Յունջին Կիմ

Յունջին Կիմ; կորեերեն՝ 김윤진
Ծնվել է	նոյեմբերի 7, 1973 (51 տարեկան)
Ծննդավայր	Սեուլ, Հարավային Կորեա
Կրթություն	Բրիտանաամերիկյան դրամատիկական ակադեմիա, Ֆիորելլո Հ. ԼաԳուադրդիա Ավագ դպրոց, Բոստոնի համալսարանի կերպարվեստի քոլեջ և Բոստոնի համալսարան
Քաղաքացիություն	ԱՄՆ և Հարավային Կորեա
Մասնագիտություն	դերասանուհի, երգչուհի, կինոդերասանուհի, պարուհի, հեռուստատեսային դերասանուհի և ձայնային դերասանուհի
Պարգևներ և մրցանակներ	Grand Bell Awards? և Blue Dragon Film Award for Best Actress?

Յունջին Կիմ (կորեերեն՝ 김윤진, անգլ.՝ Yunjin Kim, նոյեմբերի 7, 1973(1973-11-07)^[1], Սեուլ, Հարավային Կորեա), կինեմատոգրաֆիայի և հեռուստատեսության հարավկորեացի դերասանուհի։ Մեծ ճանաչում է ստացել «Կորուսյալները» հեռուստասերիալում խաղացած Սուն Կվոնի դերով։

Կենսագրություն

Կիմը ծնվել է 1973 թվականի նոյեմբերի 7-ին Սեուլում։ Տասը տարեկանում ծնողների հետ տեղափոխվել է ԱՄՆ՝ Նյու Յորքի Սթաթեն Այլենդ քաղաքային շրջան^[2]։ Դպրոցական հասակում հաճախել է թատերական խմբակ և խաղացել «Իմ հրաշալի լեդի» մյուզիքլում։

Երաժշտության, արվեստի և թատերական արվեստի բարձրագույն դպրոցն ավարտելուց հետո ընդունվել է Դերասանական արվեստի լոնդոնյան ակադեմիա, ապա՝ Բոստոնի համալսարան։ Համալսարանն ավարտելուց հետո Կիմը «MTV» հեռուստաալիքում մասնակցել է տարբեր ծրագրերի և «ABC» հեռուստաալիքի հեռուստասերիալներում խաղացել է ոչ մեծ դերեր։

1997 թվականին խաղացել է «Հիանալի հանգիստ» կորեական սերիալում, որի նկարահանումներն իրականացվում էին Նյու Յորքում։ Նկարահանումներից հետո որոշում է վերադառնալ Կորեա, որտեղ նրան հրավիրում են «Հարսանեկան զգեստ» հեռուստասերիալում նկարահանվելու, բայց երկար մտածելուց հետո դերասանուհին մերժում է առաջարկը։ 1999 թվականին Կիմը դեր է ստացել «Շիրի» կորեական ֆիլմում։ Դրանից հետո նա նկարահանվել է ասիական արտադրության մի շարք այլ ֆիլմերում։

2004 թվականին դերասանուհին կրկին վերադարձել է ԱՄՆ և հրավիրվել «Կորուսյալները» հեռուստասերիալում Սունի դերում նկարահանվելու։ Սերիալում նկարահանվելու շնորհիվ Կիմը ստացել է համաշխարհային ճանաչում։

2012 թվականից սկսած նկարահանվել է «Սիրուհիներ» հեռուստասերիալում^[3], որը հեռարձակվել է 2013 թվականի հունիսին։

Անձնական կյանք

«Կորուսյալները» հեռուստասերիալի Օահու կղզում եզրափակիչ էպիզոդից հետո՝ 2010 թվականին, Կիմն ամուսնացել է իր նախկին մենեջեր Չոն Հյոք Պակի հետ։

Ֆիլմագրություն


Տարի	Անվանում	Բնօրինակ անվանում	Դեր
1998	Հարսանեկան զգեստ	웨딩 드레스	Ջինա
1999	Շիրի	쉬리	Լի Մյոն Հյոն / Լի Պան Հի
2000	Ջինկո։ Լեգենդ ռազմիկների մասին	단적비연수	Իյոն
2002	Երեկ	예스터데이	Կիմ Հի Սու
2004–2010	Կորուսյալները	Lost	Սուն Կվոն
2005	Հունիսյան օրագիր	Diary of June	Սեո Յուն Հի
2008	Յոթ օր	세븐 데이즈	Յու Չժի Իյոն
2009	Ներդաշնակություն	하모니	Չոն Հյո Կոն
2012	Հարևաններ	이웃사람	Կյուն Հի
2013	Սիրուհիներ	Mistresses	Կարեն Կիմ

Ծանոթագրություններ

↑ ^1,0 ^1,1 Internet Movie Database — 1990.
↑ Первый переезд в США
↑ «Телесериал «Любовницы»». Արխիվացված է օրիգինալից 2013 թ․ փետրվարի 4-ին. Վերցված է 2019 թ․ օգոստոսի 29-ին.

Արտաքին հղումներ

Պաշտոնական կայք Արխիվացված 2012-04-27 Wayback Machine

Վիքիպահեստն ունի նյութեր, որոնք վերաբերում են «Յունջին Կիմ» հոդվածին։

[_0f0e069b60b6b8a8-1] 1,0 ^1,1 Internet Movie Database — 1990.

[Первый_переезд_в_США-2] Первый переезд в США

[Телесериал_«Любовницы»-3] «Телесериал «Любовницы»». Արխիվացված է օրիգինալից 2013 թ․ փետրվարի 4-ին. Վերցված է 2019 թ․ օգոստոսի 29-ին.

[1]

[2]

[3]