Մոնթգոմերի Կարմայքլ
| Մոնթգոմերի Կարմայքլ | |
|---|---|
| Ծնվել է | մայիսի 17, 1857 |
| Ծննդավայր | Birkenhead, Ուիրրալ, Մերսիսայդ, Անգլիա, Մեծ Բրիտանիայի և Իռլանդիայի միացյալ թագավորություն |
| Մահացել է | օգոստոսի 6, 1936 (79 տարեկան) |
| Մահվան վայր | Տոսկանա, Իտալիա |
| Մասնագիտություն | գրող |
Մոնթգոմերի Կարմայքլ (անգլ.՝ Montgomery Carmichael, մայիսի 17, 1857, Birkenhead, Ուիրրալ, Մերսիսայդ, Անգլիա, Մեծ Բրիտանիայի և Իռլանդիայի միացյալ թագավորություն - օգոստոսի 6, 1936, Տոսկանա, Իտալիա), անգլիացի գրող։ Կոմպոզիտոր Մերի Կարմայքլի եղբայրն է։
Սովորել է Բոնում և Մյունխենում, այնուհետև հաստատվել է Իտալիայում, զբաղեցրել է երկրորդական դիվանագիտական պաշտոններ (մասնավորապես, 1892 թվականից եղել է փոխ-հյուպատոս, այնուհետև 1908-1922 թվականներին եղել է Բրիտանիայի հյուպատոսը Լիվոռնոյում, միաժամանակ 1912 թվականից՝ նաև Սան Մարինոյում)։
Հրատարակել է մի շարք աշխատանքներ Իտալիայի վերաբերյալ, որոնցից ամենամեծ ճանաչումը ձեռք է բերել «Տոսկանում. տոսկանյան քաղաքներ, տուսկանյան տեսակներ և տոսկանյան բարբառ» գիրքը (անգլ.՝ In Tuscany: Tuscan towns, Tuscan types, and the Tuscan tongue, 1901): Նա ուսումնասիրել է Ջորջ Թոբայաս Սմոլեթի` Իտալիայում լինելու հետքերը և Ֆրանցիսկ Ասսիզեցու կենսագրությունը,անգլերեն է թարգմանել 13-րդ դարի «Սուրբ Ֆրանցիսկոսի հարսանիքը աղքատության հետ» տեքստը («Տիկին աղքատություն» վերնագրով, անգլերեն՝ «The Lady Poverty», 1901): Նա նաև հրատարակել է «Ֆրանչի գլուխգործոցը. Ակնարկ արվեստում անմեղսունակ հայեցակարգի պատկերի ծագման մասին» մենագրությունը (անգլ.` Francia's masterpiece. An essay on the beginnings of the Immaculate conception in art, 1909): Կարմայքլի «Հնության արքայական համայքնի անդամ Ջոն Ուիլյամ Ուելշի կյանքը» (անգլ.` The life of John William Walshe, F. S. A.; 1902) գիրքը, որը գրվել է որպես կաթոլիկություն ընդունած և Իտալիայում հաստատաված իրական անգլիացու կյանքի նկարագրություն, ինքնակենսագրական տարրերով կեղծիք է եղել, ինչը պատճառ է դարձել ժամանակակից քննադատների քննադատությանն է արժանացել[1]։ Այնուամենայնիվ, Կարմայքլի հաջորդ՝ «Սամբուկայի ճգնավորները» վեպը (անգլ.` The Solitaries of the Sambuca, 1914), նույնպես գրվել է հորինված հեղինակի անունից։ Նա նաև հրատարակել է Հենրիկ Իբսենի «Ռոսմերսհոլմ» (1890) դրամայի անգլերեն թարգմանությունը։
Բրիտանական կայսրության շքանշանի ասպետ է (1920)։
Ծանոթագրություններ
[խմբագրել | խմբագրել կոդը]- ↑ Jana Brubaker. Text, Lies and Cataloging: Ethical Treatment of Deceptive Works in the Library. — McFarland, 2018. — P. 23-24.