Յան Շվեհլիկ

Յան Շվեհլիկ
Քաղաքացիությունը	Սլովակիա
Ծննդյան ամսաթիվ	հունվարի 17, 1950 (74 տարեկան)
Ծննդավայր	Lovča, Žiar nad Hronom District, Բանսկա Բիստրիցկա շրջան, Սլովակիա
Դիրք	հարձակվող

Յան Շվեհլիկ (սլովակ.՝ Ján Švehlík, հունվարի 17, 1950(1950-01-17)^[1], Lovča, Žiar nad Hronom District, Բանսկա Բիստրիցկա շրջան, Սլովակիա), Չեխոսլովակիայի հավաքականի ֆուտբոլիստ, որը հանդես է եկել կենտրոնական հարձակվողի դիրքում։ Կարիերայի ավարտից հետո՝ ֆուտբոլային մարզիչ։ Չեխոսլովակիայի հավաքականի կազմում 1976 թվականին դարձել է Եվրոպայի չեմպիոն։

Կարիերա

Ակումբային

Յան Շվեհլիկը ժամանել է Բրատիսլավա՝ իրավագիտություն սովորելու, սակայն հայտնվել է «Սլովանի» կազմում, թեև նախկինում պրոֆեսիոնալ մակարդակով ֆուտբոլով չի զբաղվել^[2]։ 1969 թվականին նորամուտը նշելով Բրատիսլավայի ակումբի պահեստայինների նստարանին^[3], Շվեհլիկը շատ արագ դարձել է թիմի հիմնական կենտրոնական հարձակվողը՝ առաջին իսկ մրցաշրջանում նրա կազմում դառնալով Չեխոսլովակիայի չեմպիոն։ 13 տարվա ընթացքում (ընդմիջումներով) Շվեհլիկը «Սլովանում» ևս երկու անգամ հաղթել է առաջնությունում և երկու անգամ՝ Չեխոսլովակիայի գավաթում^[3]։

Շվեհլիկը աչքի ընկնելով արագությամբ և գոլային բնազդներով՝ 70-ականների առաջին կեսի չեխոսլովակյան ֆուտբոլի աստղերից մեկն էր^[2]։

1976/77 մրցաշրջանում Շվեհլիկը ծառայել է բանակում Պրահայի «Դուկլեում»։ Ակումբ գալով որպես հայտնի ֆուտբոլիստ՝ չի կարողացել ամրապնդվել հիմնական կազմում, շատ քիչ է խաղացել և «Սլովան» վերադառնալուց հետո այլևս չի կարողացել վերադառնալ նախկին մակարդակին^[2]։ Այնուամենայնիվ, Շվեհլիկը «Դուկլայի» կազմում դարձել է Չեխոսլովակիայի չեմպիոն^[4]։ Մեկ մրցաշրջան անցկացնելով բելգիական «Հասելտում»՝ Շվեհլիկը կրկին վերադարձել է «Սլովան», իսկ կարիերան ավարտել Ավստրիայում՝ տարածաշրջանային լիգայի «Սանկտ Պելտեն» ակումբում^[4]։ Չեխոսլովակիայի առաջին լիգայում Յան Շվեհլիկն անցկացրել է 296 հանդիպում, խփել՝ 79 գնդակ^[4]։

Ազգային հավաքականում

Յան Շվեհլիկը հանդես է եկել Չեխոսլովակիայի երիտասարդական հավաքականում, 1972 թվականին թիմի հետ հաղթել է Եվրոպայի երիտասարդական առաջնության առաջին խաղարկությունը^[4]։ Շվեդիայի առաջին հավաքականում նորամուտը նշել է 1974 թվականի ապրիլի 27-ին Ֆրանսիայի հավաքականի դեմ ընկերական խաղում^[5]։ Շվեհլիկը մասնակցել է 1976 թվականի Եվրոպայի առաջնության ընտրական մրցաշարի 4 խաղի, այդ թվում՝ ԽՍՀՄ հավաքականի դեմ պատասխան քառորդ եզրափակչի^[5]։ Եվրոպայի առաջնության եզրափակիչ մրցաշարի ընթացքում Շվեհլիկը Գերմանիայի հավաքականի դեմ վճռորոշ խաղում դուրս է եկել մեկնարկային կազմում և 8-րդ րոպեին Զդենեկ Նեհոդայի փոխանցումից հետո բացել է հաշիվը^[6]։ Չեխոսլովակիայի հավաքականն ի վերջո հաղթել է հետխաղյա 11 մետրանոցներով։ ԵԱ-1976-ից հետո Յան Շվեհլիկը 3 տարի չի խաղացել հավաքականում, վերջին անգամ ազգային թիմի կազմում հայտնվել Է 1979 թվականի մայիսի 5-ին Խորհրդային Միության հավաքականի հետ ընկերական հանդիպման ժամանակ^[5]։ Ընդմիջմանը Շվեհլիկը փոխարինել է Յարոսլավ Պոլլակին, հանդիպումն ավարտվել է խորհրդային ֆուտբոլիստների հաղթանակով՝ 3:0 հաշվով^[7]։ Չեխոսլովակիայի հավաքականի կազմում Յան Շվեհլիկն անցկացրել է 17 հանդիպում, խփել 4 գոլ^[5]։

