Jump to content

Մարլի Մեթլին

Վիքիպեդիայից՝ ազատ հանրագիտարանից
Մարլի Մեթլին
Ծննդյան թիվ՝օգոստոսի 24, 1965(1965-08-24)[1][2] (59 տարեկան)
Ծննդավայր՝Morton Grove, Իլինոյս, ԱՄՆ
Քաղաքացիություն՝ ԱՄՆ
Մասնագիտություն՝դերասանուհի, հեղինակ, հեռուստատեսային դերասանուհի, կինոդերասանուհի, գործադիր պրոդյուսեր, հասարակական ակտիվիստ և թատրոնի դերասանուհի
Պարգևներ՝
IMDb։ID 0559144
marleematlin.net

Մարլի Մեթլին (անգլ.՝ Marlee Matlin, օգոստոսի 24, 1965(1965-08-24)[1][2], Morton Grove, Իլինոյս, ԱՄՆ), ամերիկացի դերասանուհի, որ վաղ մանկության տարիներին կորցրել է լսողությունը բարձր ջերմությամբ ուղեկցված հիվանդության պատճառով։

Կենսագրություն

[խմբագրել | խմբագրել կոդը]

Իր կարիերայի սկզբում նա դերակատարումով հանդես է եկել Փոքր աստծո զավակները պիեսի բեմադրության մեջ։ 1986 թվականին պիեսը նրա մասնակցությամբ էկրանավորվել է և Մեթլինին բերել Օսկար հեղինակավոր կինոմրցանակ «Լավագույն դերասանուհի անվանակարգում։ Նա այդ մրցանակին արժանացած առաջին և միակ խուլ դերասանուհին է[4] և չորրորդ դերասանուհին համաշխարհային կինոյի պատմության մեջ, ով այդ պարգևն ստացել է իր դեբյուտային դերի համար։ Դերասանական իր այդ աշխատանքի համար Մեթլինն արժանացել է նաև «Ոսկե գլոբուս» մրցանակի։

1991-1993 թվականներին դերասանուհին նկարահանվել է «Ողջամիտ կասկած» սերիալում, որի համար առաջադրվել է «Ոսկե գլոբուսի» երկու անվանակարգում։ Բացի այդ, Մեթլինը չորս անգամ առաջադրվել է հեռուստատեսային «Էմմի» մրցանակի. երկու անգամ՝ 1994 թվականին՝ «Սայնֆելդ » և «Ֆորպոստ» հեռուստասերիալներում կատարած դերերի համար, 2000 թվականին՝ «The Practice» հեռուստասերիալում և 2004-ին՝ «Օրենք ու կարգ. Հատուկ կորպուս» հեռուստասերիալում դերակատարման համար։

1999-2006 թվականներին Մեթլինը նկարահանվել է «Արևմտյան թևը» քաղաքական սերիալում, 2007-2009 թվականներին՝ «Sextime» սերիալում, որը պատմում է լեսբուհի երկու ընկերուհիների ճակատագրի մասին։ Դերասանուհին մարմնավորել է Ջոդիին՝ սերիալի գլխավոր հերոսուհու սիրեցյալին, որը տաղանդավոր նկարչուհի էր և Կալիֆորնիայի համալսարանի դասախոս։ Մեթլինը իբրև հրավիրյալ կինոաստղ՝ նկարահանվել է նաև Հուսահատ տնային տնտեսուհիներ/Desperate Housewives, CSI: Crime Scene Investigation և Անունս Էռլ է/My Name is Earl հեռուստասերիալներում։

Կինոարվեստի ասպարեզում ներդրած ավանդի համար Մեթլին Մարլին արժանացել է աստղի Հոլիվուդի Փառքի ծառուղում։

2002 թվականին նա լույս է ընծայել հիշողությունների իր գիրքը։

Չորս երեխա ունի Քևին Գրանդալսկու հետ ամուսնությունից. նրանք բոլորն էլ լսողություն ունեն։

Մրցանակներ և անվանակարգեր

[խմբագրել | խմբագրել կոդը]
Մրցանակը Տարին Անվանակարգը Վերնագիրը Արդյունքը
Օսկար 1987 Օսկար լավագույն դերասանուհու համար Փոքր Աստծո զավակները Հաղթանակ
Ոսկե գլոբուս 1987 Կանացի լավագույն դերակատարում դրամատիկ ֆիլմում Հաղթանակ
1992 Կանացի լավագույն դերակատարում դրամատիկ հեռուստասերիալում Ողջամիտ կասկած Առաջադրված
1993 Առաջադրված
Պրայմ թայմ «Էմմի» մրցանակ 1994 Հրավիրյալ լավագույն դերասանուհի կատակերգական հեռուստասերիալում Սայնֆելդ Առաջադրված
Հրավիրյալ լավագույն դերասանուհի դրամատիկ հեռուստասերիալում Ֆորպոստ Առաջադրված
2000 Պրակտիկա Առաջադրված
2004 Օրենք ու կարգ։ Հատուկ կորպուս Առաջադրված
ԱՄՆ-ի կինոդերասանների գիլդիայի մրցանակ 1996 Լավագույն դերասանական կազմ դրամատիկ հեռուստասերիալում Ֆորպոստ Առաջադրված
2022 Լավագույն դերասանական կազմ խաղարկային ֆիլմում CODA: Խուլ ծնողների երեխան Հաղթանակ

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Internet Broadway Database — 2000.
  2. ↑ 2,0 2,1 Munzinger Personen (գերմ.)
  3. ↑ https://www.oscars.org/oscars/ceremonies/1987
  4. ↑ «Shoshannah Stern — Ready for Prime Time»». Ability Magazine. Արխիվացված օրիգինալից 2021 թ․ մարտի 21-ին. Վերցված է 16.11.2021-ին.

Գրականություն

[խմբագրել | խմբագրել կոդը]

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Մարլի Մեթլին» հոդվածին։
X · X
Ֆոտո, վիդեո և աուդիո
Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Մարլի_Մեթլին&oldid=9741782» էջից