաժողովներին։ Նրա գործընկեր Գևորգ Վարդանը Հյուսիսային Իրանից ընտրվել է պատգամավոր և Հայ համայնքի ներկայացուցիչ^[3]։

2008 խորհրդարանական ընտրություններ

2008 թվականի մարտին Ռոբերտ Բեգլարյանն ընտրվել է որպես Հարավային Իրանի քրիստոնյա հայ փոքրամասնության ներկայացուցիչ։ Մարտի 14-ին կայացած խորհրդարանական ընտրություններում Բեգլարյանը ստացել է ձայների մեծամասնությունը^[4]։

Քանի որ Իրանի քրիստոնյա փոքրամասնությունը բաղկացած է երկու խմբերից, ներառյալ Թեհրանի հայերը և Իրանի հյուսիսային, ինչպես նաև երկրի հարավային հատվածների, երկու մարզերի համար երկու ընտրություններ են տեղի ունենում^[4], ինչպես նաև պայմանավորված այն հանգամանքով, որ քրիստոնյա հայերը Իրանի 290 տեղանոց խորհրդարանում ունեն երկու տեղ, իսկ մյուս կրոնական փոքրամասնությունները (զրադաշտականներ, հրեաներ ու ասորիներ) ունեն մեկ ներկայացուցիչ երկրի օրենսդիր մարմնում^[4]։

2012 թվական

2012 թվականին Բեգլարյանն ընտրվել է երրորդ անգամ, և 2015 թվականից Իրանի խորհրդարանի երկու հայ ներկայացուցիչներից մեկն է^[5]։

2015 թվականի մարտին պատգամավոր Կարեն Խանլարյանի հետ միասին Բեգլարյանին հրավիրել են ողջ համագումարին ներկայացնել Հայոց ցեղասպանությունը դատապարտող հայտարարություն^[1]։

Տես նաև

Արա Շահվերդյան

Ծանոթագրություններ

↑ ^1,0 ^1,1 ASIA/IRAN - Iranian MPs are preparing to commemorate the Armenian Genocide retrieved June 2015
↑ ^2,0 ^2,1 Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012
↑ Armenia’s Elected to Iran’s Parliament
↑ ^4,0 ^4,1 ^4,2 «Beglarian elected as MP of Armenian minority of southern Iran'». Արխիվացված է օրիգինալից 2018 թ․ մարտի 3-ին. Վերցված է 2017 թ․ դեկտեմբերի 17-ին.
↑ Two Armenians elected MPs in Iran

[fides.org-1] 1,0 ^1,1 ASIA/IRAN - Iranian MPs are preparing to commemorate the Armenian Genocide retrieved June 2015

[Ժանետ-2] 2,0 ^2,1 Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012

[3] Armenia’s Elected to Iran’s Parliament

[payvand.com-4] 4,0 ^4,1 ^4,2 «Beglarian elected as MP of Armenian minority of southern Iran'». Արխիվացված է օրիգինալից 2018 թ․ մարտի 3-ին. Վերցված է 2017 թ․ դեկտեմբերի 17-ին.

[5] Two Armenians elected MPs in Iran

[1]

[2]

[3]

[4]

[5]