Մարզչական

Որպես մարզիչ՝ Յան Շվեհլիկն աշխատել է միայն Բրատիսլավայի «Սլովանի» հետ, ավելի հաճախ՝ որպես երկրորդ մարզիչ։ Երեք անգամ եղել է թիմի գլխավոր մարզիչ, ապա դարձել է «Սլովանի» մարզական տնօրեն^[8]։

Ձեռքբերումներ

Ակումբային

Չեխոսլովակիայի չեմպիոն(4)՝ 1969/70, 1973/74, 1974/75, 1976/77
Չեխոսլովակիայի գավաթի գավաթակիր (2)՝ 1973/74, 1981/82

Ազգային հավաքականում

Եվրոպայի չեմպիոն` 1976
Եվրոպայի երիտասարդական թիմերի չեմպիոն՝ 1972

Ծանոթագրություններ

↑ ^1,0 ^1,1 Transfermarkt.com(բազմ․) — 2000.
↑ ^2,0 ^2,1 ^2,2 Michael Vana. «Jan Svehlik» (անգլերեն). SlovakFutball.com — Page of Slovak soccer. Արխիվացված է օրիգինալից 2011 թ․ հոկտեմբերի 1-ին. Վերցված է 2011 թ․ դեկտեմբերի 14-ին.
↑ ^3,0 ^3,1 «Sieň slávy» (սլովակերեն). ŠK Slovan Bratislava — oficiálna www stránka futbalového klubu. Արխիվացված օրիգինալից 2011 թ․ դեկտեմբերի 9. Վերցված է 2011 թ․ դեկտեմբերի 14-ին.{{cite web}}: CS1 սպաս․ bot: original URL status unknown (link)
↑ ^4,0 ^4,1 ^4,2 ^4,3 Савин А. В. Мировой футбол: кто есть кто: Полная энциклопедия. — М.: Эксмо, 2007. — С. 704. — ISBN 978-5-699-22359-6
↑ ^5,0 ^5,1 ^5,2 ^5,3 «Ján Švehlík — Statistiky reprezentantů» (չեխերեն). FAČR — Fotbalová asociace České republiky. Արխիվացված է օրիգինալից 2012 թ․ ապրիլի 28-ին. Վերցված է 2011 թ․ դեկտեմբերի 14-ին.
↑ Труден путь к полной победе // Футбол-Хоккей. 27 июня 1976. № 26 (840). С. 4—5
↑ Филатов Л. Генеральная… // Футбол-Хоккей. 13 мая 1979. № 19 (989). С. 2—3
↑ «Funkcionári klubu» (սլովակերեն). ŠK Slovan Bratislava — oficiálna www stránka futbalového klubu. Արխիվացված օրիգինալից 2012 թ․ հունվարի 1. Վերցված է 2011 թ․ դեկտեմբերի 14-ին.{{cite web}}: CS1 սպաս․ bot: original URL status unknown (link)

Արտաքին հղումներ

Վիճակագրությունը National Football Teams կայքում(անգլ.)

Профиль на сайте weltfussball.de(գերմ.)
Профиль на сайте FootballDatabase.eu(ֆր.)

[_631de7b01a6faa04-1] 1,0 ^1,1 Transfermarkt.com(բազմ․) — 2000.

[slovak-2] 2,0 ^2,1 ^2,2 Michael Vana. «Jan Svehlik» (անգլերեն). SlovakFutball.com — Page of Slovak soccer. Արխիվացված է օրիգինալից 2011 թ․ հոկտեմբերի 1-ին. Վերցված է 2011 թ․ դեկտեմբերի 14-ին.

[slovan-3] 3,0 ^3,1 «Sieň slávy» (սլովակերեն). ŠK Slovan Bratislava — oficiálna www stránka futbalového klubu. Արխիվացված օրիգինալից 2011 թ․ դեկտեմբերի 9. Վերցված է 2011 թ․ դեկտեմբերի 14-ին.{{cite web}}: CS1 սպաս․ bot: original URL status unknown (link)

[savin-4] 4,0 ^4,1 ^4,2 ^4,3 Савин А. В. Мировой футбол: кто есть кто: Полная энциклопедия. — М.: Эксмо, 2007. — С. 704. — ISBN 978-5-699-22359-6

[cmfs-5] 5,0 ^5,1 ^5,2 ^5,3 «Ján Švehlík — Statistiky reprezentantů» (չեխերեն). FAČR — Fotbalová asociace České republiky. Արխիվացված է օրիգինալից 2012 թ․ ապրիլի 28-ին. Վերցված է 2011 թ․ դեկտեմբերի 14-ին.

[6] Труден путь к полной победе // Футбол-Хоккей. 27 июня 1976. № 26 (840). С. 4—5

[7] Филатов Л. Генеральная… // Футбол-Хоккей. 13 мая 1979. № 19 (989). С. 2—3

[8] «Funkcionári klubu» (սլովակերեն). ŠK Slovan Bratislava — oficiálna www stránka futbalového klubu. Արխիվացված օրիգինալից 2012 թ․ հունվարի 1. Վերցված է 2011 թ․ դեկտեմբերի 14-ին.{{cite web}}: CS1 սպաս․ bot: original URL status unknown (link)

[1]

[2]

[3]

[4]

[5]

[6]

[7]

[8]