Ջին Սիմոնս (երաժիշտ)

Ջին Սիմոնս
Բնօրինակ անուն	եբրայերեն՝ ג'ין סימונס‎
Ի ծնե անուն	եբրայերեն՝ חיים ויץ‎‎‎
Նաև հայտնի է որպես	The Demon, God of Thunder, Dr. Love և Reginald Van Helsing
Ծնվել է	օգոստոսի 25, 1949 (75 տարեկան); Տիրաթ Քարմել
Երկիր	ԱՄՆ
Ժանրեր	մետալ
Մասնագիտություն	բասկիթառահար
Երգչաձայն	բարիտոն
Գործիքներ	բաս կիթառ և վոկալ
Լեյբլ	Casablanca Records և Sanctuary Records
Կրթություն	Newtown High School?, College of Staten Island?, Sullivan County Community College? և Yeshiva Torah Vodaas?
Անդամակցություն	KISS
Ամուսին	Shannon Tweed?
Պարգևներ	Գրեյթ իմիգրանտս
Կայք	genesimmons.com
	Gene Simmons Վիքիպահեստում

Ջին Սիմոնս (անգլ.՝ Gene Simmons, օգոստոսի 25, 1949(1949-08-25)^[1]^[2]^[3], Տիրաթ Քարմել), ամերիկացի բաս-կիթառահար, դերասան, վոկալիստ։ Ամերիկական հայտնի Kiss խմբի հիմնադիրներից։ Սիմոնսը ծնվել է 1949 թ. օգոստոսի 25-ին Իսրայելում։ Ութ տարեկանում նա մոր` Ֆլորենս Քլեյնի հետ մեկնել է Նյու Յորք։ Ֆլորենսը և նրա եղբայրը` Լարի Քլեյնը, միակն են եղել իրենց ընտանիքում, ովքեր տեսել և ենթարկվել են հոլոքոստի։ Սիմոնսի հայրը` Ֆերրի Ուիթզը, ընտանիքի հետ Ամերիկա չի մեկնել։ Ամերիկա մեկնելուց հետո երիտասարդ Հաիմ Ուիթզը անունը փոխում է` դարձնելով Յուջին Քլեյն (ապա Ջին Քլեյն)` վերցնելով մոր ազգանունը։ 1960-ականների վերջին նա վերցրեց Սիմոնս ազգանունը` քսանականների նշանավոր ռոք-կատարող Ջեմփին Ջին Սիմոնսի պատվին։

Կյանքի վաղ տարիները և կարիերան

Իր խմբում Ջինը սկսել է նվագել դեռ դեռահաս տարիքում։ Խումբը սկզբում կոչվել է Linx, իսկ հետո վերափոխվել է The Mising Links-ի։ Վերջ ի վերջո Սիմոնսը կազմալուծում է խումբը և ստեղծում մի նոր խումբ` The Long Island Sounds անվանումով։ Այս տարիներին նա գումար էր վաստակում` ամսագրեր հրատարակելով և կոմիքսներ վաճառելով։ Սիմոնսը մի քանի տարի սովորեց քոլեջում, ապա ստեղծեց մի նոր խումբ`Bullfrog Bheer-ր, և գրեց «Leeta» դեմո-կոմպոզիցիան։ 1970-ականների սկզբին Սիմոնսը Սթենլի Բերտ Էյզեն հետ (նույն ինքը Փոլ Սթենլին) ստեղծեց Wicked Lester ռոք խումբը։ Գոհ չլինելով խմբից և պարբերաբար անդամներին փոխելով` ի վերջո Սիմոնսն ու Սթենլին թողեցին խումբը։ Նրանք որոշեցին կազմավորել ամենալավ ռոք խումբը։ Թմբկահարի փնտրտուքների մեջ գտնվելով` Սիմոնսն ու Սթենլին ի վերջո գտան Փիթեր Քրիսին, ով նվագում էր Բրուքլինի ակումբներում։ Շուտով նրանց միացավ Փոլ Ֆրեհլին` ավելի ուշ Էյս Ֆրեհլին` որպես սոլո-կիթառիստ։ 1974 թ. Kiss-ը թողարկեց ալբոմ։ Բեմում Սթենլին վերցրեց գլխավոր շոումենի դերը։

1983 թ-ին, երբ Kiss-ի հայտնիությունն ու փառքը նվազեց, տղաները դադարեցին դիմահարդարում օգտագործել, ինչը հանգեցրել էր խմբի այդչափ հայտնի դառնալուն։ 1995 թ-ին խմբի երկրպագուների անընդհատ բողոքները ի վերջո հանգեցրեց 1996-ից 1997 թթ. տեղի ունեցած հաջող շուրջերկրյա համերգներին։ 1998 թ.-ին խումբը թողարկեց Psycho Circus ալբոմը` առաջինը քսան տարվա մեջ` խմբի լրիվ կազմով։ Շուտով խմբի կազմում փոփոխություններ եղան` Թոմի Թայերը եկավ փոխարինելու Էյս Ֆրեհլիին, իսկ Էրիք Քարը` Փիթեր Քրիսին։

Անձնական կյանքը

Հիմա Սիմոնսն ապրում է Բեվերլի-Հիլզում, կնոջ` Շենոն Թվիդի հետ։ Ունեն երկու երեխա` Նիկոլասը և Սոֆին։

Երաժիշտը ասում է, որ երբեք չի օգտագործել թմրանյութ, ծխախոտ և խմիչք։

Ծանոթագրություններ

↑ ^1,0 ^1,1 BD Gest' (ֆր.)
↑ ^2,0 ^2,1 Չեխիայի ազգային գրադարանի կատալոգ
↑ ^3,0 ^3,1 Internet Speculative Fiction Database — 1995.
↑ https://www.carnegie.org/awards/great-immigrants/2006-great-immigrants/

Վիքիպահեստն ունի նյութեր, որոնք վերաբերում են «Ջին Սիմոնս (երաժիշտ)» հոդվածին։

[_c3e7a782eff25e59-1] 1,0 ^1,1 BD Gest' (ֆր.)

[_0bbce32dfac34500-2] 2,0 ^2,1 Չեխիայի ազգային գրադարանի կատալոգ

[_b3468a6b146645dc-3] 3,0 ^3,1 Internet Speculative Fiction Database — 1995.

[_9f0cc9056df258cf-4] ttps://www.carnegie.org/awards/great-immigrants/2006-great-immigrants/

[1]

[2]

[3]

[4]