Պիստոս-Արաքսի Չիլինկիրյան
 | |
|---|---|
| Ծնվել է | 1852 |
| Ծննդավայր | Պերա, Թուրքիա |
| Մահացել է | 1882 |
| Քաղաքացիություն | .svg){kind=small} Օսմանյան կայսրություն |
| Մասնագիտություն | դերասանուհի |
Պիստոս-Արաքսի Չիլինկիրյան (1852, Պերա, Թուրքիա - 1882), պոլսահայ դերասանուհի։ Դերասանուհի Աղավնի Բինեմեջյանի քույրը[1]։
Կենսագրություն
[խմբագրել | խմբագրել կոդը]Պիստոս-Արաքսի Չիլինկիրյանը ծնվել է 1852 թվականին Կոստանդնուպոլսի Պերա թաղամասում։ Սովորել է ֆրանսիացի մայրապետների դպրոցում[2]։
Առաջին անգամ բեմ է բարձրացել փոքր տարիքում. 1863-1864 թվականների թատերաշրջանում նա խաղացել է «Արևելյան թատրոնում», սակայն այդ համագործակցությունը չի շարունակվել։ 1867 թվականին գլխավոր դեր է կատարել Նաումի թատրոնում[2]։
1868-1869 թվականների թատերաշրջանից սկսել է հանդես գալ Հակոբ Վարդովյանի «Օսմանյան թատրոնում», որտեղ բացահայտվել է դրամատիկ և կատակերգակ դերասանուհու նրա տաղանդը։ Դերասանական արժանիքներով Պիստոս-Արաքսի Չիլինկիրյանը լրջորեն մրցակցել է թատրոնի առաջատար դերասանուհի Երանուհի Գարագաշյանի հետ[2]։
1872 թվականից Պիստոս-Արաքսի Չիլինկիրյանը հանդես է եղել Սերովբե Պենկլյանի օպերետային խմբում, որի հետ շրջագայություններ է կատարել տարբեր քաղաքներում[2]։
Դերասանուհին աչքի է ընկել հայերենի և թուրքերենի գերազանց առոգանությամբ, ունեցել է գեղեցիկ արտաքին[2]։
Դերեր
[խմբագրել | խմբագրել կոդը]«Օսմանյան թատրոնում» Պիստոս-Արաքսի Չիլինկիրյանի լավագույն դերերն են Բամելան նույնանուն պիեսում, Լեոնի Պերոն՝ «Կարծեցյալ հոմանուհի» պիեսում և այլն։ Իր ժամանակի մամուլը բարձր է գնահատել Ժան Բատիստ Մոլիերի պիեսներում նրա խաղացած դերերը, մասնավորապես, Անժելիքի դերը «Ժորժ Դանդեն» կատակերգությունում»[2]։
Սերովբե Պենկլյանի օպերետային խմբում նրա կատարած լավագույն դերերից է Ադրիանապոլսում խաղացած Հուտիթը։ Այդ ներկայացումը նա խաղացել է եբրայերենով՝ տեքստը գրելով հայատառ[1][2][3]։
Ծանոթագրություններ
[խմբագրել | խմբագրել կոդը]- ↑ 1,0 1,1 «Пистос-Аракси». ru.hayazg.info.
- ↑ 2,0 2,1 2,2 2,3 2,4 2,5 2,6 Ստեփանյան, Գառնիկ (1990). Կենսագրական բառարան. հայ մշակույթի գործիչներ, երեք հատորով. Vol. հատոր Գ, գիրք 1, Մել-Ռ. Երևան: Սովետական գրող. էջ 215. ISBN 5-550-00265-5.
- ↑ «АРМЯНСКИЕ АКТРИСЫ – ОСНОВОПОЛОЖНИЦЫ СЦЕНИЧЕСКОГО ИСКУССТВА НА ВОСТОКЕ». www.anunner.com (ամհարերեն). Վերցված է 2021 թ․ հունիսի 10-ին.
{{cite web}}:|first=missing|last=(օգնություն)