Ուլլա Յակոբսոն
 | |
|---|---|
 | |
| Ծնվել է | մայիսի 23, 1929[1][2][3][…] |
| Ծննդավայր | Mölndal, Gothenburg and Bohus County, Շվեդիա |
| Մահացել է | օգոստոսի 20, 1982[1][3][4] (53 տարեկան) |
| Մահվան վայր | Վիեննա, Ավստրիա[5] |
| Գերեզման | Վիենայի կենտրոնական գերեզմանատուն |
| Քաղաքացիություն |  Շվեդիա և  Ավստրիա |
| Մասնագիտություն | դերասանուհի և կինոդերասանուհի |
| Ամուսին(ներ) | Frank Lodeizen? |
| Պարգևներ և մրցանակներ | |
.jpg)
Ուլլա Յակոբսոն (Ulla Jacobsson, մայիսի 23, 1929[1][2][3][…], Mölndal, Gothenburg and Bohus County, Շվեդիա - օգոստոսի 20, 1982[1][3][4], Վիեննա, Ավստրիա[5]), շվեդ դերասանուհի, ով լայն ճանաչման է արժանացել հատկապես 1951 թվականին նկարահանված «Երջանկության մեկ ամառ» և «Զուլու» (1964) ֆիլմերում իր տպավորիչ դերակատարումների շնորհիվ։
Կենսագրություն[խմբագրել | խմբագրել կոդը]
Ուլլա Յակոբսոնը ծնվել է 1929 թվականի մայիսի 23-ին, Շվեդիայի Թագավորության Լեն Ֆեստրա Գոտելանդ մարզի Գոտենբուրգ քաղաքում[6]։ Նրա դերասանական ձիրքը դրսևորվել է դեռ վաղ հասակում, ու նա դարձել է հայրենի Գոտենբուրգի քաղաքային թատրոնին առընթեր գործող դերասանական դպրոցի սովորող, իսկ 1952 թվականից էլ խաղացել է այդ թատրոնի բեմի վրա՝ հանդես գալով ինչպես դասական, այնպես էլ մոդեռն թատերախաղերում[7]։
Ուլլայի առաջին ամուսինը վիեննացի ճարտարագետ Յոզեֆ Կորֆելդն էր, ումից նա ունեցել է մեկ դուստր, ձեռք բերել ավստրիական քաղաքացիություն։ 1950-ական թվականներին նա երկրորդ անգամ է ամոսնացել։ Դանիացի նկարիչ Ֆրանկ Լոդիցենն էր ամուսինը, ումից ունեցել է մեկ որդի։ 1960-ական թվականներին ամուսնացել է երրորդ անգամ։ Երրորդ ամուսինը ավստրիացի բժիշկ Հանս Վինֆրիդ Ռոսմանն էր, ում հետ նա տեղափոխվել է Վիեննա և բնակություն հաստատել այնտեղ։
Որպես դերասանուհի՝ Յակոբսոնը միջազգային ճանաչման է արժանացել «Երջանկության մեկ ամառ» ֆիլմում տպավորիչ դերակատարման, թերևս նաև այդ ֆիլմի որոշ տեսարաններում մերկ նկարահանվելու շնորհիվ (ուշագրավ է այն փատը, որ հետագայում որոշ կինոռեժիսորներ փորձել են նրան սեքս խորհրդանիշ դարձնել՝ հրավիրելով մերկ նկարահանվելու իրենց ֆիլմերում)։ 1951 թվականին Կաննի միջազգային կինոփառատոնում «Երջանկության մեկ ամառ»-ը շահել է բարձրագույն մրցանակ[6]։ 1967 թվականին էլ դերասանուհին արժանացել է գերմանական կինոյի մրցանակի՝ Alle Jahre wieder ֆիլմում երկրորդ պլանի դերի լավագույն կատարման համար։
Տպավորիչ դերակատարումներով Ուլլա Յակոբսոնը հանդես է եկել տասնյակ ֆիլմերում, այդ թվում՝ շվեդ նշանավոր կինոռեժիսոր Ինգմար Բերգմանի «Ամառային գիշերվա ժպիտներ» կինոնկարում։
