Հենրիկ Նիկոյան
Հենրիկ Նիկոյան | |
---|---|
Ի ծնե | Հենրիկ Սուրենի Նիկոյան |
Ծնվել է | մայիսի 17, 1936 (88 տարեկան) |
Ծննդավայր | Լենինական |
Ազգություն | հայ |
Կրթություն | Սանկտ Պետերբուրգի Շտիգլիցի անվան գեղարվեստաարդյունաբերական ակադեմիա |
Մասնագիտություն | նկարիչ |
Ուսուցիչ | Հակոբ Անանիկյան և Շանթ Սարգսյան |
Հենրիկ Սուրենի Նիկոյան (մայիսի 17, 1936, Լենինական, Հայկական ԽՍՀ, ԱԽՖՍՀ, ԽՍՀՄ), հայ նկարիչ-դիզայներ։
Կենսագրություն
[խմբագրել | խմբագրել կոդը]Հենրիկ Նիկոյանը ծնվել է 1936 թվականին Լենինականում։ Սովորել է Գյումրիի գեղարվեստի դպրոցում՝ Հակոբ Անանիկյանի և Շանթ Սարգսյանի դասարաններում։ 1962 թվականին ավարտել Է Լենինգրադի Մուխինայի անվան բարձրագույն գեղարվեստա-արդյունաբերական ուսումնարանի գեղարվեստական ապակեգործության և խեցեգործության բաժինը։ 1963-1958 թվականներին և 1970-1973 թվականներին եղել է ԽՍՀՄ տեխնիկական գեղագիտության ԳՀԻ Հայաստանի մասնաճյուղի բաժնի վարիչ։ 1966 թվականից դասավանդում Է Երևանի գեղարվեստի պետական ակադեմիայում, պրոֆեսոր` 1992 թվականից[1]։
Ստեղծագործություններ
[խմբագրել | խմբագրել կոդը]Գեղարվեստական ապակու, գեղանկարչության, դիզայնի բնագավառներում ստեղծել է ուշագրավ կոմպոզիցիաներ, հաստոցաշինական դիզայնի բարձրարժեք նախագծեր։
- «Տիեզերք» (1963, դեկորատիվ կոմպոզիցիա, բյուրեղապակի, ԺՏՆՑ, Երևան)։
- «Փյունիկ թռչուն» (1980, գունավոր բյուրեղապակի, Գյումրիի դրամատիկական թատրոնի ճեմասրահ)
1985-1995 թվականներին մի շարք աշխատանքներ կատարված են փորձարարական եղանակով, նոր տեխնոլոգիական հնարավորություններով։
Պարգևներ
[խմբագրել | խմբագրել կոդը]Պարգևատրվել է ԽՍՀՄ ԺՏՆՑ արծաթե, բրոնզե մեդալներով (1978)։
Անհատական ցուցահանդեսներ
[խմբագրել | խմբագրել կոդը]- Հայաստանի ազգագրության պետական թանգարան, Սարդարապատ, 1979, 1981
- Երևան, 1986, 1996
- «Տեսիլքներ», Գաֆեսճյան արվեստի կենտրոն, 2011[2][3][4]
Ծանոթագրություններ
[խմբագրել | խմբագրել կոդը]- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
- ↑ Գաֆեսճյան արվեստի կենտրոնում կբացվի «Հենրիկ Նիկոյան. Տեսիլքներ» ցուցահանդեսը
- ↑ Henrik Nikoyan: Visions exhibition private opening
- ↑ «Հենրիկ Նիկոյան. Տեսիլքներ» ցուցահանդեսը` Գաֆէսճեան կենտրոնում