Մուհամմադ Սայիդ Ֆալլակ

Մուհամմադ Սայիդ Ֆալլակ;
Ծնվել է	մարտի 31, 1950 (74 տարեկան)
Ծննդավայր	Տիզի Ուզու, Ալժիր
Քաղաքացիություն	Ալժիր և Ֆրանսիա
Մասնագիտություն	դերասան, կատակերգու, գրող, թատրոնի դերասան, կինոդերասան, հեռուստատեսային դերասան և թատերական ռեժիսոր
Ամուսին	Marianne Épin?
Պարգևներ և ; մրցանակներ	Կլաուս արքայազնի մրցանակ Q3405590? Q3405196? prix SACD? Սև հումորի մրցանակ և Academy of Canadian Cinema and Television Award for Best Performance by an Actor in a Leading Role?
Կայք	fellag.fr
	Mohamed Fellag Վիքիպահեստում

Մուհամմադ Սայիդ Ֆալլակ (թամիլերեն՝ ⵎⵄⵁⴰⵏⴸ ⵚⴰⵉⴸ ⴼⴻⵍⴰⴴ, մարտի 31, 1950(1950-03-31)^[1]^[2], Տիզի Ուզու, Ալժիր), կինոյի և թատրոնի ալժիրցի դերասան, գրող և հեռուստահաղորդավար։ Հայտնի է հայրենիքում, Կանադայում, Ֆրանսիայում և ԱՄՆ-ում։ Կինոյում ավելի հայտնի է «Պարոն Լազար» դրամայում դպրոցի մեղմ ուսուցչի` Բաշիր Լազարի դերով, որի համար արժանացել է «Ջինի» մրցանակին` լավագույն տղամարդու դերի համար։

Կենսագրություն

Ծնվել է 1950 թվականի մարտի 31-ին, բերբերյան ընտանիքում, Ազեֆուն քաղաքում, որը հյուսիսային Ալժիրում է^[3]։ Տղան 4 տարեկան էր երբ Ալժիրի անկախության համար պատերազմ սկսվեց^[3]։ 1958 թվականին ընդունվել է միջնակարգ դպրոց, որտեղ սկսնակի մակարդակում սովորել է ֆրանսերեն, անգլերեն և որոշ արաբական բարբառներ^[3]։

Կինեմատոգրաֆիայի հանդեպ ունեցած կիրքը ստիպում է Ֆալլակին դերասան դառնալու փորձեր կատարել^[3]։ Անգլերենի դասընթացներից հետո ընդունվում է Ալժիրի դրամատիկական արվեստի ազգային ինստիտուտ^[4]։ Ստանալով բարձրագույն կրթություն` 1973-ից 1978 թվականներին հյուրախաղերով հանդես է եկել Ալժիրում, տարբեր թատերական խմբերով^[3]։ Նույն թվականին տեղափոխվել է Քվեբեկ և այնտեղ ապրել է մինչև 1982 թվականը^[3]։

1983 թվականին Ֆալլակը հայտնվել է Փարիզում, երկու տարի անց վերադարձել է հայրենիք, որտեղ խաղացել է բազմաթիվ բեմադրություններում^[4]։ Այդ ժամանակ էլ սկսել է մենախոսողի կարիերան^[4]։ Նախասիրած թեմաներից դերասանը ընտրում է գործող կառավարության և իսլամիստների վեր բարձրացման քննադատությունը^[4]։ 1993 թվականի սեպտեմբերին Բեդջայայում զբաղեցրել է պետական թատրոնի տնօրենի պաշտոնը^[3]։ Անվախ Ֆալլակը մենախոսությամբ շատ հեռուն է գնացել և 1995 թվականին Թունիսի թատրոններից մեկում, որտեղ նա ելույթ էր ունեցել, ռումբ էին տեղադրել^[4]։ Զոհեր չկային, սակայն դերասանը որոշում է վերադառնալ Ֆրանսիա, նկարահանվել է կինոյում, հրապարակել է որոշ գրքեր և պիեսներ^[4]։

2011 թվականին Ֆալլակն իր կարիերայում նոր շրջադարձ է կատարում. կինոթատրոններում էկրան է բարձրացել Ֆիլիպ Ֆալարդոյի «Պարոն Լազար» դրաման, որտեղ դերասանը կատարում էր ուսուցչի` Բարիշ Լազարի գլխավոր դերը։ Տեսարանը մեծ հաջողություն է ունեցել Կանադայում, որտեղ արժանացել է բազմաթիվ մրցանակների, ներառյալ «Ջինի» մրցանակը, որը հանձնվել է հենց Ֆալլակին` լավագույն տղամարդու դերի համար, և ԱՄՆ-ում, որտեղ առաջադրվել է «Օսկար» մրցանակին` լավագույն ֆիլմ օտար լեզվով անվանակարգում։

Այժմ հյուրախաղերով հանդես է գալիս Ֆրանսիայի փոքր քաղաքներում, համագործակցում է տեղի հեռուստաընկերության հետ, որոշ հեռուստաշոուներ է վարում^[4]։

