Նյասա լիճ (ազգային պարկ)
Նյասա լիճ | |
---|---|
![]() | |
Տեսակ | ազգային պարկ |
Երկիր | ![]() |
Մակերես | 94 կմ² և 9400 հեկտար |
Կազմված է | Նյասա լիճ |
Ձևավորում | 1980 |
![]() | |
![]() |
Նյասա լճի ազգային պարկ (անգլ.՝ Lake Malawi National Park), ազգային պարկ, որը գտնվում է Մալավիում` երկրի հարավ-արևելյան մասում գտնվող Նյասա լճի հարավային վերջնամասում։ Նրա ջրային տարածքն զբաղեցնում է լճի ընդհանուր մակերեսի ընդամենը 0,3 %-ը (և, համապատասխանաբար, լճի միայն այդ տարածքն է պահպանվող)։
Պատմություն
[խմբագրել | խմբագրել կոդը]1934 թվականին լճի մի քանի կղզիներ հայտարարվել են անտառային արգելոցներ և թռչունների որսարգելավայրեր։ 1972 թվականին պահպանվող տարածքների մակերեսն ընդլայնվել է. այնտեղ ընդգրկել են Մակլիր հրվանդանը և մի շարք այլ տարածքներ։ 1980 թվականի նոյեմբերի 24-ին այդ տարածքում ստեղծվել է ազգային պարկ։ 1984 թվականին պարկը ներառվել է ՅՈՒՆԵՍԿՕ-ի Համաշխարհային ժառանգության ցանկում՝ դառնալով առաջին քաղցրահամ լիճը, որն ընդգրկված է այդ ցուցակում[1]։ Մոնկի Բեյ ծոցում լճի վրա է գտնվում Մալավիի ձկնային տնտեսության նախարարության գիտահետազոտական կայանը։
Աշխարհագրություն
[խմբագրել | խմբագրել կոդը]Սա Մալավիի միակ ազգային պարկն է, որը ստեղծվել է ձկների և ջրային միջավայրի պահպանության նպատակով։ Չնայած դրան՝ Նյասա լճի ազգային պարկը ներառում է բավականին մեծ ցամաքային տարածք, այդ թվում՝ մի քանի փոքր կղզիներ։ Այն նաև բնակավայր է այնպիսի կենդանիների համար, ինչպիսիք են բաբուինները։ Ավելի քան 800 տարեկան կարծվող խոշոր բաոբաբը, ինչպես ասում են, շոտլանդացի բժիշկ, ճանապարհորդ Դավիդ Լիվինգսթոնի[Ն 1] սիրելի ծառն էր. նա ծառի մոտ քարոզներ է կարդացել և շփվել այլ միսիոներների հետ։ Առաջին հինգ միսիոներների գերեզմանները նույնպես գտնվում են պարկում։
![](http://upload.wikimedia.org/wikipedia/commons/thumb/b/b2/Adult_male_livingstonii.png/220px-Adult_male_livingstonii.png)
Ձկների շատ էնդեմիկ տեսակներ լիճը դարձնում են մասնագիտացված էվոլյուցիայի բնորոշ օրինակ, և էնդեմիկ տեսակների մեծ քանակի համար այն երբեմն անվանում են «գալապագոսյան». այստեղ առկա է ձկների մոտ 1000 տեսակ, և դրանց շուրջ 90%-ը «տեղական» են։ Լիճը հատկապես հայտնի է ցիխլիդների ընտանիքի ձկների քանակով, հատկապես մբունաներով[Ն 2]. այստեղ կա մոտ 400 տեսակ կամ այդ ընտանիքի հայտնի ներկայացուցիչների 30%-ը, որոնցից շատերը, հավանաբար, դեռ նկարագրված չեն և որոնցից 5-ը էնդեմիկ են։
Լճում որևէ տեսակի ցանցի միջոցով ձկնորսությունն արգելված է, սակայն ձկնորսական կարթերով ձկնորսությունն արգելված չէ, այդ թվում նավակներով։
Պատկերասրահ
[խմբագրել | խմբագրել կոդը]Նյասա լճի ազգային պարկ
-
Մակլիր հրվանդանը
-
Նյասա լիճ
-
Տեսարան Նյասա լճի ափից
-
Նավակները լճի ափին
-
Ծովարծիվը ձուկ որսալիս
-
Ձկնորսը արևածագին
Տես նաև
[խմբագրել | խմբագրել կոդը]Նշումներ
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ UNESCO World Heritage Centre. «Lake Malawi National Park» (անգլերեն). whc.unesco.org. Վերցված է 2018 թ․ հունիսի 4-ին.
Արտաքին հղումներ
[խմբագրել | խմբագրել կոդը]![]() | Վիքիպահեստն ունի նյութեր, որոնք վերաբերում են «Նյասա լիճ (ազգային պարկ)» հոդվածին։ |