Անվանի դերասանուհին մահացել է 53 տարեկան հասակում, քաղցկեղից։ Գնահատելով թատերական ու կինոարվեստի զարգացման ասպարեզում նրա ներդրած ավանդը՝ 2015 թվականին Մյոլնդալ քաղաքի կենտրոնական հրապարակը կոչել են նրա անունով[8][9]։
Ֆիլմագրություն[խմբագրել | խմբագրել կոդը]
| Տարին | Վերնագիրը | Դերը | Նշումներ |
|---|---|---|---|
| 1951 | Bärande hav | Նիսեի հարսնացու | |
| 1951 | Երջանկության մեկ ամառ | Քերստին | Շահել է Կաննի կինոփառատոնի բարձրագույն մրցանակ։ |
| 1953 | All jordens fröjd | Լիսբետ Էներսդոտտեր | |
| 1954 | Սրբազան սուտ | Լենա Լարսեն | |
| 1954 | Սերը հավերժ է | Մարիկա | |
| 1954 | Karin Månsdotter | Կարին Մենսդոտտեր | |
| 1954 | Herr Arnes penningar | Էլզալիլ | |
| 1955 | Քահանան Կիրխֆելդից | Աննա Բիրկմայեր | |
| 1955 | Ամառային գիշերվա ժպիտներ | Աննա Էգերման | |
| 1956 | Ոչիր և պատիժ | Նիկոլ Բրյունել | |
| 1956 | Sången om den eldröda blomman | Էլլի | |
| 1957 | Վերջիններըառաջիններ կլինեն | Վանդա | |
| 1958 | Խորհրդավոր վագոնը | Էդիթ | |
| 1958 | Անհանգիստ գիշեր | Մելանի | |
| 1959 | Llegaron dos hombres | Լաուրա Մաեստրա | |
| 1959 | Եվ դա՝ երկուշաբթի առավոտյան | Դելիա Մոնդ | |
| 1960 | Im Namen einer Mutter | Վիկի Մեռլին | |
| 1961 | Riviera-Story | Անյա Դալբերգ | |
| 1962 | Una domenica d'estate | ||
| 1963 | Սերը պարահանդես է | Յանինա | |
| 1964 | Zulu | Մարգարետա Վիտտ | |
| 1965 | Տելեմարկի հերոսները | Աննա | |
| 1965 | Nattmara | Մեյ Բերգ | |
| 1967 | Alle Jahre wieder | Lore Lücke | Գերմանական կինոյի մրցանակ՝ երկրորդ պլանի դերի լավագույն կատարման համար |
| 1968 | Adolphe ou l'Âge tendre | Հելեն | |
| 1968 | Bamse | Vera Berg | |
| 1970 | La servante | Ուլլա Մարբուա | |
| 1974 | Մեզնից մեկնումեկը | Միսիս Կոլչիկ | |
| 1975 | Աղվեսն ու նրա ընկերները | Յուջինի մսայր |
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 filmportal.de — 2005.
- ↑ 3,0 3,1 3,2 3,3 3,4 FemBio տվյալների շտեմարան (գերմ.)
- ↑ 4,0 4,1 4,2 Munzinger Personen (գերմ.)
- ↑ 5,0 5,1 5,2 Deutsche Nationalbibliothek Record #118711199 // Gemeinsame Normdatei (գերմ.) — 2012—2016.
- ↑ 6,0 6,1 «Ulla Jacobsson Rohsmann». New York Times. 1982 թ․ օգոստոսի 25.
- ↑ «Ulla Jacobsson, 53, Actress In 'Summer of Happiness'». New York Times.
- ↑ «PressReader.com - Connecting People Through News». www.pressreader.com. Վերցված է 2018 թ․ նոյեմբերի 10-ին.
- ↑ «Affischer på marken när torget smyckas». Mölndals-Posten (շվեդերեն). 2017 թ․ փետրվարի 21. Արխիվացված է օրիգինալից 2019 թ․ մարտի 29-ին. Վերցված է 2018 թ․ նոյեմբերի 10-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Ուլլա Յակոբսոն» հոդվածին։ |
| ||||||||||||||||