Ֆիլմագրություն

Տարի		Հայերեն անվանում	Բնօրինակ անվանում	Դեր
1983	ֆ	Ազատություն, գիշեր	Liberté, la nuit	Մոխանդ
1998	ֆ	Երեխան Չաաբայից	Le Gone du chaâba	Բուզի
2002	ֆ	Արյունոտ ծաղիկներ	Fleurs de sang	Ալի
2005	ֆ	Հարևան, հարևանուհի	Voisins, voisines	мистер Малуф
2005	ֆ	[Բրնձե փողոց	Rue des figuiers	Մարֆուզ
2007	ֆ	Միշուն Դ'Օբերից	Michou d'Auber	Ակլի
2007	ֆ	Մտերիմ թշնամիներ	L'ennemi intime	Իդիր Դանուն
2008	ֆ	Պետք է փրկել Սաիդին	Il faut sauver Saïd	հայր
2008	ֆ	Դաջվածքներով այրին	La veuve tatouée	Դավիթ
2009	ֆ	Բարոնը	Les Barons	«R.G.»
2010	ֆ	Ոչ փոխել, ոչ նորից սկսել	Ni reprise, ni échangée	Ժերրա
2010	ֆ	Վերևի հարկ, ձախ թև	Dernier étage, gauche, gauche	Մոխանդ
2010	ֆ	Խոզապուխտ մնացե՞լ է	Il reste du jambon ?	Մահմուդ Բուդո
2011	ֆ	Ռաբբիի կատուն	Le chat du rabbin	շեյխ Մուհամմադ Սֆար (հնչյունավորում)
2011	ֆ	Պարոն Լազար	Monsieur Lazhar	Բաշիր Լազար
2012	ֆ	Ընձուղտը	Zarafa	Մահմուդ (հնչյունավորում)
2012	ֆ	Գիշերվա կեսին` ասես ցերեկ	Ce que le jour doit à la nuit	Մուհամմադ

Անձնական կյանք

Մուհամմադ Ֆալլակը մոտ 40 տարի ամուսնացած է ֆրանսիացի դերասանուհի Մարին Էպինի հետ, երեխաներ չունեն։

Մրցանակներ

1998 թվական` Ֆրանսիայի թատերական քննադատների մրցանակ, լավագույն տղամարդու դերի համար։
2003 թվական` Ռեյմոնդ Դևոյի անվան մրցանակ` օտար երկրներում ֆրանսերենի զարգացման համար։
2012 թվական` «Ջինի» մրցանակը, լավագույն տղամարդու դերի համար («Պարոն Լազար»)։
2012 թվական` «ՌիվեռՌան» միջազգային կինոփառատոնի մրցանակ, որպես լավագույն դերասան («Պարոն Լազար»)։
2012 թվական` Վանկուվերի կինոքննադատների շրջանակի մրցանակ` «Լավագույն տղամարդու դեր կանադական կինոֆիլմում» անվանակարգում («Պարոն Լազար»)։

Ծանոթագրություններ

↑ ^1,0 ^1,1 BD Gest' (ֆր.)
↑ ^2,0 ^2,1 Babelio (ֆր.) — 2007.
↑ ^3,0 ^3,1 ^3,2 ^3,3 ^3,4 ^3,5 ^3,6 «Biographie of Mohamed Fellag» (ֆրանսերեն). Fellag. Արխիվացված է օրիգինալից 2012 թ․ հուլիսի 20-ին. Վերցված է 2012 թ․ մարտի 11-ին.
↑ ^4,0 ^4,1 ^4,2 ^4,3 ^4,4 ^4,5 ^4,6 Кейт Тэйлор (22 февраля 2012). «Monsieur Lazhar: A movie that could have been written for Fellag» (անգլերեն). Globe and Mail. Վերցված է 2012 թ․ մարտի 11-ին.

Արտաքին հղումներ

Պաշտոնական կայք
Մուհամմադ Սայիդ Ֆալլակ Internet Movie Database կայքում

Վիքիպահեստն ունի նյութեր, որոնք վերաբերում են «Մուհամմադ Սայիդ Ֆալլակ» հոդվածին։

[_cc1d578841bca313-1] 1,0 ^1,1 BD Gest' (ֆր.)

[_bb9d4d5321eac29e-2] 2,0 ^2,1 Babelio (ֆր.) — 2007.

[Биография-3] 3,0 ^3,1 ^3,2 ^3,3 ^3,4 ^3,5 ^3,6 «Biographie of Mohamed Fellag» (ֆրանսերեն). Fellag. Արխիվացված է օրիգինալից 2012 թ․ հուլիսի 20-ին. Վերցված է 2012 թ․ մարտի 11-ին.

[Глоуб-4] 4,0 ^4,1 ^4,2 ^4,3 ^4,4 ^4,5 ^4,6 Кейт Тэйлор (22 февраля 2012). «Monsieur Lazhar: A movie that could have been written for Fellag» (անգլերեն). Globe and Mail. Վերցված է 2012 թ․ մարտի 11-ին.

[1]

[2]

[3]

[4]