Շանկլիշ
| Շանկլիշ | |
|---|---|
 | |
| Տեսակ | պանիր |
| Առաջացման երկիր |  Սիրիա և  Լիբանան |
| Կաթ | կովի կաթ և ոչխարի կաթ |
 Shanklish Վիքիպահեստում | |
Շանկլիշ (արաբ․՝ شنكليش), պանիր, որը բնորոշ է Լևանտի և Սիրիայի խոհանոցներին։ Այս գնդաձև պանիրները պատրաստում են կովի և ոչխարի կաթից։ Պատված են չոր ծիթրոնով կամ պղպեղով։ Յուրահատուկ համի համար այն անվանում են «սիրիական ռոկֆոր» (الروكفور الشامي Ալ ռուկաֆուր աշ Շամի)[1]։ Ինչքան հնեցված են պանիրները, այնքան սուր է համը և կարծր կազմությունը։
Տարբերակներ
[խմբագրել | խմբագրել կոդը]Շանկլիշը սովորաբար շփոթում են ավելի փափուկ տեսակի պանրով, որն անվանում են սուրկե (سوركي)․ վերջինս ավելի փափուկ է և թարմ, իսկ շանկլիշն առավել ուժեղ համ ունի։ Սուրկեն բնորոշ է Տարտուսին, Իսքենդերունին, իսկ շանկլիշը Հոմսին, Համային և այլն[2]։
Կախված համեմունքներից, որոնցով պատում են պանիրը, այն ունենում է տարբեր համեր։
Պատրաստում
[խմբագրել | խմբագրել կոդը]Պանիրը հիմնականում պատրաստում են գարնանը և մարինացնելով պահում մինչև ձմեռ։ Շանկլիշ ստանալու համար իրար են խառնում լաբնեն (لبنة) (քամած մածուն) և թարմ քամած կիտրոնի հյութը[3]։ Եռացնելուց առանձնանում է մակարդը, որը հավաքվում է այնքան ժամանակ, մինչև մնում է մաքուր հեղուկը[4]։
Ստացված մակարդից գնդաձև պանրագլուխներ են պատրաստում՝ մոտավորապես 6 սմ տրամագծով։ Պանիրը պատում են ծիթրոնով կամ զաթարով, կամ էլ Հալեպի պղպեղով և չորացնում են արևին։ Հետո հերմետիկ փակվող տոպրակներում պահվում է որոշ ժամանակ, մինչև որ պահպանման համար պահվում է յուղի մեջ։
Օգտագործում
[խմբագրել | խմբագրել կոդը]Շանկլիշը արաբական շատ ճաշատեսակների համար ծառայում է որպես բաղադրիչ․ դրոնց անվանում են մեզե (ակրատ)։ Շ
Ամենատարածված ուտեստներից է ջաիֆուրան՝ աղցան, որը պատրաստում են շանկլիշից, պոմիդորից, սոխից և ձիթապտղի յուղից։ Շանկլիշը նաև մանր կտրատում են և մատուցում ձվածեղի հետ կամ արաբական հացի՝ վարունգով, անանուխով և ձիթապտղի յուղով։ Շանկլիշը հրամցնում են որպես ակրատ անիսոնի օղու հետ։
Ծանոթագրություններ
[խմբագրել | խմբագրել կոդը]- ↑ زهرة محمد. «الشنكليش السوري .. طقوس تراثية في التحضير من جيل لجيل». سوريات (արաբերեն). Արխիվացված օրիգինալից 2021 թ․ նոյեմբերի 2-ին. Վերցված է 2021 թ․ նոյեմբերի 2-ին.
- ↑ Aglaia Kremezi, Penny De Los Santos Mediterranean Vegetarian Feasts. — Abrams, 2014-10-07. — 448 с. — ISBN 978-1-61312-711-7 «Արխիվացված պատճենը». Արխիվացված է օրիգինալից 2021 թ․ նոյեմբերի 2-ին. Վերցված է 2023 թ․ սեպտեմբերի 2-ին.
- ↑ Julie Ann Sageer, Leah Bhabha Julie Taboulie's Lebanese Kitchen: Authentic Recipes for Fresh and Flavorful Mediterranean Home Cooking. — St. Martin's Publishing Group, 2017-06-06. — 310 с. — ISBN 978-1-250-09494-0 «Արխիվացված պատճենը». Արխիվացված է օրիգինալից 2021 թ․ նոյեմբերի 2-ին. Վերցված է 2023 թ․ սեպտեմբերի 2-ին.
- ↑ «"الشنكليش أو السوركي أو الشعيفورة".. مونة المطبخ الشعبي السوري». Արխիվացված օրիգինալից 2021 թ․ հուլիսի 29-ին. Վերցված է 2022 թ․ մարտի 7-ին.
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Շանկլիշ կատեգորիայում։ |