Ղաեմշահր (պարս.՝ قائمشهر), քաղաք Իրանի հյուսիսում, Մազանդարան օսթանում։ Հանդիսանում է համանուն շահրեստանի վարչական կենտրոնը։ Բնակչությունը վերջին մարդահամարի տվյալներով կազմում է 204 953 մարդ (2016)[1][2]։ Մինչև 1979 թվականը կոչվել է Շահի։
Ղաեմշահրը տեղակայված է Մազանդարանի մերձկասպյան դաշտավայրում, որը տարածվում է Էլբուրսի լեռների և Կասպից ծովի միջև։ Գտնվում է Կասպից ծովից մոտ 30 կմ հարավ, Թալար գետի աջ ափին։ Տեղակայված է Մազանդարանի վարչական կենտրոն Սարիից մոտ 15 կմ հարավ-արևմուտք, երկրի մայրաքաղաք Թեհրանից մոտ 160 կմ հյուսիս-արևելք։ Ունի խոնավ մերձարևադարձային կլիմա։
Հանդիսանում է կարևոր տրանսպորտային հանգույց. քաղաքով են անցնում Մազանդարանը Թեհրանի հետ կապող երկաթուղին և կարևոր ավտոճանապարհներից մեկը։
Բնակչությունը 2016 թվականի մարդահամարի տվյալներով կազմում էր 204 953 մարդ, որոնք կազմում էին 68 407 տնտեսություն։ Ղաեմշահրը Մազանդարան օսթանի բնակչությամբ չորրորդ ամենախոշոր քաղաքն է Սարիից, Բաբոլից և Ամոլից հետո[3]։ Քաղաքի բնակչության փոփոխությունը ժամանակի ընթացքում բերված է աղյուսակում ստորև.
Իրան
