ՀԴԲ-ի կողմից 10 ամենահետախուզվող փախստականների ցանկ

ՀԴԲ-ի կողմից 10 ամենահետախուզվող փախստականների ցանկը 10 հոգուց կազմված փախստական անձանց ցուցակ է, որը կազմվել ՀԴԲ-ի կողմից 1949 թվականին՝ որպես ոչ պաշտոնական ցուցակ։ 1950 թվականի մարտի 14-ին այն ՀԴԲ-ի կողմից պաշտոնապես ճանաչվել է։

Նկարագրություն

Ցուցակից հեռացման չափանիշներն են՝

ձերբակալում;
մահ;
մեղադրանքի հանում;
ՀԴԲ- ի կողմից նոր գրության փոխարինում;
ՀԴԲ-ի որոշումն այն մասին, որ ցուցակի տվյալ անձն այլևս «հասարակության համար հատուկ վտանգավոր» չէ։

2020 թվականի փետրվարի ցուցակ

Ցուցակում առկա հանցագործներին բռնելու օգնության համար առաջարկվում է դրամական պարգևատրում։ Ցուցակի որոնվողների համար նվազագույն պարգևատորումը կազմում է 100 հազար ԱՄՆ դոլար, Ջեյսոն Դերեքի համար՝ 200 հազար ԱՄՆ դոլար, թմրանյութի տեր Ռաֆայել Կարո Կինտերոյի համար՝ 20 մլն ԱՄՆ դոլար։

Անուն	Ավելացված ամսաթիվ	Սերիական համար	Նկարագրություն
Ռոբերտ Վիլյամ Ֆիշեր	Հունիսի 29, 2002 (2002-06-29)	475	Որոնվում է իր երկու երեխաների և իր կնոջ սպանության և տունը պայթեցնելու համար, որը կատարել է 2001 թվականի ապրիլի 10-ին Արիզոնա նահանգի Սքոթսդեյլում^[1]։
Ալեքսիս Ֆլորես	Հունիսի 2, 2007 (2007-06-02)	487	Հետախուզման մեջ է գտնվում 2000 թվականի հուլիսին Ֆիլադելֆիայում հնգամյա Իրինա Դե Խեսուսի առևանգման և սպանության համար։ Արիզոնայում բանտային պատիժը կրելուց հետո՝ 2005 թվականինին արտաքսվել է Հոնդուրաս։ Կատարված ԴՆԹ հետազոտությունները համադրվել են հանցագործության հետ և Ալեքսիս Ֆլորեսն ավելացվել է այդ ցուցակում^[2]^[3]։
Ջեյսոն Դերեք Բրաուն	Դեկտեմբերի 8, 2007 (2007-12-08)	489	Հետախուզվում է Արիզոնա նահանգի Ֆինիքս քաղաքում սպանության և զինված կողոպուտի համար։ Իշխանությունները պնդում են, որ 2004 թվականի նոյեմբերին նա կինոթատրոնի մոտ գտնվող զրահապատ մեքենայում գնդակահարել է թիկնապահին և պայուսակում 56 հազար դոլարով հեծանվով փախել։ ՀԴԲ-ն մինչև 200 հազար դոլարի չափով պարգևատրում է առաջարկում այն տեղեկատվության համար, որը կհանգեցնի նրան բռնելու։ Իշխանությունները կարծում են, որ նա լքել է երկիրն ու հնարավոր է որ, ապրում է Ֆրանսիայում կամ՝ Թաիլանդում^[4]^[5]^[6]։
Յասեր Աբդել Սաիդ	Դեկտեմբերի 4, 2014 (2014-12-04)	504	Հետախուզման մեջ է գտնվում իր երկու 15-ամյա դստրերին հրազենով սպանելու համար։
Բհանդրեշկումար Չետանբհայ Պատել	Ապրիլի 18, 2017 (2017-04-18)	514	Ենթադրվում է, որ 2015 թվականի ապրիլի 12-ին բլիթների խանութում դանակահարել և սպանել է իր կնոջը։ Վերջին անգամ նրան տեսել են, երբ նա ավտոբուս է նստել։ Ըստ իշխանությունների տվյալների՝ նա կապեր ունի Կանադայում, Հնդկաստանում, Նյու Ջերսիում, Կենտուկիում, Ջորջիայում և Իլինոյսում։
Սանտյագո Վիլյալբա Մեդերոս	Սեպտեմբերի 25, 2017 (2017-09-25)	515	«Eastside Lokotes Sureños» հրոսակախմբի անդամ է, հետախուզման մեջ է Վաշինգտոնի նահանգի Տակոմում երկու առանձին փոխհրաձգությունների կապակցությամբ, որոնց հետևանքով երիտասարդ կին է զոհվել և ծանր վիրավորվել նրա եղբայրը, իսկ մեկ ամիս անց սպանել է երիտասարդի։ Սպանությունների պահին Մեդեյրոսը եղել է դեռահաս։
Ալեխանդրո Կաստիլյո	Հոկտեմբերի 24, 2017 (2017-10-24)	516	Որոնվում է 2016 թվականին 23-ամյա Քուան անունով կնոջ սպանության համար, որի հետ նա ավելի վաղ ծանոթացել է Շառլոտայի ռեստորանում՝ համատեղ աշխատանքի ժամանակ։
Ռաֆայել Կարո Կինտերո	Ապրիլի 12, 2018 (2018-04-12)	518	Եղել է մեքսիկական կարտելի առաջնորդ, հետախուզվում է ԱՄՆ-ի Թմրանյութերի դեմ պայքարի վարչության (DEA) գործակալ Էնրիկե Քամարեն Սալազարի, օդաչու Ալֆրեդո Զավալա Ավելարի, ամերիկացի գրող Ջոն Քլեյ Ուոքերի և ստոմատոլոգիայի ուսանող Ալբերտո Ռադելատի առևանգմանն ու սպանությանը մասնակցելու համար՝ 1985 թվականին։ Նա Մեքսիկայում 28 տարի անցկացրել է բանտում, ազատ է արձակվել 2013 թվականին, որից անմիջապես հետո տրվել է նոր ձերբակալության օրդեր։
Առնոլդո Խիմենես	Մայիսի 8, 2019 (2019-05-08)	522	Որոնվում է 2012 թվականի մայիսի 12-ին կնոջ սպանության համար։ Ենթադրվում է, որ իր կնոջը սպանել է հարսանիքից ընդամենը մի քանի ժամ անց։ Կնոջ մարմինը գտել են Իլինոյս նահանգի Բըրբենքի քաղաքի սեփական բնակարանում։
Պյուջին Պալմե	Մայիսի 29, 2019 (2019-05-29)	523	Որոնվում է 2012 թվականի սեպտեմբերի 24-ին Նյու Յորքի Սթոնի Փոյնթ քաղաքում իր հարսի սպանության համար։

