30-80 սմ բարձրությամբ ճյուղավոր ցողունով միամյա խոտաբույս է։ Քնարաձև տերևները երկար են և փետրաձև մասնատված։ Խոշոր, սպիտակավուն կամ դեղնավուն, բաժակից կրկնակի երկար պսակաթերթերի վրա երևում են մանուշակագույն ջղերը։ Հաստ պտղակոթով, երկար, թրաձև կտուցով պտուղը երկարավուն ձվաձև պատիճ է։ Բաց դարչնագույն, պատիճներում երկու շարքով դասավորված սերմերը մանր են[1]։
Բուժական նպատակներով օգտագործում են կանաչ զանգվածը, ծաղիկներն ու սերմերը։ Բույսը թարմ վիճակում որպես բանջարեղենային ավելցուկ օգտագործվում է տարբեր կերակրատեսակներում և որպես համեմունք՝ աղցաններում, ապուրներում, իսկ սերմերից պատրաստում են մանանեխ[1]։
