Շուբերտը «Լոկ Նեսսեն», «Ռեզաեր» և Դրեզդենի «Դինամո» ֆուտբոլային ակումբների սանն է եղել։ 2015 թ. նոյեմբերի 28-ին դարպասապահը իր առաջին խաղն է անցկացնում Գերմանիայի երրորդ լիգայում, երբ թիմը մրցում էր «Պրոյսսեն» ակումբի հետ[2]։ Մրցաշրջանի արդյունքներով դարպասապահը կարողանում է օգնել իր թիմին խաղալու ավելի բարձր դիվիզիոնում։ 2018 թ. հունվարի 25-ին իր առաջին խաղն է անցկացնում Երկրորդ Բունդեսլիգայում, երբ թիմը մրցում էր «Սանկտ-Պաուլի» ակումբի հետ[3]։ 2019 թ. ամռանը դարպասապահը 4 տարվա պայմանագիր է կնքում «Շալկե 04» ակումբի հետ[4]։ Բունդեսլիգայում իր առաջին խաղն անցկացնում է դեկտեմբերի 15-ին, երբ թիմը մրցում էր Ֆրանկֆուրտի «Այնտրախտ» ակումբի հետ[5]։
2015 թ. Շուբերտը Գերմանիայի մինչև 17 տարեկանների ազգային հավաքականի կազմում կարողանում է դառնալ Բուլղարիայում անցկացված Եվրոպայի առաջնության փոխչեմպիոն։ Բայց այդ մրցաշարում նա պահեստային դարպասապահ էր և խաղադաշտ դուրս չի գալիս։ Նույն տարում Շուբերտը մասնակցում է նաև Չիլիում Աշխարհի առաջնությանը, բայց այստեղ ևս խաղադաշտ դուրս չի գալիս։
2016 թ. դարպասապահը մինչև 19 տարեկանների ազգային հավաքականի կազմում մասնակցում է Եվրոպայի առաջնությանը, բայց խաղադաշտ դուրս չի գալիս։
2019 թ. մինչև 21 տարեկանների ազգային հավաքականի կազմում մասնակցում է Իտալիայում անցկացված Եվրոպայի առաջնությանը, բայց խաղադաշտ դուրս չի գալիս։