Ծանոթագրություններ

↑ «Report portrays suspect in family killing as cruel, controlling». archive.azcentral.com. Վերցված է 2020 թ․ փետրվարի 8-ին.
↑ «Federal Bureau of Investigation Ten Most Wanted Fugitive - Alexis Flores». web.archive.org. 2007 թ․ հունիսի 29. Արխիվացված է օրիգինալից 2007 թ․ հունիսի 29-ին. Վերցված է 2020 թ․ փետրվարի 8-ին.
↑ «AMW.com | Alexis Flores - Fugitive». web.archive.org. 2008 թ․ դեկտեմբերի 18. Արխիվացված է օրիգինալից 2008 թ․ դեկտեմբերի 18-ին. Վերցված է 2020 թ․ փետրվարի 8-ին.
↑ «Federal Bureau of Investigation - Ten Most Wanted Fugitive - Jason Derek Brown». web.archive.org. 2007 թ․ դեկտեմբերի 11. Արխիվացված է օրիգինալից 2007 թ․ դեկտեմբերի 11-ին. Վերցված է 2020 թ․ փետրվարի 8-ին.
↑ «AMW.com | Jason Brown - Fugitive». web.archive.org. 2008 թ․ դեկտեմբերի 16. Արխիվացված է օրիգինալից 2008 թ․ դեկտեմբերի 16-ին. Վերցված է 2020 թ․ փետրվարի 8-ին.
↑ «Tarit: Thailand is region's No 1 terror target» (անգլերեն). www.nationthailand.com. Վերցված է 2020 թ․ փետրվարի 8-ին.

Արտաքին հղումներ

Վիքիպահեստն ունի նյութեր, որոնք վերաբերում են «ՀԴԲ-ի կողմից 10 ամենահետախուզվող փախստականների ցանկ» հոդվածին։

[1] «Report portrays suspect in family killing as cruel, controlling». archive.azcentral.com. Վերցված է 2020 թ․ փետրվարի 8-ին.

[2] «Federal Bureau of Investigation Ten Most Wanted Fugitive - Alexis Flores». web.archive.org. 2007 թ․ հունիսի 29. Արխիվացված է օրիգինալից 2007 թ․ հունիսի 29-ին. Վերցված է 2020 թ․ փետրվարի 8-ին.

[3] «AMW.com | Alexis Flores - Fugitive». web.archive.org. 2008 թ․ դեկտեմբերի 18. Արխիվացված է օրիգինալից 2008 թ․ դեկտեմբերի 18-ին. Վերցված է 2020 թ․ փետրվարի 8-ին.

[4] «Federal Bureau of Investigation - Ten Most Wanted Fugitive - Jason Derek Brown». web.archive.org. 2007 թ․ դեկտեմբերի 11. Արխիվացված է օրիգինալից 2007 թ․ դեկտեմբերի 11-ին. Վերցված է 2020 թ․ փետրվարի 8-ին.

[5] «AMW.com | Jason Brown - Fugitive». web.archive.org. 2008 թ․ դեկտեմբերի 16. Արխիվացված է օրիգինալից 2008 թ․ դեկտեմբերի 16-ին. Վերցված է 2020 թ․ փետրվարի 8-ին.

[6] «Tarit: Thailand is region's No 1 terror target» (անգլերեն). www.nationthailand.com. Վերցված է 2020 թ․ փետրվարի 8-ին.

[1]

[2]

[3]

[4]

[5]

[6]