Ռեյ Աղայան
| Ռեյ Աղայան Ռեյմոնդ Աղայան | |
|---|---|
| Ծնվել է | հուլիսի 28, 1928[1][2] |
| Ծննդավայր | Թեհրան, Իրան |
| Մահացել է | հոկտեմբերի 10, 2011[3][1][2] (83 տարեկան) |
| Մահվան վայր | Լոս Անջելես, Կալիֆոռնիա, ԱՄՆ |
| Քաղաքացիություն |  ԱՄՆ և  Իրան |
| Մասնագիտություն | հագուստի դիզայներ |
| Աշխատավայր | Հոլիվուդ |
| Պարգևներ և մրցանակներ | «Էմմի» բարձրագույն մրցանակ |
Ջորջ Ռեյ Աղայան, իսկական անունը Ռեյմոնդ, (հուլիսի 28, 1928, Թեհրան – հոկտեմբերի 10, 2011, Լոս Անջելես[4]), հայազգի ամերիկացի զգեստանկարիչ, դիզայներ։ Հեռուստատեսային «Էմմի» բարձրագույն մրցանակիր։
Կենսագրություն
[խմբագրել | խմբագրել կոդը]Ծնվել է Թեհրանում Հայկ և Հասմիկ Աղայանների ընտանիքում։ Մայրը Թեհրանում կանացի հագուստի արվեստանոց է ունեցել։ 14 տարեկանից հագուստներ է ստեղծել Եգիպտոսի արքայազնի, ապա պարսից շահի կնոջ համար։ Տեղափոխվել է ԱՄՆ։ Մասնակցել թատերական ներկայացումների։ Աշխատանքի անցնելով Հոլիվուդում, զգեստներ է կարել Ջուդի Գարլանդի համար։
Ֆիլմագրություն
[խմբագրել | խմբագրել կոդը]Որպես զգեստանկարիչ մասնակցել է՝
- «Կոկո» թատերական բեմադրություն
- «Ծափահարություններ» թատերական բեմադրություն
- «Սիրո արվեստը» (անգլ.՝ The Art of Love), 1965
- «Մեր տղամարդ Ֆլինտը» (անգլ.՝ Our Man Flint), 1966
- Կապրիս (անգլ.՝ Caprice), 1967
- «Հայր սագը» (անգլ.՝ Doctor Dolittle), 1967
- «Լեդին բլյուզ է երգում» (անգլ.՝ Lady Sings the Blues), 1973
- «Գեյլի, Գեյլի» (անգլ.՝ Gaily, Gaily), 1970
- «Ծիծաղելի աղջիկը» (անգլ.՝ Funny Lady), 1976
և այլ կինոնկարների համար։
Զգեստներ է ստեղծել Ռաքել Ուելչիի, Բարբարա Սթրեյզնդի, Էլկե Սոմերի, Շերի, Դայանա Ռոսի և այլ աստղերի համար։ Արժանացել է հեռուստատեսային «Էմմի» բարձրագույն մրցանակի[5]։
Ռեյ Աղայանը 1984 թվականի Լոս Անջելեսում կայացած ամառային օլիմպիական խաղերի բացման և փակման արարողությունների զգեստների ձևավորման պատասխանատուն էր[6]։
Ռեյ Աղայանի կյանքի ընկերը մոտ 50 տարի եղել է հայտնի հագուստի դիզայներ Բոբ Մաքին։ Մահացել է 2011 թվականի հոկտեմբերի 11-ին Լոս Անջելեսի իր տանը։
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ 2,0 2,1 Internet Broadway Database — 2000.
- ↑ http://www.latimes.com/news/obituaries/la-me-ray-aghayan-20111014,0,4050648.story
- ↑ Paul Vitello (2011 թ․ հոկտեմբերի 15). «Ray Aghayan, Costume Designer, Dies at 83». Նյու Յորք Թայմս.
- ↑ Արծվի Բախչինյան, Հայազգի գործիչներ, Երևան, 2002
- ↑ Dennis McLellan (2011 թ․ հոկտեմբերի 14). «Ray Aghayan dies at 83; award-winning costume designer». Los Angeles Times.
| ||||||||||
