Մունկի թանգարան

Մունկի թանգարան
Տեսակ	պատկերասրահ
Երկիր	Նորվեգիա
Տեղագրություն	Օսլո
Վայր	MUNCH?
Հասցե	Edvard Munchs plass 1Edvard Munchs plass? (1)
Հիմնադրվել է	1963
Կայք	munchmuseet.no(նորվ.) և munchmuseet.no/en/(անգլ.)

Մունկի թանգարան (նորվ.՝ Munch-museet, Munch-museet i Oslo), թանգարան Նորվեգիայի մայրաքաղաք Օսլոյում, որը զբաղվում է հայտնի նորվեգացի նկարիչ Էդվարդ Մունկի գործերի հավաքագրմամբ, ուսումնասիրությամբ և դրանց հանրահռչակմամբ^[1]։

Ներկա պահին թանգարանն ունի շուրջ 1100 նկար, 4500 գծանկար, 18000 գրաֆիկական նյութեր։ Թանգարանում բացի նկարչի ստեղծագործություններից, պահվում են նաև նրա անձնական իրերը, այդ թվում նաև 1944 թվականին իր մահից հետո քաղաքին ժառանգություն թողած իրերը^[1]։

Մունկի թանգարանը հանդիսավորությամբ բացվեց 1963 թվականին։

Կողոպուտ

2004 թվականի օգոստոսի 22-ին տեղի ունեցավ ավազակային հարձակում թանգարանի վրա։ Զինված հանցագործները իրենց հետ տարան «Ճիչ» և «Մադոննա» կտավները։ 2006 թվականին կողոպտիչներից երեքը դատաարտվեցին բանտարկության, իսկ օգոստոսին ոստիկանությանը հաջողվեց հայտնաբերել գողացված կտավները։ Կտավները հանցագործների մոտ եղած ժամանակ վնասվել էին. առկա էին քերծվածքներ^[1]։

Թանգարանի ներկայացուցչի խոսքերով «Ճիչ» կտավի վրայի անկյունային հետքը կմնա, քանի որ վերականգնողական աշխատանքներ իրականացնող մասնագետները չեն ուզեցել լրացուցիչ վնաս հասցնել կտավին^[1]։