Վիքիպեդիայից՝ ազատ հանրագիտարանից
Մեհմեդ Քյամիլ փաշա (թուրքերեն ՝ Mehmet Kâmil Paşa , հունվարի 1 , 1833 (1833-01-01 ) կամ 1832 [1] [2] [3] […] , Նիկոսիա , Նիկոսիայի շրջան , Կիպրոս - նոյեմբերի 14 , 1913 (1913-11-14 ) կամ 1912 [1] [2] [3] […] , Նիկոսիա , Նիկոսիայի շրջան , Կիպրոս ), թուրք պետական և քաղաքական գործիչ։ 1884-1912 թվականների ընթացքում 4 անգամ եղել է մեծ վեզիր։ Գրել է «Օսմանյան պետության քաղաքական պատմությունը» (հ. 1-3, 1909-10, արաբատառ թուրքերեն), որտեղ շարադրել է Օսմանյան կայսրության պատմությունը հիմնադրումից մինչև 1861 թ., հրատարակել է իր քաղաքական հուշերի առաջին հատորը (1911, արաբատառ թուրքերեն)։ Քյամիլի հուշերում նյութեր կան 1884 թ. Սասունի հայկական կոտորածների, 1895 թ. Արևմտյան Հայաստանում բարենորոգումներ անցկացնելու համար Մեծ Բրիտանիայի , Ֆրանսիայի և Ռուսաստանի ՝ Բարձր դռանը ներկայացրած հուշագրերի վերաբերյալ։ Դեռևս 1880-ական թվականներին Քյամիլի հայացքներում ձևավորվել են ծայրահեղ ազգայնամոլ, գաղափարներ, որոնք հետագայում հանգել են ցեղասպանության գաղափարախոսությանը։
↑ 1,0 1,1 1,2 1,3 1,4 https://openlibrary.org/authors/OL4540351A/Kibrisli_Meḥmed_Kāmil_Pāşā
↑ 2,0 2,1 2,2 2,3 2,4 https://openlibrary.org/authors/OL4553419A/Kibrisli_Mehmed_Kâmil_Paşa
↑ 3,0 3,1 3,2 3,3 3,4 https://openlibrary.org/authors/OL4540353A/Kibrisli_Meḥmed_Kamil_Paşa
Բառարաններ և հանրագիտարաններ
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից , որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։