Պարուհի Թեփելիկյան
Պարուհի Թեփելիկյան | |
|---|---|
| Ծնվել է | 1925 |
| Ծննդավայր | Ալեքսանդրիա, Եգիպտոս |
| Վախճանվել է | 2008 |
| Կրթություն | Փանոս Թերլեմեզյանի անվան գեղարվեստի պետական քոլեջ և Երևանի պետական գեղարվեստա-թատերական ինստիտուտ |
| Մասնագիտություն | նկարչուհի |
Պարուհի Գաբրիելի Թեփելիկյան (1925, Ալեքսանդրիա, Եգիպտոս - 2008), հայ նկարչուհի։
Կենսագրություն[խմբագրել | խմբագրել կոդը]
Պարուհի Թեփելիկյանը ծնվել է 1925 թվականին Ալեքսանդրիայում, Մեծ եղեռնից մազապուրծ հայ ընտանիքում։ Հետագայում ընտանիքը տեղափոխվել է Բուխարեստ։ 1946 թվականին հայրենադարձել է։ Ավարտել է Երևանի Փանոս Թերլեմեզյանի անվան գեղարվեստի ուսումնարանը, այնուհետև՝ Երևանի գեղարվեստա-թատերական ինստիտուտի գեղանկարչության բաժինը։ Ստեղծագործություններից գտնվում են Հայաստանի ազգային պատկերասրահում[1]։
Թեփելիկյանն իր բնանկարներում, նատյուրմորտներում ու դիմանկարներում արտահայտել է հայրենիքի հանդեպ տածած կարոտն ու սերը, ինչպես նաև իր նախնիների անցած դժվարին ու հերոսական ճակատագիրը։ Թեփելիկյանը բազմաժանր ստեղծագործող է, անմնացորդ նվիրված արվեստին՝ տոգորված աշխատասիրությամբ, կատարողական վարպետությամբ[2]։
Մահացել է 2008 թվականին։
Ցուցահանդեսներ[խմբագրել | խմբագրել կոդը]
Անհատական ցուցահանդեսներով հանդես է եկել Բոստոնում, Ռումինիայում, Սանտյագոյում, Դամասկոսում, Քյոլնում, Վիեննայում։ 2019 թվականին Երևանում SarGallery պատկերասրահում կազմակերպված «Նուրբ տեսանկյուն» խորագրով ցուցահանդեսում, որտեղ ներկայացվել են քսանից ավելի նկարչուհիների աշխատանքներ, ներկայացվել են նաև Պարուհի Թեփելիկյանի ստեղծագործություններից[3]։
Ստեղծագործություններ[խմբագրել | խմբագրել կոդը]
- Ա. Մռավյանը, Ա. Մյասնիկյանը և Ա. Երզնկյանը, 1970
- Ինքնադիմանկար, 1987
- Կոմպոզիտոր Հ. Դելլալյանի դիմանկարը, 1987
- Բենիկ Պետրոսյանի դիմանկարը, 1984
- Տիկին Մարի, 1994
- Նատյուրմորտ իգդիրյան կարպետով, 2005
Գրականություն[խմբագրել | խմբագրել կոդը]
- Armenia Art cultural magazine, 1/2007, ISSN 1829-0272
Ծանոթագրություններ[խմբագրել | խմբագրել կոդը]
- ↑ «Շտեմարան - Հավաքածու - Հայաստանի ազգային պատկերասրահ». www.gallery.am. Վերցված է 2019 թ․ մարտի 17-ին.
- ↑ Պարուհի Թեփելիկյանի մասին Armenia Art մշակութային ամսագրում
- ↑ Նկարչուհիների կտավները՝ «Նուրբ տեսանկյուն»-ում