Նարդես Շովիցի

Թագավորություն	Բույսեր
Բաժին	Ծածկասերմեր
Ընտանիք	Հովանոցավորներ
Տեսակ	Նարդես Շովիցի

Լատիներեն անվանում

Ferula szowitsiana DC․

Նարդես Շովիցի (լատին․՝ Ferula szowitsiana), հովանոցավորների ընտանիքին պատկանող ծասկասերմ բույս։ Գրանցված է Հայաստանի Կարմիր գրքում։

Նկարագրություն

Բազմամյա բարակ ցողուններով խոտաբույս է, որի բարձրությունը 50 սմ է։ Պսակաթերթերը արտաքինից թավոտ են։ Պտուղն ունի լայն թևանման եզրեր՝ ակոսիկներում բազմաթիվ եթերայուղային խողովակներով^[1]։

Տարածում

Հայաստանում աճում է Երևանի (Քարակերտ, Երասխ) և Դարեղեգիսի (Խաչիկ) ֆլորիստիկական շրջաններում։ Աճում է նաև Նախիջևանում, Անատոլիայում, Իրանում, Միջին Ասիայում, Աֆղանստանում^[1]։

Էկոլոգիա

Աճում է ստորին և միջին լեռնային գոտիներում՝ ծովի մակարդակից 800-1800 մ բարձրությունների վրա, աղակալված չոր կիսաանապատում և տափաստանում, քարքարոտ և խճաքարոտ լանջերին։ Ծաղկում է մայիս-հունիս ամիսներին, պտղաբերում՝ հուլիս-օգոստոսին^[1]։

Պահպանության

Խոցելի տեսակ է։ Տարածման և բնակության շրջանների մակերեսեը 500 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված էր որպես ոչնչացման սպառնալիքի ենթակա տեսակ։ CITES-ի և Բեռնի կոնվենցիաների հավելվածներում ընդգրկված չէ^[1]։

Պահպանություն չի իրականացվում^[1]։

Ծանոթագրություններ

↑ ^1,0 ^1,1 ^1,2 ^1,3 ^1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.

Վիքիցեղերն ունի նյութեր, որոնք վերաբերում են «Նարդես Շովիցի» հոդվածին։

Վիքիպահեստն ունի նյութեր, որոնք վերաբերում են «Նարդես Շովիցի» հոդվածին։

[:0-1] 1,0 ^1,1 ^1,2 ^1,3 ^1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.

[1]