Նարե Արղամանյան

Վիքիպեդիայից՝ ազատ հանրագիտարանից
Նարե Արղամանյան
Ծնվել էհունվարի 21, 1989(1989-01-21)[1] (35 տարեկան)
Կիրովական, Հայկական ԽՍՀ, ԽՍՀՄ
Երկիր Հայաստան
Ժանրերդասական երաժշտություն
Մասնագիտությունդաշնակահարուհի
Գործիքներդաշնամուր
ԿրթությունԵրևանի միջնակարգ մասնագիտական երաժշտական դպրոց Չայկովսկու անվան և Վիեննայի երաժշտության և կատարողական արվեստի համալսարան
Կայքarghamanyan.com
 Nareh Arghamanyan Վիքիպահեստում

Նարե Արղամանյան (հունվարի 21, 1989(1989-01-21)[1], Կիրովական, Հայկական ԽՍՀ, ԽՍՀՄ), հայ դաշնակահարուհի, 2008 թվականին Մոնրեալի միջազգային երաժշտական մրցույթի հաղթող։

Կենսագրություն[խմբագրել | խմբագրել կոդը]

Ծնվել է 1989 թվականին՝Վանաձորում, Սպիտակի երկրաշարժի դժվար տարիներին։ Նարեի մայրը նույնպես դաշնամուր է նվագել և այդ դժվար տարիներին նրանց երեկոներն անց են կացվել մոմի լույսի ներքո՝ երաժշտություն ունկնդրելով։ Վաղ տարիքից սկսել է նվագել դաշնամուր, հաճախել երաժշտական դպրոց։ 1996 թվականին մասնակցել է «Ամադեուս» մրցույթին, որը տեղի է ունեցել Երևանում։ Այստեղ նրան նկատում է անվանի պրոֆեսոր Ալեքսանդր Գուրգենովը և առաջարկում է Նարեին ուսումը շարունակել Երևանում՝ Չայկովսկու անվան երաժշտական դպրոցում։ Յոթ տարեկան հասակում Հարավսլավիայում Շոպենի անվան երիտասարդական մրցույթին Նարեն մասնակցում է իր առաջին միջազգային մրցույթին և գրավում է առաջին պատվավոր տեղը։ Տասնհինգ տարեկանում Նարեն ավարտում է դպրոցը և մեկնում Վիեննա, որ շարունակի ուսումը։ Այդ ժամանակ նա փոքր էր, իրավունք չուներ որպես ուսանող ընդունվել, քանի որ քննության թվանշանները բարձր էին, Նարեին ընդունեցին։ Վիեննա տեղափոխվելուց հետո Նարեն շատ մրցույթների սկսեց մասնակցել և շատ հաղթանակներ ունեցավ։ Ամենամեծը հաղթանակը 2008 թվականի Մոներալի մրցույթն էր, ուր ոչ միայն առաջին, այլև մի քանի հատուկ մրցանակների արժանացավ։ Մոնրեալի մրցույթում Նարեն ամենափոքր մասնակիցն էր։

«Շքեղություն, հումոր, քաղցր երգեցողություն և կրակոտ երևակայություն։ Սա ինձ ծանոթացրեց մեծագույն տաղանդի հետ։ Ավելի լավ դաշնակահար քան Նարե Արղամանյանն է, չի կարող լինել։ Մեկ այլ պոտենցիալ սուպեր աստղ է հայտնվել»։ Հ.Գոլդսմիթ, «Երաժշտական Ամերիկա և Ամերիկյան Ձայնագրությունների ուղեցույց»։

Մրցանակներ[խմբագրել | խմբագրել կոդը]

  • 2009 “Sparkasse Wortersee” Մրցույթ Ավստրիայում 1 - ին մրցանակ
  • Montreal International Music Competition (Կանադա, 2008, 1-ին մրցանակ)։
  • Piano Campus International Competition (Պոնտոիզ, 2007, 1-ին մրցանակ) ։
  • Jose Roca International Competition (Վալենսիա, 2007, 2-րդ մրցանակ)։
  • Josef Dichler Piano Competition (Վիեննա, 2005, 1-ին մրցանակ)
  • Gina Bachauer International Junior Piano Competition (Սոլթ Լեյք Սիթի, 2000, 2-րդ մրցանակ)։
  • Հայաստանի Ազգային ժառանգություն ( Երևան, 1999, Ոսկե մեդալ)։
  • Ուկրաինայի Երիտասարդ տաղանդներ (1998, 1-ին մրցանակ)։
  • Շոպենի անվան երիտասարդական (Հարավսլավիա, 1997, 1-ին մրցանակ)։

Ծանոթագրություններ[խմբագրել | խմբագրել կոդը]

  1. 1,0 1,1 Deutsche Nationalbibliothek Record #1023075040 // Gemeinsame Normdatei (գերմ.) — 2012—2016.

Արտաքին հղումներ[խմբագրել | խմբագրել կոդը]